ريان| شمر

وان فعلت الطيب ماهو لأجل حاجه طبع جدي وطبع ابوي وصار طبعي .

[ريان| شمر @rryan1212]

مو حزن، بس سكوت ينتظر كل شيّ يعدي.

[ريان| شمر @rryan1212]

أمرّ مُرّ مَر في دنيتي لي..
وأمرّ مُرّ مَر بي في حياتي..
لا جانن العاني وأنا ما معي شي..
ودّي تجينن قبل ياتي وفاتي..

[ريان| شمر @rryan1212]

عشر الاواخر سيّلت بكفوفها
عطر الاماني والدعاوي والذكر

الله اكبر .. لو تركت بجوفها
ثنتين مثل النور في سجدة وتر

ثنتين ياللي ما سعيت لنوفها
يا كبرها عند العزيز المقتدر

"الدمعة اللي دنّقت من خوفها
والدعوة اللي وافقت ليلة قدر

[ريان| شمر @rryan1212]

عام مضى يالله عسى عقبه النور
ونعيش في أمن وأمان وسعاده

يالله بعام فيه الأرزاق طابور
يفرح بها قلبً ملته التعاسه

[ريان| شمر @rryan1212]

نطوي مع الأيام عام ورا عام
وتمر ساعات الفرح في دقايق

ايام راحت بالعمر مثل الاحلام
يوم بها زعلان و ايام رايق

درست من دنياي واتعبت الاقدام
وبدلت عن بعض الطرايق طرايق

[ريان| شمر @rryan1212]

المال يفنى واخر اعمارنا موت
والذكر يبقى لنشاما علامه .

[ريان| شمر @rryan1212]

اللهم يا ذا الجلال والإكرام يا حي يا قيوم ندعوك باسمك الأعظم الذي إذا دعيت به أجبت، أن تبسط على والدتي من بركاتك ورحمتك ورزقك.

[ريان| شمر @rryan1212]

يعل السحاب اللي سقى ديرة الأجواد
تتابع بركته فيه وتربع الديرة

ليا أقفى سحاب الخير حن وعليها عاد
وكنه يقدم عن غيابه معاذيره

يجيها بهجعة ليل ويكذب الأرصاد
تضاحك بروقه قبل لا ينتثر خيره ..

[ريان| شمر @rryan1212]

ستّة وعشرين العمر ، راحت جْهاد
والباخره عيّت لا تاصل ضفافي
شاب الطموح وشابت العين ماجاد
مشكاك الله .. ياعيون السنافي

[ريان| شمر @rryan1212]

صفراء ربيبة بطن واطرافها دلم
ماهي نتيجة سيبة من يدانا
من كثر مايهلم عليها الجمر هلم
ياما جسدها من سنا الجمر عانا
سامرتها يوم ان فنجالها ولم
البارحه يا طول رحلة مسانا
سجيت سجة واحد واصلة علم
عن غالي قامت حياته تدانا
شاشة خيال الفكر تستعرض الفلم
فلم تمثل قصته من ورانا
وعن رد صاع بصاع مافواهنا بلم
واسلوب صرف اعلاجها ما خافنا
لكن نعصب الروس بالصبر والحلم
من طيب مذهبنا وشيمة لحانا
اي والله انه ظلم واظلم من الظلم
انه يثور سلاحنا في خبانا
يفتح علينا من ثلوم الحتسي ثلم
يزعل عوانينا ويفرح اعدانا
تدنيق والتدنيق ما هو لنا سلم
مادنقوا جدانا هم وآبانا .

[ريان| شمر @rryan1212]

عز الله اني ضايق الصدر بالحيل
الضيقه اللي اعوذ بالله منها
اثر الزمن هذا يحد الرياجيل
على أطيب الاجواد يأمر وينها

[ريان| شمر @rryan1212]

سلّم على مستقبلي لالقيته
وقله ترى طول علّى في مجّية

يمكن نساني بس انا مانسيتة
ودي أشوفه قبل شوف المنّية

كانه على قيد الحياة احتريته
وكانه توفى حكمة الله قوية ..

[ريان| شمر @rryan1212]

ادري انه ياخذ اخباري وينشد عني
ويتحرى جيتي من مده الى مده
علموه ان صدتي ماهيب ضعف مني
كبر معروفه عليّ … ولاقدرت ارده

[ريان| شمر @rryan1212]

لا انقفل باب من الرزق حرّاسه وقوف ..
فتحت بيبان الاُرزاق من كل اتجاه ..

[ريان| شمر @rryan1212]

"اللهم أنت الشافي المعافي اشفي أمي💔
شفاًء لا يغادر سقمًا، وخفف عنها كل ما يؤلمها يا كريم".
"اللهمّ ألبسها ثوب الصّحة والعافية عاجلًا غير آجلٍ يا أرحم الرّاحمين، اللهمّ اشفيها، اللهمّ اشفيها، اللهم اشفيها، اللهمّ
آمين" دعواتكم الى والدتي بالشفاء العاجل .

[ريان| شمر @rryan1212]

"يا رب حنا عبيدك ولو تاهت خطاوينا / عن كلّ زلّاتنا .. يا رب غفرانك"

[ريان| شمر @rryan1212]

لا تذخر المعروف دامك تستطيع
من يذخر المعروف ملعون رقبه

ترى الجمايل بالنشاما ما تضيع
يحمي بها الرجال دقنه و شنبه

[ريان| شمر @rryan1212]

من طابّت نيته طيب الله حيّاته .

[ريان| شمر @rryan1212]

حلمي كبير ورغبتي كنها طير
ما يطوي الجنحان لاشاف قمه

ان قالها الله والليالي مداوير
لارقى سنام طويق والحلم اتمّه .

[ريان| شمر @rryan1212]

أحذرك انك تحداني على عزة النفس
واحذر تذلني وتحدني على القطاعه

ترا الكرامه مغروسة بصدري غرس
ترد قلبي عنك لوانه بكامل اندفاعه

كانك ناوي تعطيني بالمحبه الدرس
بعطيك درس عن الكرامه بكل براعه

إن بعدت بخليك ذكرى ليله الامس
وبغلي قلبي لانه ماهوب لك بضاعه