آلنوبي .

تذوّق كليماتك قبل تنطقهاا .

[آلنوبي . @rr36__]

كن انزواية خصره المتناسق
مثل انزوايـة معـلـم الـصـرار .

[آلنوبي . @rr36__]

انا العاشق الي حالته ماتبي تشخيص
ويحاول عن الانظار يخفي معاناته

دخل في متااهات الهوى مامعه ترخيص
مع العااشقين الي على اول بداياته

وتهوّر وضيّع وقته الي ماهو برخيص
وهالحين عاف الحب كلّه ولذّاته

طريق المحبّه صار كنّه طريق خريص
من الزحمه اللي فيه ضاقت مساراته .

[آلنوبي . @rr36__]

خلّها على التحايا وضحكات السنون
يوم صمتي في محلّه، وسرّي معْقله

أنت والله خاطرك غالي ودايم تمون
تطلْق سبوق البشاير، وهمّي تعْقِله

والله إن ماهوب حملٍ تضيق بْه المتون
أو بعض حكيٍ أقوله؛ لا قالوا لي: قِله ):

واحدٍ يدري وش أسباب ضيقاته يهون
البلا في اللي ما يدري وش اللي مِثْقله

[آلنوبي . @rr36__]

@_saarah_9 اللهم امين 🙏

[آلنوبي . @rr36__]

صباح الخير يـ رفااق :
دائما وابداً لاتهوى مراره غير مرارة " القهوة "
لان حتى بمرارتها عذبه ومستطابه .

وفي روايه اخرى:

"فيها مرارة ساعة الفرقا ولحظات الوداع
و فيها عذوبة تقدر تنسّيك كل اللي سبق .

[آلنوبي . @rr36__]

خذاك الصدّ ياوجهٍ عليه من الغيوم وشاح
مراويحك دروبٍ ماقدرت اقطّع حراويها

بعد جفّ المقام وصارت يدين الكلام شحاح
قصرت الخطوة اللي عن دروب العيب حامِيها

خذيت من السّماء مسعى مرام وماقدرت أرتاح
جزاي إن المساعي ماتقدّر قلب راعيها

وقدرت اخذ من عيون الزمان الممحله مفتاح
وعجزت أفجّ بيبان الوصل عن بكرة أبيها

تمرك ذكريات العام نوقٍ شدّها المسراح
وأمرك ليلةٍ تتعب رجولي من مساريها

غريبٍ ما لمح وجهك وجيه وطبعه اللماح
خذى كف القصايد لين سلم لك نواصيها

ركض والأرض ترتابه وقدامه ظمأ ورياح
يشوفك وجهةٍ ما طالها لكن يباريها

تحادى من دهاليز السنين وقام، قام، وطاح
عسى ما شرّ ياعينٍ تموت السالفه فيها ؟

على بالي سنا بدوٍ تشوف الصبح للمرواح
وعلى عيني طيوفٍ تنتظر صوتك يناديها

قديمي والله إني ماهقيتك ضيقه وتنزاح
وأنا حتى الرحاب اللي بعد ضيقتك مابيها

[آلنوبي . @rr36__]

لا حرك هوى الغربي خطول الطوال الدلم
و توارى الظلال .. وبنّت خيامها الذكرى

عرض لي من اللي فات ماضي ومقطع فلم
وتهادى الحنين وتاقت الروح .. للمسرى

اسافر من الواقع على رحلة اقرب حلم
لو احلام عمري في سجون الغرام اسرى

اتلا علمي بـ علم الغلا اللي عليه العلم
عاد الوصل ، دوله دارج ، وليلته قمرا

غدا جوف صدري مثل طارف ركيبٍ ثلم
وعلى الكبد .. نارٍ ماعلی جالها مذری

يجيني شعور اللي تتالا عليه الظلم
وهو شايبٍ لا هوب يكتب ولا يقرا

لامنّه ذكر عصر المبادي وعصر السلم
غدا ، تحت ، نون عيونه لـ دمعته مجرى .

[آلنوبي . @rr36__]

كني سجينٍ لقى له ثقب ف جداره
يشوف منه الحياه بكل مافيها

ينظر مثل نظرة الرامي على الشاره
ماهوب لازهب البندق بمخطيها .

