ᴊʙʀ sᴜʙᴀ

"مرحباً لِمن ‌يقرأ رسائليّ‌ دائِما".

[ᴊʙʀ sᴜʙᴀ @s6ssq]

الناس من زلتك تنّسى جمايلك
والربّ من توبتك يغفر ذنوبك .

[ᴊʙʀ sᴜʙᴀ @s6ssq]

دايم بعد إنتهاء العلاقة واحد يعيش وواحد يموت .

[ᴊʙʀ sᴜʙᴀ @s6ssq]

قلبي يبي وقت لو الوقت ما طاعه..
و عيني تبي شمس لو الشمس تعميها

و نفسي مثل باقي الأجواد طمّاعة
أبي أجدد على الفرحة لياليها

والمهتوي لا اهتوى ما يطوي شراعه
يمشي على النار كنه ما وطى فيها.

#خالد_الفيصل

[ᴊʙʀ sᴜʙᴀ @s6ssq]

ماطرحني حب عذرا ولا حيله نصوف
واصبحت لبيه معاد تفرق عن هلا

غير للي عودتني على كسر الشفوف
و ارغمتني بالمحبه و تجديد الولا

اطهر من المحرم اللي على الكعبه يطوف
و أصدق من الموت و اذير من ريوم الفلا

لو تمارس كبرياها على بعض الحروف
كل حرفٍ ماتقوله مجنبه الحلا .

[ᴊʙʀ sᴜʙᴀ @s6ssq]

ليتنا ياصاحبي نقضي الدنيا شباب
كان أعيّفك المحبين قبلي وبعدي

لكن اللي قدرته ماتغطيها السحاب
خلّت الأعمار تاقف والايام تعدي

أعرف إنّك من تراب ومردّك للتراب
خلّك اللي يُخلق إنسان ويموت أجودي

الوفا في الحب مثل الأمانه في الرقاب
ملتزم فيها سنافي وخاينها ردي

وأنت حاول تحفظ الود ياسمح الجناب
مثل ما بلادك تحفظ الجمايل لبلدي

لاتغيّرك الليالي ويغريك الغياب
وتحداني والجفا منك حاديني حدي

نبض قلبي يوم ودّا ونبضه يوم جاب
مايقول : الا عسى الله يسامح ويهدي

عد غلطاتك على يدك وأحسبها حساب
إنسها ومسامحك وأذبح لنفسك فدي

كود ذيك الغلطه اللي تعاب وتستعاب
غلطةٍ ضيّعت عمري وراها وجه��ي

طعنةٍ من سيف عنتر ومن شلفا ذياب
تنتهي بين الضلوع القصار وتبتدي

ماهقيتك يوم الأجساد تسترها الثياب
بالجفا عريت صبري ؟! وعريت جسدي ؟!

ليه ؟؟ وأنا اللي عشانك تحديت الصعاب
وفي دروبك متعب أقدام رجلي بالعدي

إن ضواني الليل سريتها بليا ركاب
وإن نويت سهيل وجهت وجهي للجدي

من عذابي كل خطوه وخطوه من عذاب
الليالي سرمديّه ودربك سرمدي

وين أيمم شوف عيني وأنا اخيلك سراب
كل ماضميت زولك تلاشى من يدي

مذهبٍ حالي بطاريك يامال الذهاب
مابقى فالقلب من سبّتك عرقٍ ندي

ليت مايفتح على باب شعري منك باب
لاتثاقلت اجلساي وجفاني مرقدي

وأرسمك قدام عيني على صفحة كتاب
وأنت بين السالميّه وبين الأحمدي

إن نسيتك فأعرف إنّي موارا فالتراب
و��ن تذكرتك عسى الله يسامح ويهدي

وان تعدتك المشاريه وأخطاك العتاب
أعرف ان منتب سنافي ولانتب أجودي

- مطلق بن شويه

[ᴊʙʀ sᴜʙᴀ @s6ssq]

العيون اللي على شوفي تشفّت
اقنعـوها .. لا تلد الشوف يمي

قولو إني رحت واقدامي تحفت
ورجعتي شيٍ مثل وجهي ودمي

[ᴊʙʀ sᴜʙᴀ @s6ssq]

بنت الفخر سيدة شعري وقيفاني
في كل ذكرى على بالي لها جره

مرات ترضيني ومرات تعصاني
في عيونها الكبر يا حلوه ويا مره

قلت التواضع حلو يا سيد خلاني
قالت هذا شي راجع لي وانا حره

محبتك واسم ابوي وصيت جداني
زادت شموخي شموخ وصرت منغره

[ᴊʙʀ sᴜʙᴀ @s6ssq]

{وَلَا تَنْسَوُا الْفَضْلَ بَيْنَكُمْ}

[ᴊʙʀ sᴜʙᴀ @s6ssq]

احب المطر والخيل واحب شوف النوق
واحب الهنوف اللي تكااشف عواتقها

ليا صار مع جمالها عقلها ماثوق
ليا شفتها تقول سبحااان خالقها

عيون المهاه وعاتقٍ مارقٍ منتوق
وخدٍ كما شمس الضحي في تشاعقها

ليا شفتها قام يحداني عليها الشوق
ولو هو بكيفي ! كان والله ما فارقها

[ᴊʙʀ sᴜʙᴀ @s6ssq]

والله انك في شرايني تمشى
والله ان باب الرجا عاده مسايف

مالحبك طب مدامه تفشى
في عروق اللي ورى العوج النحايف

لبسك الحشمه وبالعفه تغشى
بس عيبك منت بمحاكيل رايف

والجدايل من صغر سنك تنشى
مارعى المقراض بأطراف الرظايف

اعتذر واللي لك ان عذرك يمشى
مايدقق فالعذر بين الولايف

بن فطيس 🌷

[ᴊʙʀ sᴜʙᴀ @s6ssq]

أجفاك وأقاصيك حب وكرامة
أبغاك مني ما تضيع أنت بالذات

أبغاك تبقى قامةٍ ويش قامة
وأرفض مطيحك لو تطيح السماوات

لو أصلبك وتظل مرفوع هامة
مثلك حرام يطيح حتى ولو مات

[ᴊʙʀ sᴜʙᴀ @s6ssq]

"ماجور ياللي من فراقك تعلمّت
ان الزمن يومين طيّب .. وخيّب

فاجئتني بمفارقك ما تولمّت
كذا بدون أسباب عني تغيّب !

مامت من فرقاك لكن تألمت
وشيّبت بي يا صاحبي قبل أشيّب

أضحك وأسولف وإن لحقني سهر نمت
لكن قسم بالله .. مانيب طيّب"

[ᴊʙʀ sᴜʙᴀ @s6ssq]

وش جابني لرسوم الاطلال ياسعود
واوجاع نبش الذكريات الحزينه

سويت في نفسي خطا غير مقصود
كني غشيمً باصبعه سد عينه

عزالله إن الخط واسع وممدود
والهزعه من الخط ماهيب زينه

لاباغيً حاجه ولانيب محدود
مير اللقافه تاليتها غبينه

طبيت جو ٍكن ماطبه الرود
مهجور رغم ان العرب نازلينه

[ᴊʙʀ sᴜʙᴀ @s6ssq]

ما دامك غديت تشوفني مثل باقي الناس
انا لي مقامي واحترامي وتقديري

تقهويت حبك يوم عاده يجيب الراس
وعقب ما برد خليت باقيّه لـ غيري

[ᴊʙʀ sᴜʙᴀ @s6ssq]

: مصيبه لا تردت قيمتك في عين من قيمة

[ᴊʙʀ sