على جدار الطريق الي تمرّه ..هات
يدينك.. لاعدمناك وعدمناها
ترى المعنى الحقيقي ..للحكي بسكات
كتابتنا قبل تدري شمعناها
ف اذا شفت الكتابه المس الكلمات
ترى مايكفي انّك بس تقراها
من احيا قلب من شُح المواصل مات
عيال آدم جميعاً .. كنّه أحياها
الزمان يدور والناس حاكم ومحكوم
والبخيت اللي تقهوى الدلال الفايحه
كنت أحسب البعد بين البسيطه والنجوم
لين شفنا بالعيون .. النجوم الطايحه
من تطيّحه المقادير لايمكن يقوم
لو سماه مولّعه .. بالبروق اللايحه
من تمسّك بالعوايد .. وميثاق السلوم
ماتصيح أذنه من اهل الحلوق الصايحه
ياناقلين الجنايز ... انقلوا لي مزن
صدري له شهور متخشّب مهو منشرح
_
ثقيل حملي علي لو كان ماهو وزن
ياثقل الايام في صدر البشوش إن سرح
_
جرّبت كل الفراق الا فراق الحزن
وجربت كل الدموع الا دموع الفرح