مطحس

متى تجيني مثل ما جيت حلمٍ علم ؟

[مطحس @ri3il]

-
صدقه ل #ابوي الله يرحمه
تراها ضغطه بس لاتبخلون😿💔ֆ ء

[مطحس @ri3il]

"والله إني ما اسفهلّ بونس غيرك..لو عطوني
قصر في حي المصيف وقصر في حي العليّا"
لسعد بن جدلان
مُتحدثاً عن الونس لا صرت بجانب محبوبك، وأن لحظةٍ معه تسوى الدنيا بأهلها 💙

[مطحس @ri3il]

ياخوي ضاقت وحارت بي وكَل جهدي
وعلومي علوم وظروف الزمان محقى..

والناس مادري علام الناس ما تنحدي
للحق ، و الحق واضح والرجال حققى

ياخوي بار الردي عادي يبور الردي
المشكلة باروا الاخوان والاصدقا

عجزت لا اقطع رجا واتوب وانفض يدي
باللي على البال رغم انه بهم وش بقى !

[مطحس @ri3il]

التاريخ نحن نكتبه .. التاريخ نحن نسطره
التاريخ اسمه الهلال 🤩💙💙💙💙💙

[مطحس @ri3il]

مرتفع دايم طموحي ابتديت ولا انتهيته
ولا اصدق من يقول ان البساطه بالسعاده

أتجاهل واتغافل ماورا صدري كميته
واتحدى واتصدى للمواقيف ب ايراده

واتفكر واتامل فالزمان ولا شنيته
حاله يحير لبيب العقل لو كمّل رشاده

كم هقيت وكم هقيت وضاع كل اللي هقيته
تكبر الهقوات به واثره مكبّر للوساده

[مطحس @ri3il]

صاحبي وانت كل الذكريات العتيقه
كيف من يذكرك لا اصبح بينساك لا امسى

تقدر تشوفني رغم الجروح العميقه
ودّي اقسى عليك، ولا عرف كيف ابقسى

كم حقيقه ماتعجبنا ولكن حقيقه
والحقيقه مراكبنا غدت دون مرسى

لا جبرنا الزمن.. كلٍ يكمّل طريقه
وانت حاول تذَكّرني وانا احاول انسى.

[مطحس @ri3il]

عليك تميل يالغصن الندي وانا علي الوجد
وكبدي فوقها نار سعير .. وحدرها ملّه

نشدت وقالو إن ازين سلالة في قبايل نجد
سلالتك النبيله وانك ازين من خلقه الله

وغير الزين والصوت الرقيق انك "سليلة مجد"
اهلك اللي يروون القنا والسيف ابو سلّه :)

[مطحس @ri3il]

بين ملمسك الحرير وخدك الكشميري
تمتلي عيني من اللذّه غرور وشهوه

اتركيني في حنايا صدرك " التنويري "
ودي اطهّر حياتي من بقايا الصحوه

ساعيٍ بين " الثنين " وجاهر تكبيري
كني اسعى فالحرم بين الصفا والمروه

[مطحس @ri3il]

جعل ربي م يحاسبني على تقصيري
بـ الذنوب الظاهره ولا ذنوب الخلوه

ودّي اني كافيٍ شرّي وكافٍ خيري
مسلم زاهد مصلّي مُستجاب الدعوه

من شياطين الذنوب وضحكها الهستيري
اتجرّا واترك التوبه و اعيد النزوه

[مطحس @ri3il]

ابحري ي اللي تسلطنتي على تفكيري
بالجديل المنتثر ولا العيون الحلوه

جعل م يدفى على جمره شفاتك غيري
يَ غزال صايدت قلبي واخذته عنوه

[مطحس @ri3il]

حلالاه لو أني تاخرت ف التفكير
لكني شقي وأكبر عذاريبي العجّله
⠀
شرحت الأمور أبي يجي وراها خير
وحطتني الأيام في وقفتٍ خجّله

[مطحس @ri3il]

