سعود

[سعود @s3udbb]

اللّهُم صَل وسلّم على نبيّنا مُحمّد
- أكثروا من الصلاة ع النبي💛

[سعود @s3udbb]

يـاشوق ماسويت فيني جماّله
ذبحت صبري واستبحت الملذات
ـ

[سعود @s3udbb]

اخذت الصبر قوه واشوف الفرج قدام
لو ان الحياه ظروفها تأمر وتنها

ماني خايف احلامي لاضاعت مع الايام
اخاف اوصل احلامي وانا سامحٍ منها

[g @ytrru_]

ديره فيها الغلا يفداها الملا

❤️
#رماح

[سعود @s3udbb]

انت ماتعلم بقلبي وش غلاك
لو طلبت الرووح ماتغلى فداك

[سعود @s3udbb]

جعل يفداك القصيد اللي يثير أعجابك
تدري إن ذكراك بين الذكريات أزينها

حافظك ب أصغر تفاصيلك و أدقّ أسبابك
و معتبرك أجمل توافيق القدر و أثمنها

[سعود @s3udbb]

ياشوق أنا عنك ضروفي حدتني
مالي على المسيار يمك وسيله

محبّتك جارت على و اجهدتني
مثل الذي عجزت عظامه تشيله

كان الليالي المقبلة ساعدتني
جيتك ولو من بعد مدة طويلة

[سعود @s3udbb]

مايدري إنه من الجلاس سا��قني
أجلس معاهم وفكري يتبع طيوفه

[سعود @s3udbb]

سلام الله على اللي لو تركته ماقدرت أنساه
حبيبٍ كل ما هب الهوى حنيت .. لـ دياره

ليا هبت نسانيس الرِياح و جددت ذكراه
تربَّع في ضلوع الصدر كنه ماخذ بـ ثاره

كتبت الشعر فيه ولا كتبته غير لأجل رضاه
ماني بـ محتاج لـ أنظار العرب لا لدت أنظاره

عليه الطله اللي تجبر الشاعر يجيب أقصاه
و علي أسوق له غرٍ من الأبداع مدراره

حبيبي و أكثر العالم لهم بين العباد أشباه
شبيهك فـ السما لا طل كني مبشر بشاره

رهين الشوق حتى لو تصنع ضحكة محياه
ورى صدره هموم البعد تلحق غاره بـ غاره

[سعود @s3udbb]

جيت بين الضلوع الخاليه وأعتليت
ضلعٍ يرحب فيك وضلعٍ يهلي بك

[سعود @s3udbb]

ياملهم قصيد اللي قصيده على استعداد
يغرب شعور اللي ماقد فارق بلاده

تحسب الكلام اللي ذخرته بدون عتاد
وانا صافطً لك ما يقّلط على الساده

يموت القصيد الباهت الدارج المعتاد
ويعيش القصيد اللي ما يبغى له اشاده

لا تسمع كلام اللي .. كلامه بدون قياد
قلوب البشر عميا والافواه نقاده

جزال الحروف اللي يدور لها النشاد
تبي من يثبتها على قمة شداده

هاذا مورث الاجداد يا قبلة الاحفاد
يا ملفى القصيد وروحه .. ويوم ميلاده

حضورك حضور الرايح المّفرح المنقاد
ووجودك مراد اللي معك ياصل مراده

اعد الليالي معك .. كنها ليال اعياد
معك كل ليل ! يّوشح بعنقه قلاده

لك الصدر مجلس وادهله والحشا سجاد
ماله خانه ان ماصار لرضاك سجاده

[سعود @s3udbb]

سلم علي بعينك
إن كان بخلت يدينك

[سعود @s3udbb]

تجاهلت واقع معطياتي ورحت أعيش
على أضغاث حلمٍ داري إن ماهو بحاصل

[سعود @s3udbb]

علي وين ماسج القدم شرق ولا غرب
أشوف الليالي ما تشابه سنا ليلك
⠀⠀
أنا وين الدّ العين منك وأدور درب
وكل الدروب اللي تودّي، تودّي لك

[سعود @s3udbb]

جيتك على درب الرجا فاتر الحيل
بسمتك قدامي وموتي خلافي

سريت في دربك بقطع من الليل
نحو الربيع الباسم احمل جفافي

[سعود @s3udbb]

معذور لو صرت بك طمّاع
من حبكم ما لنا حيلة

[سعود @s3udbb]

أنت ياللي كل ماهز المحاني طيفه
جرّني طاريك من ربعي ومن جـلاّسي

كانك اللي فالمحبه موجس له خيفه
والله إنّي بين لوعة خاطري وعماسي

كل حب غير حبك ينكشف لي زيفه
وكل طيف غير طيفك مايهز إحساسي

وكل وجه غير وجهك فالوجيه اعيفه
وكل صوت غير صوتك ما يقند راسي

[سعود @s3udbb]

يا مَن تَوَّهَمَ أَنّي لَستُ أَذكُرُهُ
والله يَعلَمُ أَنّي لَستُ أَنساهُ
وَظَنَّ أَنّي لا أَرعى مَوَدَّتَهُ
حاشايَ مِن ظَنِّهِ هَذا وَحاشاهُ

[سعود @s3udbb]

دنياي ماتصلح
بـلا شمس دنياك

[سعود @s3udbb]

ما على وجه البسيطه من اشباهك شبيه ..

[سعود @s3udbb]

أرتاح من صوبي وقلّ ما تخفيه
عمر الغلا ماهوب عمر إفتراضي

قلبي لغيرك شيء ماهوب فـ يديه
وأبعد عليه من السماء للأراضي

أبطَى وهو قبلك يخمّه ويخطيه
وأقنعته إن ما كل لاعب.. رياضي

الناس من بعدك هلا، وأنت لبّيه
الحاضر أنت وماضي الناس ؟ ماضي