@8_jcwe نصيحة لوجه اللّٰه لا تتبع المقفي
ترى من تبع له مقفي طاح من عينه»
خالد مبارك
والله ان اطرد ورا المقفي لو يمل ساقي
انا ماطرد ورا المقفي من اللي يقوله
سعود مبارك
فرشت ضلوع صدري في طريقه والهوى قتال
أبيه يدوس ريضان الحشى وتفوح أكاليله
عقلني بالفراق وقال لي تحتال قلت أحتال
من يطيح بغرامك لازم يوقف على حيله
وثقت انه محال ولا وثقت ان المحال محال
أطارد نور شمسه لين غابت وأنتثر ليله
كثر ماكان وسعة بال كيف يصير ضيقة بال
وكثر ما كنت محتاج الدعاء لكني أدعي له
وانا وشلون ألومه والملامه ترخص الرجال
وانا اللي حاذفٍ قلبي على صفة مظاليله
ياورق غن وزود غناك لاباس
ان كان ماغنيت ما حاصلٍ طرق
الغاية الي قلدت عقد الالماس
امكنتها لين اوخذت من يدي سرق
كن الليال تقول يا حامل الفاس
الي ما توخذ طيب ما تنوخذ طرق
معاد عندي غير شعرٍ من الراس
انا خوي الليل والصبح والورْق
واللّٰه معاد اسعى على رضوة الناس
لاعاد تحصل لي ولا حاصل فرق
مكبر راسي ومبني على ساس
مغنيني اللّٰه عن هل الغرب والشرق
هاني حمّاد
@ghoroork_ كتاب الرافعي وحي القلم والمسبحه والشال
هي اللي باقية لي يا ترى وش عاد باقي له
عساه يشوفني عابر سبيل بشاشة الجوال
يكفّيني لو انه قاطع عني مراسيله
شعوري في فراقه شي لا يكتب ولا ينقال
لكم عنوان جرحٍ ماقدرت أشرح تفاصيله
@iQiill_ أنا لو ينسيّك الزمن ماني بناسيك
محبتك قصة ما أقدر أكتب نهايتها
لو الوقت يرجع قبل أعرفك وقبل أجيك
وقبل الهقاوي " تنثني " دون غايتها
بروح انتظر في أول مكانٍ جمعني فيك
وب اعيد تجربتي معك.. من بدايتها