أعيش الحزن مع كل من يفتقد غاليه
لو أشوف غصنٍ جف ساقيه عانقته

ما دام إن قصيدي ما لقى واقعٍ يغريه
عطيت الخيال خطام الإبداع واعتقته

قبل لا يموت الليل وأودّعه باسريه
خيوط الصباح أشوفها حبل مشنقته

[مطحس @ri3il]

مع إن كل فرضٍ لا أذن المذن أصلّيه
معي ضيقة اللي مايصليه في وقته

من أول أضحّك واحدٍ عند قبر اخيه
وذا الحين لا واجهني الطرْب ضايقته

لا شفت الجماد اسمع وش يقول وأحاكيه
والإنسان ما أفهم وش كلامه لا ناطقته

[مطحس @ri3il]

من ليلة البارحة ماني بـ اخو شما
يجثم على الروح هاجوسٍ يسريها

اقرأ علي الفلق . . ولا جزء عمّا
نفسي من الضيق فيها اللي مكفيها.

[مطحس @ri3il]

"أعذريني يوم اقابل طعونك بإرتياح
كيف لا والجرح مملوح والجارح مليّح "

[مطحس @ri3il]

اختصر محمد عبدُه مشاعر العاشقين
عند اللقاء في كوبليه واحد فقط :
" في موعدي ليلة لُقانا مولدي " مؤكّدًا "
أنتِ في هالدّنيا نظر عيني مُناي ومطمَعي 🩶🎻.

⁃ولم يكتفي بذلك بل جعل الليل والقمرا والنجوم شهودًا على هذا الوعد :
" انّي معك منّك ولِك .. يرخص لك الغالي النّفيس "

[مطحس @ri3il]

نطرد سرابٍ في صحاري ظمانا
لا فيه ميرادٍ ولا حاصلٍ ذوق

يومٍ يبعّدنا ويومٍ دعانا
ويومٍ يلبّسنا خيال الهوى طوق

#abdu

[مطحس @ri3il]

محمد عبدُه يوم قال :
"لا لاتردين الرسايل وش اسوي بالورق!
وكل معنى للمحبة ذاب فيها و احترق"
ماتدري والله هو كبرياء ولا انكسار !!
بس الاكيد انه كبرياء ممزوج بالحسره والانكسار ، الكبرياء اللي فيه أخيرًا تفتح عينك و تعرف انك مهما ترسل وتحاول ما راح يتغيّر شي دام ذاك القلب صدّ وقفّل ابوابه بوجهك ومابقى للحب بينكم مكان وكل شيء ذاب و احترق ،
وهنا كأنه يقول " انتهت اخر محاولة كان الغرض منها انقاذ مكانة شخصٍ ما"
رفقًا بقلوبهم فإن للقلوب كرامة تفوق رغبات النفس.

[مطحس @ri3il]

"ايش لعوب"
فنان العرب محمد عبدّه
#abdu

[مطحس @ri3il]

من : "ارفع يديني طالبٍ ربّ الأرباب ، واتذكر العشرة وانزل ايديا " .
الى : "لاتعذّر وش تفيد المعاذير ، مسموح مابيني وبينك ملامة" .
تخيّروا الصديق الصادق الصدوق اللي يحسب حساب العشرة في كل امور الحياة بينكم ، اختاروا اللي يدمح الزلّات ويحبّكم زي ما انتم ، محد مجبور يسامح لكن اللي يحبّك وصادق بحبّه لك راح تلقاه في ضيقتك قبل سعادتك بتلقاه في حزنك قبل فرحك ، هو أول شخص بيركض لك ويمسح دمعتك ويشيل الهم من قلبك وان غبت عنه بيوم تلقاه اليوم الثاني باسط يدينه لك ..
⁃ تخيّر من كفّ فكّه عنك وفكّ كفّه لك 🩶 .

[مطحس @ri3il]

قولي له اني ماهقيت
اي والله ماهقيت💔.