سعد الدلبحي

مُحام

[سعد الدلبحي @s1x777]

الحمدلله.

[سعد الدلبحي @s1x777]

سبحان ربي الأعلى

[سعد الدلبحي @Iaw_saad]

قواعد قانونية :

1- لا وصية لوارث
2- اليقين لا يزول بالشك
3- لا تركة إلا بعد سداد الديون
4- الحق الذي لا دليل له، هو والعدم سواء
5- لا يجوز إثبات ما يخالف الكتابة إلا بالكتابة
6- كل فعل سبّب ضرر للغير يلزم مرتكبه التعويض
7- لا يجوز للقاضي أن يحكم بأكثر مما طلبه الخصوم

[سعد الدلبحي @s1x777]

التمادي كسر خاطر و الوقوف إجباري
"والرجوع أرخص ثمن من عمري اللي سقته"

و أنت ما عادك بالاول و أنا قدني داري
حتى لو الوقت سولف عنك ما صدقته

يا جديد الشعر والا يا قديم أخباري
لا يموت الحب خل الحب ياخذ وقته

بري حالي منك مدري وش يجيب الطاري
و أنت حلمٍ لا عتق روحي ولا حققته .

[سعد الدلبحي @s1x777]

صباح الخير ..
صحيت وانا أردد :

[سعد الدلبحي @s1x777]

يا كم مرّ سبت من التحرّي و عوّد سبت
لكن الوعد لا من عتق مشرقه دارك

أنا اللي سقيتك من بياض الوجيه و غبت
ولا جيت ليل ولا إقتطفتك من أسوارك

متى ما إعتراك الشكّ في ما مضى و إرتبت
أنا أقرب من مزوحك و ضحكات زوّارك

[سعد الدلبحي @s1x777]

تهادى على مدّ النّظر وجهك المآثور
تجوع العيون أحبابها، كيف ما أجوعك؟

تمنيت أشوفك لو وراك الدروب عثور
قبل لا يفزّز راكد الساهرة روعك

تفيض الصدور ويخلف الشّور راعي شور
ولا لي جدى في صدتك، أوْ فـ رجوعك

وتمرّ الهقاوي بين ليْل الحكي، والنّور
وأنا ما معي غير أنت، واسمك، وموضوعك.

[سعد الدلبحي @s1x777]

طبطب على كتفي واخذني بالاحضان
واسألني شلونك ولو كذب ، عادي

ترى الكلام الحلو في بعض الاحيان
يخلّي الاحلام .. بين الايادي

انا بحاجة صوت هادي وتحنان
سولف عن التحنان وبصوت هادي

وساعدني ألقى فيك راحه وسلوان
تراني بوادي .. وقلبي بوادي

[سعد الدلبحي @s1x777]

لا ياحبيبي لاغريب ولا شحوب
قلبٍ ، يشوفك حلْم و الدنيا متاع

يوم اصنع الصدفة على اطراف الدروب
محتاج لك ، والحاجة امّ الاختراع

لجيت بك ، كنّي نجيت مْن الحروب
و ضيّعتني ، و اخترت اكمّل فـ الضياع

اثر العيون اللي تلوّح لـ القلوب
مثل الكفوف اللي تلوّح لـ الوداع

[سعد الدلبحي @s1x777]

رجعيني للشغف يا أعز وأغلى ماحصلي
وإستغلي بسمتك لرضاي في وقت الملامه

الليالي مالها وجهٍ ضحوك ومسفهلي
غير لامنه بدا لي خدك الي فيه شامه

أقربي لين يتلاشى حزني ويرتاح ظلي
من طريقٍ فيه عيّفت القدم راس العدامه

وأستريحي فوق ديباجك وفلي شعرك اللي
ودي أقضي عمري الباقي تحت دامس ظلامه .

