᷂

استغفرالله العظيم واتوب اليه

سئمنا التناسخ ، تفرّدو

[᷂ @rl22o]

الجمعه الجامعه والملائكة السامعه اللهم ارحم اخي عبد الاله واغفر له وتجاوز عنه سيئاته .
#يوم_Iلجمعه

[᷂ @rl22o]

تمثل لي إنك هيئة الأمر بالمعروف
وأنا خابر إنك المنكر اللي نهو عنه ؟

— نواف بن المهّان

[᷂ @rl22o]

تغانمن�� ترا قد كبدي من الصبر عشر اقسام
على أدنى شي يمكن أغني لك . . وداعيـة

—دسمان بن مناحي السبيعي

[᷂ @rl22o]

تجاوزت ذيك الليلة اللي بدون شعور
على صدري رماح الحسايف تركزها

تجاوزتها مجبور ولاّ ماني مجبور
انا ما هقيت اني بيوم اتجاوزها

لياليك راحت دون عفوًا ولا مشكور
من اللي حصل مافيه حاجة تميّزها

تلاشت ما باقي منها ملح ولّا نور
ولا زينها يلفت ولا عطرها يزها

- محمد الكريدي

[᷂ @rl22o]

قفلت باب العاطفه والمحبه
وسلمت للعقل الرزين الأمانه

— ❤️

[᷂ @rl22o]

وش الدمع لو ماسال بعضه ��بعضه جف
وش الفقد لو ما يندفن فالثرى غالي ؟

ادف الليالي من خذا الموت روحك دف
من العام عيا يدخل الموت في بالي

— وصف بليغ عن الفقد ومن أجمل أبيات الرثاء
لعبدالعزيز العبلان

[᷂ @rl22o]

أترك ملايين وأنصى واحدٍ غالي
أما قضى لازمي ولا حفظ سرّي

@5qhtt

[᷂ @rl22o]

يوم إني أبغى وصالك زاد فيك العناد
محبتي لك بريئه وأنت جرّمتها

الجيّه اللي تبيها طاب منها الفؤاد
لو حللوها شيوخ الدين حرّمتها

— مبارك بن وافي

[᷂ @rl22o]

نفضت شراع صمتي وأبحرت سفن إكتشاف الذات
على الميناء لها عدة ليالي ما دفعها ريح

أتو�� للحظة إنقاذ الشعور المنهك الموّات
وأحاول قد ما ربي وهبني من صبر ما أطيح

وفزت كل ذكرى في حياتي من عميق سبات
سقاها اللّٰه من غيثه ولا أنبت من مطرها شيح

وعلى الطاري تعرف إني تركتك والوله ما مات
لكني ما أذكر إني عشت راضي الهون والتجريح

أنا اشعر فيك وبخوفك وأداري لهفتك بسكات
ومكفيني شعور إني أمارس لذة التلميح

ما وادعتك حفاظاً للعقل والقلب والدمعات
ما اذكر شي بكاني على أحبابي سوى التلويح

[᷂ @rl22o]

دوّر طيورك ثم إحذف رقم جوالي
فرقا وحجة وداع وقافٍ مسررررري

[᷂ @rl22o]

يالله وانا عبدك الي طامعً في رضاك
واحيان أضيّع دروب الحق وأدلها

لاجيتك بدعوةً فيها شعور ارتباك
افتح لها أبوابك الي فالسماء كلها

-صالح النشيرا

[᷂ @rl22o]

تعوّضت عنك بطاعة الله وطيب الصّيت
و كنزٍ من كنوز المخاليق يغنيني

و أنا معترف ، واستغفرالله إذا زلّيت
لعلّ اعترافي له من النار ينجيني

— سفر الدغيلبي

[᷂ @rl22o]

أغفر لي ذنبي
وأقبل توبتي وطيِّب أثري
في محيايَ ومماتي

[᷂ @rl22o]

اللهم اغفر لي ذنبي كله دِقَّه وجِلَّه وأوله
وآخره وعلانيته وسِرَّه

[᷂ @rl22o]

يارب وانت اقرب من السمع والصوت
تبصر شعور اللي يخونه كلامه

انت الملك والملك لك والملكوت
الكون كونك وأنت مح��م نظامه

علقت فيه الأرض ياذا الجبروت
وسخرت للإنسان طيب الإقامه

رب البحر والموج والدر والحوت
والريح والبر والشجر والغمامه

مافيه علمٌ من ورى علمك يفوت
ومافيه أمر إلا بيديك زمامه

جيتك وذنبي حمل وإيماني القوت
في وحشة الدرب القصير وظلامه

عمري تحت امرك مقدر وموقوت
زدني حلاله واغنني عن حرامه

[᷂ @rl22o]

عفت الردي لا تردى من ردى خاله
لاصار خالي بفعل الطيب سابقني

وابوه قبلي موصيني على الطاله
يقول جوّد طريق الجود والحقني

ما أطيع فالطيب قواله وعذاله
وشلون أعشق الردى والطيب عاشقني

حتيش لو قيل خبلٍ ضيع امواله
ذي دبرة الي مدبرني وخالقني

ماهوب جيبي لجمع المال حصّالة
والفقر لو مسني ماهوب يرهقني

اصبر على ما جرى لو شانت الحالة
ولو كان دنياي بالكفين تصفقني

ورجاي فاللّي يجازي العبد بـ أعماله
واللي خلقني هو أبخص بي ويرزقني

ان كان ابو اليأس يشري الناس برياله
يلقه خدينه وانا جعله يفارقني

ولاصرت مثبت اليا من كبرت القاله
وش خانته شاربي لا ما حمى دقني

هذي خلاصة كلامي وأجمل رسالة
يطرب لها الي على قولي يوافقني

واللي يبيها يسجلها بجواله
معاد ابا احدٍ بكثر الزهم يقلقني

— مسلط بن شعيفان الأزمع ابوثنين

[᷂ @rl22o]

جيت المكان اللي عصيت الله فيه
ماهو بحب له لكن عندي لزوم

بشتكي للي كتب لي قبل أجيه أجيه
وأسجد وأنثر الدمعه وأقوم

واقول يا ربي ترى العبد السفيه
اللي هديت اليوم عبدك كل يوم

ماهو بهادي نفسه الا إنك تهديه
ولا يأس من رحمتك لأنك رحوم

— خالد مبـارك

[᷂ @rl22o]

الوقت خلاني على وضع السكوت
ناوي على نيه ولا أدري وش نوى

ترجف عظامي مثل قلبي فالقنوت
أبكي من الطيش وملذات الهوى

والفرصة اللي كنت أبيها ماتفوت
أقفى عليها الليل يوم أنه ضوى

باقي معي ضحكة لكن دون صوت
حاول يشوها الزمان ولا قوى

واللي سمع يونس وهو فبطن الحوت
ماهو بناسيني وأنا أشم الهوا