T U R K I .

شيئ ما ذات يوم ، فمن قمصانهِ خُلق الجمالُ 💙. #HalaMadrid

[T U R K I . @rrvu1_]

ماقدر يكسب محبتك يا الظبي اللعوب
غير أنا … وأعوذ بالله من كلمة أنا

وأن تركتيني قتيلٍ على مفرق دروب
إكتبي ( فتّانة العصر ) مرت من هنا :)
- جمال بندر

[T U R K I . @rrvu1_]

@www_0100 اليا اقبلت قام يتكفكف دجى الليل
كل الديار المظلمه نورتها

واليا ادبرت غطت جسدها المجاديل
بين الخلايق لو تعرى كستها
- عبدالله بن زويبن

[T U R K I . @rrvu1_]

خالق الله جديلك لـ النسايم هدايا
عطرهنّ من هواه ولبسهنّ من حريرك .

[T U R K I . @rrvu1_]

@Qaf_96 خلي جدِيلك على غيرك يفل السَتار
اللي لو تنقّضينه يستر العارية

لا قام يلفح مع الشيله يمين ويسار
بنت البلاط الأميري عودت جارية 🏃🏻‍♂️
-سلطان الحويقل

[T U R K I . @rrvu1_]

ياما على غيبته قد .. عبّرت عيني
واخصّ له بالدعاء عصريّة الجمعة

[T U R K I . @rrvu1_]

The Last Dance 😞

[T U R K I . @rrvu1_]

اتركيني بين الأحلام؟ أنا أحب الخيال
الخيال أحلى من الواقع .. الواقع مرير !

همي اللي كل ماقفيت ناداني تعال
و الله ليقعد ينادي اليا اليوم الكبير

هارب من أغلال صوته و أطارد لي غزال
و رافعٍ صوت أبو نوره محمد للأخير :)

متعمق في حكاية هوى مدري هبال
ماطرت حتى على بال ويليام شكسبير

عايش على أمنيه لا تصير و لا تقال
بس ميت عشق ميت حزن ميت ضمير

جيت أقاتل ؟ و انقتلت أول أيام القتال
دايم أول ثوره تثور ف الراس الكبير
- فهد قطنان

[T U R K I . @rrvu1_]

كل ما مرّت طواريك قلّ الاكسجين
وآتعرّض للهبايب وأدوّر للنفس
- نوف العثمان

[T U R K I . @rrvu1_]

مسميٍ طيفك خوي المشاوير
والله ماهوب اللي ليا مر عدا

[T U R K I . @rrvu1_]

ياحبيبي صاب منزلك بالصدر انهيار
صرحك اللي قد بنيته وراك تدمّره ؟
- بن زويبن

[قاف @Qaf_96]

" أبَا آتحمّل جميع اخطاك حتى .. ولو
تدعس على قلبي بْرجلك وعيني تشوف"
- خالد بن مبارك

[T U R K I . @rrvu1_]

اراعيك بالذكرى وذكرك يقوتني
ولو غاب ذكرك ويش عاد اتقوت به

انا لا بغيت أسج عن صورتك جتني
مع الطيف ولا علمك الناس ماجت به
- سعد بن جدلان

كل ماغاب طيفك ساعه اسأل عليه
خايف إن الظروف تحقق أحلامها
- خالد مبارك

تناسيت وأول ما ذكرتك وطيفك طلّ
تبسّمت لك كنك من الشوق قدامي
- عبدالله السراهيد

أنا كثّر الله خير صبري على .. التفكير
لحالي وأحارب طيفك اللي بسبع أرواح
- عبدالعزيز العبلان

ماعاد اضحك لـ طيفك مع الناس ولاّ أبكيه
اروح اضحك لحالي .. واروح ابكي لحالي
- فهد قطنان

ياما وياما لفاني طيفك ، اتلا النهاار
وقال اعتذر بالنيابه عنه ؟ قلت معذور
- خالد مبارك

ليا مرّني طيفك فالمجلس المليان
أخاويه وأترك هيكل الجسم متراكي
- ضيدان بن قضعان

حبيبي غبت لكن مرّني طيفك مع النسناس
يوصّل لي سلام وحبةٍ من فمك مخطوفه
- سعود بن مبارك

وش الحل ويّا الشوق واحساسي المحتار
عن أشغال عمري ليه طيفك غدا شغلي ؟
- سعود مهدي

تخيلتك وفزيت طولي بدون شعور
اثاريه طيفك صار له وقت ماجاني
- متعب التركي

محبوبة الغيم .. والورد وبساتينه
من غير طيفك يشاركني بهوجاسي؟
- عبدالله السراهيد

يا رمادي ، غياب الصد هذا ظليمة
انت خليت حتى لون طيفك رمادي !
- سعود مهدي

[T U R K I . @rrvu1_]

أصبحت أردد :
أنا فضاء صدري من الحزن مليان .