[♪ @song_Aa1]

كنت بشتاق لك وانا وانت هنا ❣️

[سعد الدلبحي @s1x777]

يوم إني أسج بين أدري وما أدري
عقب البطا جاء يقول الدار وشلونه

قلت أنت دارك هنا وأشِر على صدري
قال أنت دارك هنا وأشّر على عيونه

[سعد الدلبحي @s1x777]

كل مامروني اصحاب الهوى الخطافي
جنبوا عني و قالوا فالهوى يا قدمه

مالقيت ارحم علي من كمي ومشرافي
لا رقيته والدموع من الوله محتدمه

صايرٍ قلبي بعد ما غبت بيت سنافي
بعد موته ماتشوف اللي يوقف قدمه

وانت حبك كنه اسمي وإمتداد اسلافي
السنين تمر ما تقدر عليه تهدمه !

[سعد الدلبحي @s1x777]

جرديني من حنيني والمعاناة العميقة
واجمعيني في سكون الليل واطراف الرسايل

كيف اعدّي كل ذكرى تردف الضيقة بْـ ضيقة ؟
كيف اعاتب كل دمعٍ قامت عزومه تمايل

صوتك اللي صرت اخافه كيف انامه واستفيقة ؟
كيف ابادْلك التجافي والجفا ماله بدايل ؟

[سعد الدلبحي @s1x777]

تغنّي للوطن وأنت الوطن والأرض وأهل الأرض ؟
بلادي أنت و الخطوه معك هي كلها بلادي .

[سعد الدلبحي @s1x777]

ياغزالٍ علق الوسـم في قلبي وراح
يحسب إني مثل ناسٍ تضيع حقوقها

ما درى إني صاحي للهجاد وللصبـاح
قاعد بفكري وأعرف الديار وسوقها

"وان بغيت أرميه رمية عداوة كان طاح
بندقي تـرمي المنايـا وانـا ما بوقـها

مير أخاف من المناقيد ياظبي المـراح
الفشـق وام الفشق قافلٍ صندوقهاا

[𝖺𝗃𝗆𝗂 @ll6eq]

ليا هوّن الساموح الاول بدا ساموح
جيوش تحارب صحتي لين تدمرها

زمان ومعاوينه وسعي لهدم اصروح
وغارات ناس ما عرف وش مبررها

يكيدون ويكيّد الله وكيدهم مفضوح
ومن معه حيلة شر ماهو بـ ذاخرها

ولكن ينجّيني . . منجّي سفيـنة نوح
مجيب الدعاء ما تصعب الا ييسرها

[سعد الدلبحي @s1x777]

خذاك الزمان اللي تركني وطن محتلّ
ولا عاد باقي شي .. يستجمع حطامي

ويبدو لي أن تبع المقفي .. هوان وذلّ
عساني ما أضحّي في مقام أسمي السامي

قدر كل طيّب لو يعيش الحياة بقلّ
يحامي عن أسمه ما يدوّر له محامي

أنا وأمنياتي .. ما خلقنا نعيش بظلّ
خلقنا عشان نكون فالصف الأمامي

[سعد الدلبحي @s1x777]

هنا آخر لقاء وأول محطات الاستنزاف
مكانٍ كراسيه تسولف عن أشواقي

عطيته سنين وقلب وأبيات ما تنعاف
ورجّع لي أبياتي ولا رجّع الباقي

أنا بأخر أيّامه سمعت الكلام الجاف
وكذّبت سمعي لو تشهد له أحداقي

وبعد ما نطق في تالي الليلة اسمي حاف؟
عرفت إنه العربون في ليلة فراقي

[سعد الدلبحي @s1x777]

نتيجة الخذلان , يا ريم الفلاّه
تلويحة كفوف و بقايا راحلين

اللي عطيناه الثقه .. ربي عطاه
فرصه وحيده ماتكررها السنين

حنّا ثقتنا غاليه .. مثل ( الحياه )
ماتنعطى للشخص نفسه مرتين !