[آلنوبي . @rr36__]

@y5u_j اللهم امين 🙏

[آلنوبي . @rr36__]

إحذر أن تعلّق قوتك وآمالك في شخص ما .. لأنه حينما يتم خذلانك من قِبله ستظن بأنك ضعيف جداً ولاتستطيع البقاء على قيد الحياة ومن زاوية أخرى :

يا ثقلي ويا مقوى عزومي ويا صبري
أجامل على جرحي وانا أشوف دكتوره .

[آلنوبي . @rr36__]

اللي يبي قلبي ترى القلب للبيع
تغانموني ياهل الخير واشروه

نبضه حليو وفيه جردة مشاريع
ومعها حرارة فقد غالي ومشروه

ويبي له مكافح محبه وتلميع
وجرحٍ قديم لا لقيتوه خيطوه

وبيمركم وجه يغيض المفاريع
الله لا يخليكم من الخير خلوه

- بندر بن عجب .

[آلنوبي . @rr36__]

عنك ابتعد واسافر احسبني انساك
بسلا عن اوجاعي وقصّة غيابك

عفت الديار اللي بها عشت ذكراك
سافرت قصدي مبعدٍ عن عذابك

لكن طريقي كل ماينتحي جاك
امشيه واثره ينتهي عند بابك

احيان .. اقول ان السفر سر لقياك
مافيه درب الّا على البال جابك

[حجاجّ @jv0z_]

تاركٍ جو المدينه ، و ضوضاها وراي
وناطح قيض يحذف الطيور من السما

الدروب الجرد رمضا وانا اشكي من ضماي
والسراب و طول الآمال " عوان الظما "

ودي اظهر من جهام الطموحات بـ عصاي
ما خسرت اغلى مبادي و لا اعز انتما

[آلنوبي . @rr36__]

' إذا انتهت علاقتك بشخص
لا يعني بداية العداوه والكراهيه ؛ اجمع كافة أسراره وخبئها في مكان ما العلاقات أخلاق حتى لو انتهت .

كان ربي كتب لك بالمحبه فراق
فارق اللي تحبه بس لا تكسـره .

[آلنوبي . @rr36__]

@HRHMBNSALMAAN الله يطول عمرك ❤️

[آلنوبي . @rr36__]

قلت السلام وغادي الفكر شتان
اللي بغيت بخاطري ماحصليا

وانا عليه بسلم الاحباب شفقان
ومن غير مشروهي فلالي دخليا

وطافت مشاريهي وانا كنت شرهان
سنه صغير وغاطس بالجهليا

وقلت الوداع وغادي وجهه الوان
متخالط فيه الخجل والزعليا

وذقت الفراق اللي مشاريبه احزان
وانحل بحالي والمحاني هزليا

[آلنوبي . @rr36__]

وثم قال : جابر بن علوش

أنا أظن ان أقسى المشاعر على الإطلاق
شعور انتظار الغايب اللي ماهوب راجع

[آلنوبي . @rr36__]

يقول : عبدالله بن علوش

اللي يجي بسرعه يروح بسرعه ف خلّك سريع
كم فرصة ضاعت بسبة وسع صدر وطول بال

وثم قال : فالح بن علوش

أنا احسب اني عارف ادناه واقصاه
وأثره على اول درب أجيه ينحيه

وثم قال : علوش بن علوش

مايطيب الردي لو حاول انه يطيب
لو يحاول .. تردى والردى يطرحـه

[آلنوبي . @rr36__]

ياملهمة شعري معك ويش السواه
ناديت لك لاكن صوت بلا صدا

ونزلت لك قدر رفيع مستواه
ماقد نزل من ذل ولا من ردا

وجيتك وانا مابين وجد وبين جاه
ومن يوم قفيتي معك راحت سدا

واللي على درب الهجر مالله هداه
مهما مشى في الهجر ماحوله قدا

[' @Aijme_]

للأسف ما عاد عندي عذر وجهه طويل
عندي أحبّك و خذها على هيئة عذر

- سعود بن مبارك