نايف حمود الكميهاني

شاعر

[نايف حمود الكميهاني @s5_zz2]

الآدمي غيب القدر ما يعلمه
العلم عند الواحد العدل السلام

الله يبلغنا بفضله وكرمه
الليله اللي خير من تسعين عام

نايف الكميهاني

[جرّاح العتيبي @AL___9999]

للقصيد اضرار والشاعر هو المتضرّر
عان نومه من هواجيسه ماااغير مسارق

ان بكى من مشكله حط الظروف مبرّر
وان شكى الفرقى ترا ماهوب شرط مفارق

وانت ياللي مبتدي فكّر شوي و قرّر
وحاول انك ماتجيب الا الكلام الفارق

شابعين من الكلام الواجد المتكرّر
هات شيً فارق عْن الناس ولا فاارق :)

[نايف حمود الكميهاني @s5_zz2]

قلبي غدت به جادلن زينها غير
ما تشبه الا البدر ليل اكتماله

تخج قلبي بالسيوف البواتير
رمشن عكش يلهي الرجل عن عياله

نايف الكميهاني

[نايف حمود الكميهاني @s5_zz2]

خففو بعض المشاريه ياللي تشرهون
ما ورا بعض المشاريه نفعه وثمره

الصدور اللي وراها عنه ما تعلمون
ما وراها عند الإله علمه وخبره

نايف الكميهاني

[نايف حمود الكميهاني @s5_zz2]

امن الصدور اللي خلقها الله وسيعه
لو يجيها الضيق ما يثر عليها

دورو لي صدر راعيه ب يييعه
واخذه بالقيمة اللي هو يبيها

نايف الكميهاني

[نايف حمود الكميهاني @s5_zz2]

ياجعل راس ً يخلي الطيب
يدوسه الوقت با اقدامه

الطيب تركه ملام وعيب
من يتركه خبل وهلامه

نايف الكميهاني

[نايف حمود الكميهاني @s5_zz2]

صبرنا على ماجابه الوقت زين وشين
عسى في توالي الصبر تفريج وبشاره

ولا همنا وش قالو العالم الفاضين
مع اشغالنا لاهين والناس ثرثاره

نايف الكميهاني

[نايف حمود الكميهاني @s5_zz2]

صبرنا على ما قدر الله واشاء و اراد
على أمر القدر صبر البنادم من السنه

هو اللي بسط سبع وسبع بدون عماد
رفعها ويرزق تابع الحق~ ~ بالجنه

لا يظلم ولا ينسى ولا يخلف الميعاد
له الحمد سبحانه له الفضل والمنه

نايف الكميهاني

[نايف حمود الكميهاني @s5_zz2]

وش خانة الصحبه اللي مالها قيمه
ان كانها ما تشرفنا وترفعنا

اما انتجمع على طيب وعلى شيمه
والا عسانا نموت ولا تجمعنا

نايف الكميهاني

[نايف حمود الكميهاني @s5_zz2]

انا في رجا اللي من ترجاه ما ينضام
يعيد ابتسامة خاطرن فارق البسمه

عزيز الجلال اللي فطرنا على الإسلام
عظيم العطايا جل شانه وجل اسمه

نعمه العظيمه عدها اكبر من الأرقام
من الجمع ومن الطرح والضرب والقسمه

نايف الكميهاني

[نايف حمود الكميهاني @s5_zz2]

@ha501jd صح بدنك يابو هاني

[نايف حمود الكميهاني @s5_zz2]

اخطى واقول ابـ اتعلم من أخطاي
مصدق .... اني من خطاي أتعلم

وانا ارتكب نفس الخطأ رايح وجاي
واندم على نفس الخطأ . واتألم

ابگ امس اجيك من الحميا من اقصاي
واليوم .. لا قابلتني .. ما تسلم

نايف الكميهاني

[نايف حمود الكميهاني @s5_zz2]

ابا اتوضى واصلي للعزيز الحكيم
لوكان مهما عبدته م احسن عبادته

واسأله العفو سبحانه عفواُ كريم
الكون كله تحت تصريفه ورادته

نايف الكميهاني

[نايف حمود الكميهاني @s5_zz2]

معلق آمالي على اللي خلقني
ماني معلقها على فلان وفلان

اللي خلقني في الحياه وزرقني
له الثناء والحمد في كل الأحيان

نايف الكميهاني

[نايف حمود الكميهاني @s5_zz2]

تطول ياهمي وتقصر وتنزاح
والادمي ما يستريح بحياته

تصغر حصاة رزاح يشيلها رزاح
رزاح ماهو مزري في حصاته

نايف الكميهاني

[نايف حمود الكميهاني @s5_zz2]

هب يا وجه الردي عساه يلوى
من كثر بخله م قد شبعو عياله

اترك المثبور لو قام يتحلوى
مايسد اللازمه في كل حاله

الشبب تلقاه عند طيور شلوى
كل منهم للكرم يرخص رياله

نايف الكميهاني

[نايف حمود الكميهاني @s5_zz2]

الكبد ما هي حجر والقلب ماهو جماد
يا فوح كبدي عليك و بري حالي يري

الروح تبغى دواء والجرح يبغى ضماد
وان ما تغانمتني .. يبي يجيگ خبري

نايف

[نايف حمود الكميهاني @s5_zz2]

يا مالك الملك ملكك فيه مالك خشير
انت المعز المذل.... المستعان الملك

أعوذبك من غثاء الدنيا وسو المصير
أدعوك ياخالقي واستغفرك وأسألك

نايف الكميهاني