᷂سطام

[᷂سطام @s6am_89]

-

الذكاء مقرون دايم مع .. العقل الرزين
والتغابي بعض الاحيان من طبع الدهاه !

[᷂سطام @s6am_89]

التشبث بالحيااه .. وبالأوادم
قل دين وقل عرف وقل هيبه

سعد علوش

[᷂سطام @s6am_89]

اكبر جهل فالحيااه ، ان يجهل الشخص قيمة نفسه :)

[᷂سطام @s6am_89]

كل ماضنيت لي ظن في غالين خاب
انا طيب واحسب الناس مثلي طيبين

ما بعد عاتبت صاحب ولا احب العتاب
حتى لو مايعتذر غالي وعذره سمين

مستحيل استعطف الناس ولا أطق باب
لو خلاف الباب هذا عشير الغانمين

[مرهِي @_M2rrhi]

ما فيه احد ما يامن الرجل شرّه
دام الحسد موجود وابليس موجود

تسامح .. وعيش الحياه بمسرّه
قبل لا ياكل باقي عظامك الدود

ماهو بشرط : " الحب منه مبرّه "
وماهو بشرط الكره بالكره مردود

المبغض اللي ما يبي لك مضرّه :
افضل من محبٍ ما يبغي لك الزود

[᷂سطام @s6am_89]

بصدري كل ما أذن حنين الغايبين وتاب
مشايخ ذكرياتي خاطبتني من منابرها.

[مرهِي @_M2rrhi]

ما دامك من بنات الغيم مدري من خوات النود
تمثّني للضلوع اللي تضمك .. و آتثنالك

أنا ميّت ضما و أنتي هواك العيلم المورود
يمرّ الموت بالي كل ما مرّ " الجفا " بالك

لا تعميك الدموع اللي ما خلقت للوساع السود
عسى روحي فدا واهج .. ثغرك و ليلك الحالك

[مرهِي @_M2rrhi]

إضحكي لـ الحزن لا يضحك علينا
ضحكتك ترسم طريقي لـ السعاده

و إظلميني بـ السهر .. ظُلماً مُبينا
من يقول النوم لـ الظالم عباده ؟

و إغرقيني في بحر .. من غير مينا
الغرق نوعٍ .. من أنواع الشهاده

و إدفنيني وسط وادي طور سينا
قبّتين .. و شاهد القبر " القلاده "

[᷂سطام @s6am_89]

آنا سلوتي وآدوآي يا " معشر السالين "
على رآس رجم ً تذرف آلعين فـ آشرفته

آعديه لـ جل آخذ بوّر صبر وآكسيجين
وآحول مع آول طيحة آلشمس مآعفته

رجعبي شريط آلذآكره لـ آلوراء عآمين
ياعزي( لـ قلب ً)بيض آلايام مآ آنصفته

ترى الغالي الي كان عيدي معه عيدين
بعد غآب طعم العيد شفتك ولا شفته؟

[مرهِي @_M2rrhi]

لك من الغيم اقتناص ومن النور أقتباس
حتى لو مالك مع الناس والدنيا بدل

والسجع والتورية والتطابق والجناس
والزهر لا فاح .. والطير لا طار وهدل

الغزل في غير وجهك ظليمة وأختلاس
بس في ضحكاتك إنصاف، وبعينك عدل

ولا تبادلك القصايد ليا اشتد الحماس
غير عودك لا تمايل وشعرك لا أنسدل

[مرهِي @_M2rrhi]

حقق طموحك معا شمس الصباح الجديد
لا تعيش مابين ليت أحلامك ولوّها

العزم خله قوي .. والراس خله عنيد
والحاجه اللي تجي في خاطرك سوّها

[᷂سطام @s6am_89]

" أنا ما عاد تغريني الوجيه ووجهك البرّاق !
ملاذي لا قوى حيل الزمان وشانت أخلاقه

يحبّك قلب في درب المحبة ساهي ومنساق
يشوف بخافقك عالمه وبضحكتك إشراقه "

[مرهِي @_M2rrhi]

ملامح عفيف النفس ما تقبل التاويل
عن اللي حياه العفٌ يمنعني أقوله !

ما بين أرتكازة معتدل وأنحدارة ميل
وخصرً هذا ضيقه ، وعنقً هذا طوله

سحاويً يروح الشفق لا انولج فـ الليل
مثل وجنته ، لا دسهّاا تحت مجدوله :(

نحيل القوام اللي قطاته قطاة الخيل
يا حظ اشقرً يقتضّ ، ويلف من حوله !

[᷂سطام @s6am_89]

ترفّعك عن هفوة .. عيال عمك
تبقى حكيم الوقت واكرم رجاله .

- سياف السواط

[مرهِي @_M2rrhi]

علامك يانهار العيد في عيني سماك غبار
وشمس العيد لو تكسف نهار العيد معذوره

وحنا سارحينك من صباحك يانهار جهار
لو إنها في ظهر ولا عصر كسفتك معذوره

وأشوفك خاطر في خاطري من حيرة الخطّار
تقبلك الجوارح شرع البيبان مسروره

[مرهِي @_M2rrhi]

يا حبيبة خاطري لا تزيدين انهياري
ارخي عنان السوالف قبل يقبع صميمي

كل ضيقه قبل احبك ما كانت باختياري
وكل ضحكه بعد احبك تنسيني قديمي

فيك ما استفتيت شيخ الفتاوي بانتحاري
شاوريني واقطعي عرق عمري بالقديمي

في عيونك معركه كنها طاروق ناري
بين نواف بن منور ومستور العصيمي

[᷂سطام @s6am_89]

ليست الحقيقة مايقال ، إنما الحقيقة ما ترى

[مرهِي @_M2rrhi]

عليك مْن الرضا ما لاعب الغربي غصون الطلح
و ما هلّ المطر و أبتلّت القيعان و خضّرت

وش أحلى من ملامك غير وجهك و أنت كلّك ملح ؟
لك جْباه الصعايب تحت رمشك ساجده خرّت

ليالٍ وجيهها بدون ضحكاتك .. وجيهٍ كلح
و مرّت و أنا لـ هالحين مدري كيف هي مرّت :(

[مرهِي @_M2rrhi]

العروق الضاميه قد ودها تارد اعدودك
والاوادم ودها تصغيك وتصفق بيدها

أترك القاع القفر رح للسما وأرسم حدودك
واعتنق لك غيمةٍ براقها يسبق رعدها

[مرهِي @_M2rrhi]

فمان الله يا الغصن الليان اللي هجره الطير
هذا طيرك يبلغك السلام بروس جنحانه

يجوز اني بشر مثل البشر ويخونه التعبير
الا يا كبر حظ اللي حبيبه ما بعد خانه

سمحت من المحبه وانت سامحني على التقصير
وصلت اخر حدود العشره اللي مالها خانه

[مرهِي @_M2rrhi]

راوديني وابشري بي ليا حان القتال
القتال اهون من النيّه المتردده

شاعرك ما همّه الموت يا بنت الحلال
تاركٍ روحه خلافه وقلبه في يده

مندفع لعيونك اللي مثل سود الليال
والليالي لو تبي تجحده ما تجحده

من يشوف الوجه هذا لو انه فالخيال
كل يومٍ يشكر الله عليه ويحمده