دمّـاح .

كيف نخبر البحر ، اننا على اليابسه نغرق

[دمّـاح . @rooq1_]

فيـه امور مايجـوز العـذر فيها والتغاضي
لا وصلنا عندها حطيت قلبي تحت رجلي

عنـاد الشيياني

[دمّـاح . @rooq1_]

واليا بغضني ضعيف الراس قلت أبرك
ما ودي ضعوف خلق الله يحبوني

[دمّـاح . @rooq1_]

طارقً باب السلامه .. ولا حولي سلام
كيف اعيّن لي سلامه، وليلي سرمدي

فيني مْن الضيق .. مايكبت صدور الانام
وفيني مْن الشوق مايجعل العقل يغدي

الوحيد .. اللي مابين المعارك والغرام
هو يرد الشوق … ولاّ يرد المعتدي ؟

واحدً فارق مرابيك .. ياغضّ القوام
فارق الضحكه وسافر مع الحزن المدي

من فقد لذّة وصالك تعشّاه الظلام
مغترب، لو ماتعدّيت ربعي وابلدي

في عيوني حرّ دمعه وفي صدري كلام
تايهً من وين اوقّف، ومن وين ابتدي

يابعيدة … يرحم الله لياليك القدام
يوم كان البعد مسفوه، والوصل اجودي

ان ضمينا ؟ نارد العشق ميراد الحيام
وان وردنا ؟ سالفتنا على نجم الجدي

كان عمري قبل يوم اللقاء عشرين عام
ومن لقيتك صار لقياك ساعة مولدي!

استبيحك عذر، والعذر ساس الاهتمام
من وداعً لا بكيفي .. ولا هو في يدي ):

ان قدرت اجيك، غنّي مادام الحظ قام
وان تباطيتيني" إبكي على الحظ الردي

[دمّـاح . @rooq1_]

تبشر بوقفة شجاعٍ مايربكه الوقوف
بين تأنيب الضمير ومشاريه زملا

[دمّـاح . @rooq1_]

أحنك مثل ما أحن وجهي من المنقود
و أعدك ليا عديت .. الأيام وش جابت
مدغم ابو شيبه

[دمّـاح . @rooq1_]

عقلي مقديني واشوف الفرق واعرف العلوم
وشبعت من ناس على الفاضي تدق صدورها

ظروف واحداث الزمان الشين ومصالا الهموم
صارت على الواقع تحدانا وتلعب دورها

والكلمه اللي ماتجملنا على وجه العموم
ابرك لها تقعد وشرهتها على حنجورها

اليا سكتنا ماسكتنا الا على شان السلوم
وان شانت الدعوا ضربناها على دنقورها

عزومنا لاكبرت القاله ماهيب اية عزوم
نقلط لها ونحد منهيها على مامورها

اليا قعدنا تقعد الدنيا ولاقمنا تقوم
مالله خلقنا نرضي العالم وناخذ شورها

يالعالم الفاضين انا مانيب فاضي كل يوم
اجاهد الدنيا وارد البل على مقهورها

من خلقتي والله ماجيت الا بدعوه ومعزوم
لاتحسبون بيوتكم مكه عشان نزورها

حنا ذممنا ماعرضناها على اول من يسوم
ونفوسنا صعبّ على ابن امه يحس شعورها

صنهات حشر العتيبي _

[دمّـاح . @rooq1_]

أحنك مثل ما أحن وجهي من المنقود
و أعدك ليا عديت .. الأيام وش جابت
- مدغم ابو شيبه

[دمّـاح . @rooq1_]

الضّعافة.. ما هي تناسب نظامي
عفتها.. وأعيف ناسٍ تمتهنها!

صنت نفسي عن متاهات الملامي
ومن دروبٍ ذلةٍ، الي قرب منها.

رافع راسي على متن الغمامي
شيمة الأحرار ترفع من وزنها!

لو يلفّ من الجنوب إلى الشمالي
ما يحصّل قدر نفسِ قد رهنها.

