ريماس

﴿ توفّني مُسلِماً وألحِقني بالصّالحِين ﴾

[ريماس @rx77al]

يا رب يا رحمن يا رحيم
حين أتوفى سخر لي من لا ينساني من الدعاء

[ريماس @rx77al]

هذا نصيبك يالعيون الشقيّه

[ريماس @rx77al]

حتى لو أحب وأتوه في علاقاتي
حتى لو أقوم وأنسى وياخذني الموج

والله ما أنساك ياسيد كل محطاتي
يا أول من سكن بين الضلوع العوج

ياللي ذكرت أسمك في كل سجداتي
كيف أنساك وأنا أطلبك طلبة حوج ؟

[ريماس @rx77al]

جيت ادور في رفوف الذكريات مالقيت إلا من الذكرى صداها 🎶

[ريماس @rx77al]

يمكن أبي نجمه و ربي كتب لي قمر
أحيان الأحلام تظلم حظ حالمها

ويمكن أبي قطره و ربي يبي لي مطر
يرويني اللي روى هاجر بزمزمها

[ريماس @rx77al]

ولو يجون خلق الله معك في الطريق أفواج
مايسوون عندي رمش عينك وحجانك

[ريماس @rx77al]

لازرعت الطيب في روس النوايف يطلع
شجرةٍ ينبت ثمرها لو تحتها حره

الكريم تعيش عـنده ، عودها مايقلع
والبخيل تموت عنده والثمر ماسرّه

راس ماله في حياته مثل راس الاصلع
مايشيّب والشعر ماهوب نابت مرّه

[ريماس @rx77al]

أحبه محبه داخل الصدر مزروعه
تغذى على دم الشرايين والمشّه

هروج العواذل فيه ماهيب مسموعه
وراعي الهوى من ينصحه كنه يغشه

تبيّن حقايق راع الحب بدموعه
وتظهر علومٍ بين الأضلاع منخشه 🤍

[ريماس @rx77al]

مع غيرك من الناس قاسي وهرجي جاف
و معك .. شايفٍ لبيه لدعاك سبّاقه

[ريماس @rx77al]

بيني وبينك دروب وناس وأعراف وقبيلة
والمسافة ما تباعد غاليٍ عن روح غالي

إن سلت بعض الوجيه مْن التعاليل الطويلة
ما سلا قلبٍ طموحه ضحكة الوجه المثالي

[ريماس @rx77al]

من يوم ما جيت وحياتي كلها شَّمس

[ريماس @rx77al]

أنا سيّد أفكاري ما أحب أتبع التنوير
قناعاتي اللي داخلي .. موجز أحزاني

ما أعيش الحياة اللي تجي وفق فكر الغير
شعوري عميق ومنطقي منطق إنساني

ولاني بحاجة حُب واهم ، ولا تقدير
أنا نصفي الأول .. وأنا نصفي الثاني

[ريماس @rx77al]

أحترت بأمرك كثير ضيعت حبي الكبير 🎶

[ريماس @rx77al]

بعد ماطالت مشاوير الحياة وسجّوا السالين
نويت أعيش في الدنيا وأسايرها ولا أمداني

ترجعني لخيبـات الظنـون و زلـة الغاليـن
وأطوفها على شان الهوى ماهو على شاني

وأنا ماني غشيم في التعامل وأعرف الغاوين
أجامل و اتشيّم و الخطأ مـاهو بـ يخفـانـي

[ريماس @rx77al]

ودي أطفي بشوفتك نار الحراااااااااااايق 🎶

[ريماس @rx77al]

على يمّتك من وين تبعد بك الأوهام
ما دام أعرفك ماني بـ ناشد عن دروبي

مثل ما تدارك في المطر خطوة الأقدام
تداركت في وابل مشاريهك عيوبي

وش أقول لو وجهك توارى مع الأيام ؟
وأنا الضحكة اللي في وجه غيرك ذنوبي

[ريماس @rx77al]

وأنا والله يا قِبلة عيوني .. ما معاي إلّاك
ثلاث سنين وأنت أكثر مشاويري وموضوعي

[ريماس @rx77al]

عسى لي أثر طيب مواقف وذكرى خير
ونفسٍ تنول اللي تمـناه يا ربي

لا تبتليني بالسعيّ في نصيب الغير
ولا تضيع سنيني وأنا أدور لطبي

وهب لي بصيرة ما توردني التقصير
تميز قلوب الناس في كرهي وحبي

ونورني أشوف الحقيقة مثل ما تصير
أنا أشوف الأشياء مثل ما يشتهي قلبي

[ريماس @rx77al]

ضاق الصدر وانقذني المذن وحيّ للفلاح
يالله عسى عيني لغيرك مايغورقها بلل

الوذ بك وارجيك واخافك واطالبك السماح
واستغفرك وأعوذ بك لاعود لدروب الزلل

الحمد لك باعداد ما يذكرك عبدٍ و استراح
و اعداد ما تحصي عدد سلم على محمد و صلّ

[ريماس @rx77al]

عفت طرد المقفيّن وما بقى للصبر حال
والعلاقة من صدودك بالهزيمة واعده

يا سراب الود مالي في رجى وصلك منال
دام نار الشوق في صدري وصدرك بارده

كنت أحسب ان هقوتي فيك تهز الجبال
ما دريت ان الجوارح من برودك جامده

كنت أبني في خيالي وهم قد تعدى الخيال
لين شفت انك بصدك للنهاية طارده