يا مرحبا يا حفيدة ناقلين السيوف
يا ذخر من ترتع البل في ذرى سيفها
يوم المعارك ودقلات السرايا تطوف
ترعى الخطر بالمشوّك في رها ريفها
أنتي هوى البال يا منوة بعاد الشفوف
يا بنت قومٍ على العليا مشاريفها
عيطاً تخطرف ليا منها مشت ما تشوف
تقول ماخذةٍ الدنيا .. على كيفها
صعبة على اللي بالردى شاف ما عاف
و حلوة على اللي سنّة الله ضميره
شمسٍ إلى من اشرقت والدجى طاف
غابت نجومك غصب لو هي كثيره
السيف ما يزهى سوى كف سياف
والخيل دون حصانها مستخيره
بس انت دورلك على قدك لحاف
وإن طعتني ... دوّر بدلنا عشيره
القلب يجفل من وجيهٍ مصدّه
وأنا أشهد أن القلب دليل راعيه
وسيلٍ جرى عن مِدرجه لا تحدّه
جنّب وخلّ السيل يضرب مجاريه
وما فات من دنيـاك صعبٍ مردّه
خذ لك من الماضي عبرة وتوجيه
وإن اشغلوك الي لهم عدة وجيه
أضحك لهم ضحكة وسيع البنايد
ولا تقنع العالم . . بشيء مسويه
قد قيل من قبلك رضى الناس كايد
الناقصين . . يكبرون المشاريه
والواثقين يكبرون الــــوسـايد