الطربه

[الطربه @rorrrorq]

قايدة مانتي تحت امر القياده
كل عذراء تحترم حظرة سموك

[الطربه @rorrrorq]

وين أنت يالنادر اللي فالرجال محسوب
تبكيك عين العيوف اللي أنت شوقٍ لها

يا كيف خليتني و أنا الغزال الطروب
يوم أتغنى القصايد و أنت طربٍ لها

ما عقبك من الرجال يعوض عنك و ينوب
عقبك غدو كنهم نورة مع أختٍ لها

غترتك ما دام يطرقها الهوى من جنوب
تفداك روس الرجال اللي أنت تاجٍ لها

[الطربه @rorrrorq]

يالله عسى مافي خاطري يحين
وت��رق شمس السعاده في حياتي

وتصبح لي الدنيا على ما اشتهي
وقدام عيني اشوف أطيب أمنياتي ❣️

[الطربه @rorrrorq]

ثم شفنا الشك والريبة وعودنا نكايف
والرجوع من الدروب العوج نوع من الشطاره

نقدر نعود على القوه ونركبها الحتايفّ
مير ردتنا عن القوه صلاة الاستخاره..

[الطربه @rorrrorq]

عدني جنبك بـ روحي من قبل مالي و حالي
لو تبيع عيوني الثنتين و تسدد ديونك

[الطربه @rorrrorq]

أنتي الفارقـه و النـادرة و الثمينـه
عاد أساميك واجد لاتقولين قلها❣️

[الطربه @rorrrorq]

راسٍ ربى بالعـز . . صعبٍ تباريـه .

[الطربه @rorrrorq]

هي امرأة واحدة،
لكنها تُربك المعايير وتخلط المفاهيم،
كأنها اختصارٌ باذخ لكل النساء

فيها دفء الأم
وفتنة العاشقة
وحكمة الصديقة
وغموض الغريبة

لا تُشبه أحدًا، لكنها تملك ملامح الجميع

[الطربه @rorrrorq]

شعور مُبكي الحمدالله اني سعوديه

[الطربه @rorrrorq]

مرحبا والصبح لو له شبيه من البشر
كان وش الفرق بينك و بين إشراقته❣️

[الطربه @rorrrorq]

" أعظم النعم في الحياة راحة البال،
إن شعرت بها فأنت تملك كل شي "

[الطربه @rorrrorq]

الشعر يزداد حشمه اذا قلنا عنوز
ترجح كفوف الموازين ياقيل عنزه

[الطربه @rorrrorq]

وإليـا مدحوك النــاس . . مالهم منّـه
هم يبخصـون الطيّب وأنتِ تستاهـلينه.

— أمـي❣️.

[الطربه @rorrrorq]

مايعسف المهره غير خيال
وماتاخذ القلب غير الاصيله
ومايعقد المرجله غير رجال
حتى عروقه نادرات الفصيله

[الطربه @rorrrorq]

أحلام قلبي كبيره من كبر شاني
والصعب لاهل الصعب تتسهل دروبه

[الطربه @rorrrorq]

كلام السفيه ان مر ماضر مهما كان
ولا اثّر على سوق التجاره ولا العمله

لاشفته يحاول يسرج الخيل لـ الميدان
وانا خابره مافيه قوه ولا صمله

تبسمت له ماهوب ذله ولا نقصان
تبسّم نبي الله سليمان لـ النمله

[الطربه @rorrrorq]

الحور من جنة الفردوس يمكن رموك
للأرض ياجادلٍ فيك الشموخ الأبي

عليك وصفٍ يحيّرني وهيبة ملوك
نوادر الوصف منّك سابيتني سبي

وسامتك والثغر ولا الحجاج الضحوك
دمار شامل تراجف منه حتى ركبي

شكراً جزيلاً ماهوب لك لأمك وابوك
أجمل سلاله بعد طوفان نوح النبي

[الطربه @rorrrorq]

يالله لك الحمددد🙏🏻🙏🏻❤️❤️

[عزيز @_iilvel]

رتويت لعلّها المُنجيه

[الطربه @rorrrorq]

كريم النوايا مايبي للجميل مردود
يحده على درب الصخاء طيب عاداته