[T U R K I . @rrvu1_]

من مجريات الوقت لا دارت رحاه
صرنا نحس أن الطمأنينة كمين

حتى الحزن يبي من الواقع نجاه
ما يزبن الا في صدور الطيبين

اللي عيونه ماتشوف الا عناه
ماعاد يثر في محانيه الحنين

من صد عن غاليه لا بيّن جفاه
يقدر يصد من الملذات اجمعين

نتيجة الخذلان ياظبي الفلاه
تلويحة كفوف وبقايا راحلين

اللي عطيناه الثقه ربي عطاه
فرصة وحيدة ماتكررها السنين

حنا ثقتنا غالية مثل الحياة
ماتنعطى للشخص نفسه مرتين
-فيصل نماس

[T U R K I . @rrvu1_]

نديمي لاتدندن عالوتر خل الوتر يرتاح
انا الليلة كمنجاك الحزين أعزف على أضلاعي

أبيك تسمّع الدنيا غناك وصوتك الصداح
وتشرح للسماء وانجومها نبذة عن أوضاعي

وقوفي طال والأبواب صمّا مالها مفتاح
وحيد وماتبعني غير ظلي سيّد أتباعي

أنا اللي ماعرف أصير أنا في عالم الاشباح
أحس أن المرايا خادعه لين البس قناعي
- أبراهيم الشيخي

[T U R K I . @rrvu1_]

اللي معه تاثق وتأمن وترتاح
احفظ جنابه مثل حفظ الوصيه

ما دام روحه تفهمك بين الأرواح
عطه على كل البشر الأولويه

اللي مثل ذا النوع بالذات لا راح
ما عااااادك محصل مع الناس زيّه
- مطحس بن حمد

[T U R K I . @rrvu1_]

12:00AM

حان وقت الحزن الاول وتأنيّب الضمير
حسب توقيت المحاني ماهوب امّ القرى

[T U R K I . @rrvu1_]

الأبيات التالية مجاراة لهذا البيت الرائع:

"والله ان شارع غرامك كلّ يوم آمرّه
لو تعصف به العواصف ما غشاه السافي"

كلّما قلت الوداع ارجع و اعيد الكرّه
والغبي يمشي على رمضى غرامك حافي

البلا فالقلب لا منّه عشق له مَرّه
لو يكابر مستحيل يتوب قلبٍ غافي

جيت لك كلّي لو اني بالهوى منضرّه
غايتي انت و وجودك واحد مْن اهدافي

ليه تجفاني وتترك في خفوقي حَرّه
بكّت عيون المها دمعٍ زلالٍ صافي

يا حبيبي لا تضيّع من يدينك دُرّه
والله ان تندم عليها يالقريب الجافي

ليتني ماكنت فـ دروب الهوى مغترّه
كان قلبي عن غرامك سالي ومتعافي

كم تحاليتك قريب وكنت بك منسرّه
وكم تباهى بك قصيدي يالحبيب الوافي

والقصيد اللي كتبته لك وانا محترّه؟
والله ان ارجع اعيده لين يتعب قافي
- لـ @I031I

[T U R K I . @rrvu1_]

و الذي فضل جمالك على كل الجمال
إنك أغلى من عيوني و من دم جسدي

معك جربت الهدايه و جربت الظلال
قلبي أعلن لك ضلاله و عقلي مهتدي

عن ضجيج الناس والمجتمع جاني جفال
كن ما ذولا بـ ناسي و لا ذي بـ بلدي

و الهروب أحيان نوع من أنواع النضال
لا وطت رجلك طريق الضياع السرمدي
-سعود مبارك ونص عظيم ججداً

[T U R K I . @rrvu1_]

يسعدني أن دمعك عشاني تهله
سمح المحيا خاطره منك مسموح

وشماغك المفهوق مهما تبله
ياما عليه أخلي الكحل مسفوح

هم قالوا أن اللي تحبه تجله
ماقالو بـ حبك تخليه مجروح

من عدك سلاحه بـ وجهه تسله
أكذب الافعال ، وأصدق البوح ؟

من حقي أنك تحزن العمر كله
ماني بـ طاري ياخذ شوي ويروح

مثل البدر فارق مابين الأهله
شعوري الواضح مخليك مفضوح

غيري ، كلام أن مر سمعك تمله
أنا الكلام اللي من الروح لـ الروح !
- العنود الواصليه

[T U R K I . @rrvu1_]

الشعر ذنبي اللي مابغيت .. أرتكابه
ودي أن مسرحه ماهوب مسرح جريمه

- والله اني اجد سلوتي ومهربي فالشعر متى ماضاقت النسمه
( لا يخدعك كثر القصيد أنا فراغ العاطفه )

[نـوران @Nu__3w]

سيّدي ما للغياب إلا الشعر بأنواعه
انت غيب براحتك وأنا عليك اغنّي

القصايد مزبني على مدار الساعة
يوم ما ألقى كل ماضاقت من يزبّني ):
-هدّاج