ًً

أنثر شتّاتي

[ًً @rf8h_]

والله إن أطيح وأخرف وأشيب
مانسيت فراق من يوجع فراقه):

[ًً @rf8h_]

أنا فوادي من اللّوعات ماهو خلي
واصوم لكن شفوف قلوبنا ماتصوم

يالغايبين اللي لو الدنيا تردكم علي
عيدت والعيد باقي له ٣٠ يوم .

[ًً @rf8h_]

مبارك عليكم الشهر الكريم
جعلكم الله من صوامه وقوامه
ينعاد عليكم وعلى احبابكم بالمسره🩶.

[ًً @rf8h_]

من خسرت البداية ماخسرت المقام
ومن لمحت النهاية . . ما تحاشيتها

لو تزيد المواجع كل ليلة وكل عام
ما جرحت القلوب البيض وادميتها

يا سراب السعادة والرضا والسلام
يا نقيض السنين اللي تمنيتها

انت مثل الحياة الفانيه بالتمام
عارف اني بخليها .. وحبيتها .

[ًً @rf8h_]

لا قصيد الا قصيدٍ توليه إهتمام
ذايقتها ماهو أيّة قصيد يشدّها .

[ًً @rf8h_]

بعض العرب روحه مثل دلة الكيف
فنجالها يشفي القلوب العليله .

[ًً @rf8h_]

لاتحترق خلك مثل كسرة العود
لاصابها حرّ الجمر تظهر الطيّب

[ًً @rf8h_]

ذخرتك طلقةٍ ترمى بصدر الصاحب الكذّاب
لعلّ سلاحي موجّه على . . صدري وشرياني .

[ًً @rf8h_]

اخذ من خضار العمر صبرٍ على غبراه
ترى أجمل سنين العمر ماهيب منعادة .

[ًً @rf8h_]

الحب مالي فيه رأي وما أظن لي غيرك مكان .

[ًً @rf8h_]

جعل الحيا من صادق الغمامه
يسقي الديار بـ مزنـةٍ منتحيه
ㅤ
كن صوت وبله لاضرب فالجامه
قرطاب اصابع جادل ٍمستحيه .

[ًً @rf8h_]

على مقابر الغالين جعل الحيا ينقاد
عسى الغيث بـ الغفران دايم يعاوّدها .

[ًً @rf8h_]

جيت رحبنا واذا رحت ودعناك
سلوم البدو دون المقفّين تمنعنا .

[ًً @rf8h_]

عليك السلام ولا بقى بالخواطر شي
تعدّتك شرهات الخواطر بما فيها .

[ًً @rf8h_]

إمّا تحضر مثل ضرب السّيل ف الأرض الخريبه
ولا شقّق ما بقى من وجهك البارد.. وبلّه .

[ًً @rf8h_]

ماعلى شوفي ضباب ولا على قلبي حصانه
في ضميري شرهة ماغير احاضيها محاضا

الله اللي فارقٍ يوسف على باقي اخوانه
يالعزيز اللي على شأنك بنسمح وانتغاضى

اعتبرها زلةٍ عدت مع باب الميانه
ودي انها جات من غيرك على شان أتقاضى

[ًً @rf8h_]

من همهمات الوداع لـ صوت ترحيبك
راحت مع الوقت و النسيان همّشها

نسوك حتى الطواري سجّت اتجيبك
"و الذاكره ما تعرفك لين اغشّشها “

[ًً @rf8h_]

والله ما قد شحت يديني على غيري
ولا جحدت الشعور وقلت أنا عكسه

ماهو بمحزني .. ألا صدق تعبيري
ليته عرف قيمته ولا رحم يأسه

مع كل دمعة وجرح يزيد تقديري
أهم حاجة رضى الإنسان عن نفسه .

[ًً @rf8h_]

أضحك وأجامل للعرب وأتحمّد
وانا بعير الحزن فالقلب بارك.

[ًً @rf8h_]

كريم العطا يامظهر النو من منشاه
ومسقى ديار ٍ نبتها يابس ٍ عوده .

[ًً @rf8h_]

للصور ذكرى عزيزه على بالي
لاطريت رحت انشد المحتفظ عنها

كون صورةً غالي يابري حالي
كل يوم اشوفها واتمعنها

تعترض لي دايم واتهيالي
لين صرت استرجع الذاكره لانها

صورةً تحمل في طياتها غالي
راح في رحلة ذهاب ياعنكنها

ماتقايس بالكيال والاميالي
رحلةً ماعاده براجع ـن منها .