قصيد فقط

تناقض شُعور لا شِعر

[قصيد فقط @rii1ui]

يا حلو احلامنا ومراهقتنا والبلا بعدين
کشفنا ضحكة اول حلمنا ودموع تاليه

ولكن ما ندمنا ليه ؟ لان العالم الحلوين
يعيشون الغلا وفق القوانين السعوديه
- ضيدان بن قضعان .

[قصيد فقط @rii1ui]

والله حسايف ضاع وقتي أناديك
والله خساره مسكنك وسط حايل

آخر قرار اليوم بعلن تجافيك
أعلنت أنا الفرقى ولا أرضى بدايل

[قصيد فقط @rii1ui]

الحسايف والعذر للي وراه مقفّي
لا تداوي جرح قلب ولا تسمّن ناحل

كنها قبلة وداع الحي للمتوفّي
لا تخفف حزن حي ولا ترد الراحل .

[قصيد فقط @rii1ui]

فـ العنا منت بلحالك وجاني مثل ما جاك
والليالي كفاح ولا حدٍ عاش متهني

سفر الدغيلبي

[قصيد فقط @rii1ui]

صلّت على قلبي وطافت طواف الوداع
ولا زال لجروحها بصمه وصوت وصدى.

-جابر النشيرا

[قصيد فقط @rii1ui]

عَفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعَفى الله هواجيسٍ توقف بي على الإطلال
تعيد الذكريات اللي مع الأيام منسيه

[قصيد فقط @rii1ui]

أنا وأنت عشنا في خلافات تحت وفوق
وتعاطيت جرعات الزعل لين أدمنته

وحاولت مانترك بعض والقلوب تروق
وبغيتك تزين شي لكن انك شينته

لما قلتلك سرنٍ هبيته بخور السوق !
وأنا سرك أودعته ضميري وأمنته

- الشاعر علي بن حمري

[قصيد فقط @rii1ui]

كنت اقول ابن الملوح قصته ضمن العظايم
من خياله ليس فالواقع مثل تلك الخليله

ماهقيت اللي مثل روحي يكبدني هزايم
وانا محسوبٍ علي ربعي ومن روس القبيله

ما هقيت الحب يجعل من بني الانسان هايم
حتى عشت الحب وادركت التفاني والخذيله

[قصيد فقط @rii1ui]

اسرقيني وانقذيني من عنى الشوق وغرامه
واعتقي نفس على نفس رهيينه وامحكومه

اكشفي بدرا تخبى دااخل ستار اللثامه
ومري بخطاك النفود بطلتك تصبح تهامه

زينك ربي بليا حبه ومن دون شامه
لو لمسنا طرف خدك ذاب من زود النعومه

[قصيد فقط @rii1ui]

تعبت اتذكر وقتنا الأول اللي ، زل
أنا الماضي اللي فيه فرحه يبكّيني

- فهد قطنان

[قصيد فقط @rii1ui]

عطيتك من كرم قلبي وأنا ماني ب حاتم طي
أحاول فيك لكني عجّزت أعرف مفاهيمك

[قصيد فقط @rii1ui]

وصلت لمبتغى الهجر وقدرت أجفاه
ولكن ما نزعته من شراييني

تناقض يعتري قلبي ولا خلاه
على مينا الهوى يرسي ويرسيني

يحز بخاطري اني على ذكراه
أعيش وسلوة الذكرى تعزيني

وليف البعد ياربي شلون أنساه
اذا حتى مرور أسمه يبكيني

[قصيد فقط @rii1ui]

مع السلامة كان ضيقت صدرك
والله لولا الشوق ما كان دقيت

لو بس تدري عن غلاتك وقدرك
كان أنقهرت وقلت أنا وشسويت

بنيت بيتك فوق والناس حدرك
أخاف عذال الهوى تاصل البيت

لأني أخاف يجيك واحد يكدرك
ياليت قلبي ما تمناك ياليت

واللي يضيق خاطري وأنت تدرك
اني ليا صديت من قلبي صديت

[قصيد فقط @rii1ui]

معه نفس لا عافت تفارق ما عاد تشين
فلا تختبر صبره معك طالبك طلبه

يحبك لكن ما ودّه انك تعرفه زين
ولا ودّه تشوف الموازين منقلبه

ليا صد ما عاده مع الذكريات يلين
لو ان الهوى غلاب ما تقدر تغلبه

ولو حن له قلبه ورفّت عليك العين
يده سكرت عينه ورجله وطت قلبه

[قصيد فقط @rii1ui]

طوتك المسافة و التجافي أخذ يمناك
لـ درب الغياب المرّ وأبعدك عن عيني

غريبه تناساني !
ابسألك من نسّاك ؟
نسيت العهود و كلمتك " لاتخليني "

رحلت وبقى لي غصن يزهر على ذكراك
يبو مبسمٍ لا لاّح . . تزهر بساتيني

[قصيد فقط @rii1ui]

حاولت فيك وصرت كانك ولد نوح
نـاداه أبوه ولا ركـب فـي السفـينه

- عايض العاطفي

[قصيد فقط @rii1ui]

لا تاخذ أوصافي من اللي وصفني
لا تصير كالدربيل كلن يوزنك

برق شوي وشوف روحك
وشفني لحد يزيني ولحد يزينك

أنا لني جيت كلن عرفني
وانت تجي وتروح محد درا عنك

- ناصر منقره البلوي

[قصيد فقط @rii1ui]

الأسباب لا تمنع أحد مهما كانت ثقيلة ومؤسفة ومزعجة، الحقيقة كلها واقفة على صدق الرغبة و على عُمق الغاية وعلى مكانتك أحيانًا

مما جاء في ذلك :
لا تعتذر بالوقت وظروف الأيام
إليا غدا ودك غدا لك طريقة

[قصيد فقط @rii1ui]

أثر البلا هو سيفي اللي طعني
كنت أحسبك سيفي لاضفت اناديك

غرك كلامي العذب رغم صغر سني
غدرت بقلبي اللي كان بالحيل يغليك

[قصيد فقط @rii1ui]

بعد فراق اربع سنين وشوي
الى هالحين وانا اردد ورا الشاعر ناصر يوم قال/

العذاب اللي حصلي من وداعك كافي
كم سنه مرت و انا لا زلت اعيش الصدمة

تحسبني في غيابك داله و متعافي
و انا من حطة يدك خارج نطاق الخدمه

— ناصر الحمادين

[قصيد فقط @rii1ui]

ترافقـت انـا ويـاه مـن يـوم كـنـا اطـفـال
تـكـون غـــلاه بـوســط قـلـبـي وكـبـرتـه

وبعـد كـل هالتقديـر والـحـب والاجــلال
تـغـيــر وهـقـواتــه عليي مـغـيـرتــه

تكاثـر علـي الله يجـازيـه كـيـف الـحـال
وانـا يـوم اســوق العـمـر لــه ماتكاثـرتـه