عزّة النفس العظيمة ما تسامي
لو جبال "طويق" و"العارض" ثمنها!

حاجةٍ يا صاحبي تنزل مقامي،
والله إن الموت عندي خير منها.

[دمّـاح . @rooq1_]

تبغـاني اعلمـك قيمتـك . . مـن جـد
كنك علي محسوب من خمس الاركان

سعد بن جدلان

[دمّـاح . @rooq1_]

أقفيت وأنا اكبر من التبرير والعذر السمين
حتى لو إن خاطري . . ما كل شي يصبّره

القلب يكسره اللسان ولا تجبّره اليدين
مهب عظم كل يوم . . تكسره وتجبّره ):

ما عاد عندي فرصة تهدر من العمر الثمين
واللي بـ ينشدها من أسباب الفراق تخبّره

حيث انه اوّل شخص يسقط من عيوني مرتين
وانا عيوني من سقط منها . . ما عاد تعبّره !

- صالح النشيرا

[دمّـاح . @rooq1_]

مستعَّد أخلي بلاد، وأنزل في بلاد
دام ذعذاع الكرامه لا هب، يـهبْني

- سعد بن لويبه

[دمّـاح . @rooq1_]

« مايْهزم الخصوم الا احترام الخصوم
ومايذل الصعاب — الا رياجيلها »
- جابر النشيرا

[دمّـاح . @rooq1_]

على قطار الصبا مرت عجاف السنين
يذكرك بالخير يازهرة سنين الصبا

عيني تبي شي .. ياعيني وش اللي تبين
وقلبي يبي شي .. ياقلبي وش اللي تبا

نشدت هدهد سبا عن عودت الراحلين
قال انتظر لين ياتيك الخبر من سبا

الارض في عين غير المهتوى ماتزين
لو انها جنةٍ خضرا تصير شهباا .

[دمّـاح . @rooq1_]

يابن الحلال افلّح وذبَ الخريمه
الى حصل لك كسوةٍ ترتديها

ماقول لك مال التواريخ قيمه
لكن ماحب اللي يخوضون فيها

ليه المجادل فالعلوم القديمه
هاذي علومٍ مالحقنا عليها

الوقت ذا وقت الرخى الله يديمه
ياللي تدور مهرةٍ تعتليها

لي فالمراح اكثر من امية بهيمه
الفارس اللي فيه خير يغزيها .

[دمّـاح . @rooq1_]

يهون علي أقفي و أنا الغايب المذكور
و لا أبقى مع غالي— و أنا الحاضر المنسي

[دمّـاح . @rooq1_]

يقول فهد قطنان:

يا صاحبي ترا الطناخة جبّله
ماهيب سلعه لا بغوها خذوها

من لامني في عزة النفس قلّه
كرامتي ما خلقوا اللي شروها

مال الدراهم فايدة بالمذلّه
مفشّله حتى ولو جمّلوها

يا حلوها حلواه لا جت من الله
غصبٍ على خشوم البشر كلبوها

[دمّـاح . @rooq1_]

أكابر على قلب من الضيق فيه و فيه
وانا خابر إن ماعاد قلبي على خبـري

[دمّـاح . @rooq1_]

وقوف المنهزم قِدم الليالي والظروف أحلاف
يهون .. ولا وقوف المنتصر لامن خسر ذاته

[دمّـاح . @rooq1_]

وشهـو له احكي واطـول مايفيـد الحـكى
العله اللي وباهـا ينتشـر ماتطيب

ابـا اتـذيكـا عليهـا . . . لـو مـا مـن ذكى
لاتنكشف ضحكة الاعدا وحزن الصحيب

وان زادت الضيـقه . . اللي تاليتها البكى
ببكي لحالي قبل لا يبكي اقرب قريب

سفر الدغيلبي

[دمّـاح . @rooq1_]

اي والله ان الزمن غير عناويني
ماعدت أنا الاولي ياوقتي التالي

اول ليا رحت ادور من يخاويني
واليوم ما ادور إلا السجه الحالي