بدر

[عبدالعزيز الغزي @abdlaziz_ghizzi]

قالو تنام وقلت ودي على النوم
أود من ود الودود لولدها

ينام من قلبه خليٍ من هموم
مافيه ليلة فاتته ما رقدها

ماهوب مثلي دايمٍ تقل مسموم
مستقبلٍ مر الأمور ونكدها

الليلتين اللي مضن وامس واليوم
عيت تنام العين من ما هجدها

قضيتهنّ من لذة النوم محروم
أحل في حبآل الرجاء واعقدها

من حال ما عندي على هذي عزوم
ومن حال ازرع للعزايم جهدها

لو نمت مـآسويت شيٍ مع القوم
وان نمت تدوشني المزون برعدهآ

والمزنة اللي وبلهآ وبلّ يحموم
فلوق رآسي كلها من بردها

غصبٍ علي أسكّر السمع واقوم
مآ طولنآ نقدر عليهآ وحدها

عساني الحقهآ قبل تبعد الحوم
مآ تنلحق لو ينطلق قيد يدهآ

قبل العلوم اللي تجي بعدهآ علوم
واللي تجي بعدهآ من رودهآ

ما فات ما ينفع به الهوش واللوم
لا بدّ من دفن الأمور بمهدها

أنا علي اجابة الفرس والروم
واللي على غيري يثبّت عمدها

الاولة عقب جرح وكصوم
عدّت وبقت درس للي بعدها

ان كان ما قلناه واضح ومفهوم
عليك يا المعني بها تعتمدها

الى متى باقي على جوك غيوم
نفسك ذلولك يمة الخير قدها

الطيب تجرة والردى مزرعة ثوم
وقال المثل من عزّ نفسه وجدها

وختامها تصبح على خير وتدوم
واعيدها لو قلت يافلان عدها

#فرحان_دبل_العنزي

[بدر @roor109001]

#دام_عزك_وطنا