رتويت شعر

أغوص في أعماق الشعر وانتقي منه مايحلو لي فتحلوا بلساني وتطرب لها أُذناي فأقرآهُ بقلبي قبل ان أقرأهُ بعيوني فما يعجبني انقله هنا لاطُرب متابعيني كما اطربتني

[رتويت شعر @rtuetsh3r]

#نايف_ذعار

[نايف ذعار @Naif_almaymoni]

تعبت اجامل ناس ماتبغي الخير

وتعبت ألايم شي ماينتليم

مافالكلام الا محبه وتقدير

ولافالقلوب الا السواد المخيم

#نايف_ذعار

[رتويت شعر @rtuetsh3r]

من لايحوش المرجله في يمينه
يموت ما حصل من الطيب حاجه

تجارة الرجال....... عقله ودينه
وممشاه بالطوله وضحكة حجاجه

وحرصه على فعل الامور الثمينه
وبعده عن افعال الردى والسماجه

والطيب لاهل الطيب يامدورينه
محدن يجيبه في هواه ومزاجه

#سعود_عايد_العلوي_الحربي

[رتويت شعر @rtuetsh3r]

وجهك اجمل من خيالات رسام
مزج جميع الزين في وسط رسمه
مالك شبيه ولا تجي ضمن الاحلام
حالك لحالك في سما الكون بصمه
لمحتك البارح على الشارع العام
وبيني وبينك حال كبري وزحمه. #بجاد_المريبض

[رتويت شعر @rtuetsh3r]

عندي قصيدة مدح من دون ممدوح
اللي يبيها يرفع ايده وجاته
.
حتى لو انه ماش.. بيصير طحطوح
ومن سمعته يمكن يزوج خواته
.
ولا يشرح الأوضاع والوضع مشروح
كلٍ على الأمداح فيه استماته
.
لو حطّها في كل تطبيق مسموح
أهم شي سْتوري سناب شاته. #جمال_بندر

[رتويت شعر @rtuetsh3r]

رسالتي وصلتك وانت افهمها
وان ما فهمت يجيك علمٍ ثاني

بعض العرب لو ودنا نحشمها
الاحترام بسلمهم مجاني

ومهما سلكنا فالدروب اسلمها
من بعض ناقصة العقول نعاني #بندر_بن_خربوش

[جمال بندر @JamalBander]

" وحدة قياس المرجلة "
.
.
خل تزييف المظاهر وتزييف الحروف
أنا أشوف الدين وحدة قياس المرجلة
.
.
#جمال_بندر

[رتويت شعر @rtuetsh3r]

أثر هذا الوقت يسرق من نحبّه
و نتحمل شي ما نقوى نطيقه
بالضماير حزن يستاهل نشبّه
ونتعوذ قبل ما يصبح حريقة
بيض الله وجه ميعاد المحبّة
وسود الله وجه تشويه الحقيقة
نتسلى بالليالي و نتنبّه
والمسافر راحلٍ ما بل ريقه
كافلٍ يوسف وهو في قاع جبّه
قادرٍ يمحي مواجعك بدقيقه #عبدالملك_الخربوش

[رتويت شعر @rtuetsh3r]

يابن مساعد بارد الوجه يفديك
ولاعاد تنشد ميت النار قد خاب

ماهو بذاك ودون هقوة معاليك
والسالفه ما بين سارق وكذاب

#ابونمر_الشلوي

[رتويت شعر @rtuetsh3r]

مـا كـان شـبـر الـنـاس يا بايـدن فـيك
ترفع عن الحوثي صفة وإسم الإرهاب

راجـع حـسابـاتك عـسى الله يـهـديك
ما ودنا إن جُـرمه لقى مـنك تـرحاب

#سعيد_بن_مساعد_الوادعي
#بايدن. #الحوثي_جماعه_ارهابيه

[رتويت شعر @rtuetsh3r]

كبوة احصان

انا يابن عمي على شان اﻻذكار
طرقت بابك والرجاء فيك طمعه
وابن القبيلة محتسينه للاقدار
والطيب زرق أر ماح في كل رمعه
وان كان حضي يابن عمي معك بار
كبوة حصان بلهجة البدو خمعه
يفداك رجل(ن)بالرخى فعل مغوار
ولا القساء فعله مع الناس لمعه
#سعد_هذيل

[رتويت شعر @rtuetsh3r]

بين الظروف القاسيه .. والتمنّي
عايش .. ومتسلّح بصبر .. وقناعه
.
وراضي بمقسومي .. ولو ضاع منّي
تعب ثمان سنين في ظرف ساعه !
.
#احمد_المخلفي

[رتويت شعر @rtuetsh3r]

🍂

..

الليل مابــه كود زفرات حرمان
وانـا من الونــات ضلعي توجع

صمتي مع الاحزان سكه وعنوان
عايشتهــا لحنٍ بصدري تسجع

يالليل ودي اسهـرك يوم طربان
وتكفخ طيور الحزن ماعاد ترجع

لكني ! الضايق والاحزان بركان
في داخلي صرخــة يتيمٍ تفجع ✨

..

#الصمت_✍🏻

[رتويت شعر @rtuetsh3r]

راحوّ ارجال وبعضهم من عيوني طاحو
تمضي سنين العمر والحظ الاقشر نايم

وبيجيني يوم والحق ربعي اللي راحو
السعاده والفرح ماهي بدايم دايم

#بجاد_المرشدي

[رتويت شعر @rtuetsh3r]

#بيت_شعر_عن_الشوق

أقفيـت يا مغلـي جنابي وأنـا أغلـيـك
وتـركـت لـي ذكـراك مع مـر الأزمــان

.
مـن أول تـاتـي من الـشـوق وأجـيـك
واليـوم ماطري غير ذكرك بـالإحسـان

.
يا حيـف ممشـانـا يخالف مماشـيـك
مـن عـقـب مـا كـنْـا رفـاقــه وخــلان

.

#ذيب_محمد_الشواطي

[رتويت شعر @rtuetsh3r]

كان تبغى تكون فالدنيا موفق
وثـق حـبالـك بـخـلاق الـبـريه

الـزمـن دوار والـدنـيـا تـصفق
والليـالي ماتجـي دايـم سويه

وأنت لا تكره ولا تقعد تشفق
رزق ربي يرسله صبح وعشيه

واخـتـر الرفـقه وبالرفقه ترفق
كـم خـوياً ماتـوفـق في خـويه

#سلطان_الجابري

[رتويت شعر @rtuetsh3r]

خـل الغـنايم في زمنًا علۍ جـنـب
هـذا الـزمن فـيه السلامه غـنـيمـه

البعـض متهـوم بجريمـه بلا ذنـب
والبعـض يسلم لو يـسوﻱ جريمـه

#علي_الفزي

[محسن الحميدي الهفتاء @al_hafta_12]

ياشبه سلطانة مــزاين هلا الشعل
مع ذود ابــن ملحم فلاح العبيوي

"
#محسن_الهفتاء

[راشد النفيعي @RNufaie]

"يومين" ما للمزن يا نجد رادع
كنّه عليك اللي خذته الحموّة
،
نفـضة ثعـوله يـوم قفّى مـوادع
نفضة يدين اللي خلص من وضوّه