بتال آلمسعريء

۞ وما كان اللّه معذبهم وهم يستغفرون ۞ استغفر الله العلي العظيم واتوب إليه

[بتال آلمسعريء @s502i]

خفيفتان على اللسان
ثقيلتان في الميزان
حبيبتان إلى الرحمن

"سبحان الله وبحمده
سبحان الله العظيم"

https://t.co/ahmF7oUka6

#تسبيح

[بتال آلمسعريء @s502i]

ليا صد ما عاده مع الذكريات .. يليّن
لو ان الهوى غلاّب ما تقدر .. تغلبه

ولو حنّ له قلبه ورفّت .. عليك العين
يده سكّرت عينه ورجله .. وطت قلبه

[بتال آلمسعريء @s502i]

لي صاحبٍ مسرفٍ فيني ولا له ضمان
واسلوبه ازريت اعدلّ فيه و ابدلّه

إذا زعل صار مثل النوم عقب رمضان
تأخذ لك اسبوع وأنت تحاول تعدلّه (:

[بتال آلمسعريء @s502i]

ما عرفت الشوق إلا من طاريه
أهيم به وأحبه وهو عنّي ما درا

لو يجمعون الخلايق كلّها ما يَكفّي
هو اختصر لي كل الغلا يا ناس هو الغلا

أحبّه .. وأحب شوفه وصوته وطاريه
وأحب اسمه اللي يفزّ خافقي كل ما طرا

[بتال آلمسعريء @s502i]

#صورة_جديدة_للملف_الشخصي

[بتال آلمسعريء @s502i]

غيابك تغلّي بس انا غيبتي باسباب
لاتشره على اللي غاب ماتعرف ظروفه

انا في مكانٍ لو تحطه في قوقل ماب
طلع في النتايج منطقه غير معروفه

[بتال آلمسعريء @s502i]

ياقسمي في الهوى حتى لو انك منتي بقسمي
اعيشك طيف واحلام وغرام وهاجس وسلوى

جعل يسقى علي قدام لا تدرين ويش اسمي
قبل لا اذوق حلو الوصل وادري ان الهجر بلوى ؛)

[بتال آلمسعريء @s502i]

أنا يوم واجهتك عرفت أن قلبي حي
تحسّستي عروق الحياة ولمستيها

وأنا اللي قضى عمره مايملا عيونه شي
وجيتي .. بعد كبر الطموح ومليتيها

[بتال آلمسعريء @s502i]

ضاق المكان اللي من أوّل أحبّه وأجيه
مدري هو الدرب وإلا الصدر مابه سعه

كم مرّت وجيه في عمري وعدّت وجيه
ومافيهم اللي بقى لي أو خذاني معه

ياعابرين الحياه أحتاج -قلبٍ نزيه-
عفويتي .. قابلتها قلوب متصنّعه

[بتال آلمسعريء @s502i]

أنا النيه، وأنا المسرى، وأنا الوقفه، وأنا لبيه
إذا ما تقدر يدينك .. يغازل دقها بابي

أنا جارَي عن النظره، وأنا العابر عن التشبيه
وأنا أسباب الوصل كله متى ما غابو أحبابي

على انه عندي لـ كرهك كثير أسباب مادري ليه
تخيرت أني أحبك، ولا أدري وش هي أسبابي

[بتال آلمسعريء @s502i]

يا قبلة : غرام ٍ مبتداه الليالي ذيك
يوم الحب كل ٍ فيه قد خاض تجربته

لا تلعب عليك ظنونك اني ماعاد اغليك
لا والله غلاك يزيد من سبته لـ سبته

ترا قلبي اللي هاام فيك و تعلق فيك
لو انه يقلطني على الموت ما هبته

اللي حب مثلك مستحيل انه يخليك
لو انه يحط السيف الاملح على رقبته

[بتال آلمسعريء @s502i]

حميد الطبوع يشوف كسر الخواطر عيب
ثقه .. والثقه في الشخص تنبيك عن طيبه

ترى الحب مهما فيه من قسوة وتعذيب
كريمٍ كرم يمناه يرفا عذاريبه

لاتستكبر جروحك مصير الجروح تطيب
عدا من جروحة كلها من مخاليبه

من الضعف فيك تراود الحلم لين يخيب
ترى الناجح اليا آرهى بحلمٍ يضحي به

[بتال آلمسعريء @s502i]

ناظريني فالسماء نجماً سماوي
واتركيني للحياة ومعركتها
..
غاوياً مدل والمدل غاوي
والقصيدة فيك حاجة حركتها
..
انا في وجهك ليا طحت متساوي
والظروف اقفت بروحي واهلكتها
..
لاتقولين الزمن ماهوب ياوي
كل حاجة نظرة عيونك حكتها ..!

[بتال آلمسعريء @s502i]

سولفي ويربع القاف السناوي
واتركي كفك ، كفوفي ماسكتها
..
وادخلي في دقلة البشت الحساوي
عن طواري لحظة عينك بكتها
..
انتي احلام الفقير من الغناوي
والله اعلم بالليالي وبركتها
..
علميني وش تقول اهل الفتاوي
في سبأ بلقيس والا مملكتها
..

[بتال آلمسعريء @s502i]

مرحبا يـ المترف الغض يـ السحر المباح
ياحشيم الطبع يـ اللي بعيد من الردا

جعله ابرك يوم وابرك الو وابرك صباح
وجعل ماقد مرني منك لـ عيونك فدا

نبرتك تحمل شعور التراضي والسماح
وضحكتك كنها تنادي ولبيت الندا

كل صبح في بزوغه بشاير وانشراح
فيه من وجهك ملامح ومن صوتك صدا .

[بتال آلمسعريء @s502i]

اي والله تمون وزين وجهك جعلك تمون
يا اجمل من عبير الورد و الطف من النسمه

احبك بمنظور الغلا اللي بدون عيون
من مقبلات الحب لـ الوجبه الدسمه

انا مثل راعي السكر اللي معه مخزون
ما يبغي العلاج وبين الضعف في جسمه

[بتال آلمسعريء @s502i]

يافريد الحسن يالزين الرهاوي
ما لحسنات البني عندك معشى

طاغين بالوصف يالغرو الحياوي
من يقابل وجهك المملوح بشا

ارحم الملتاع ياعين النداوي
سحب حبي لك من الخافق تنشا

هايمن من نضرتك طحت امتساوي
شوف حبك في شرايني تفشا

ألتفت لي لا تضيع بك الرجاوي
يابعد من فرعت والي تغطا :)💙

[بتال آلمسعريء @s502i]

عفى الله عن جوفٍ به الحزن ما ينشاف
يكن الضيق في صدره ولاجاب له طاري

[بتال آلمسعريء @s502i]

فديتك يوم تاخذني على كيفك ولا ادري وين
معك من وين ما ذعذع هواك ومالت الفيّـة

[بتال آلمسعريء @s502i]

عوايدي ماهيب طرد المقفين
لكن معك ماشوف فيها مذله

بحاول اردك من الشين لـ الزين
ان طعت .. ولا ويش انا قاعدٍ له

[بتال آلمسعريء @s502i]

عسى صبح الوصال وجمعت الاحباب بالاحباب
بعد صبح الفراق . . اللي يردّ القلب لـ احزانه

عليك ارسل سلامي واعذب الحاني يا خلً غاب
سـلام ٍمن ضميـر ٍ صـادق ٍ. . والشعـر برهانه

بعد ماكان يضحك لي معك في كل صبح ٍ ناب ؟
غدت عقبك صباحاتي . . ظلام وما لها خانه :)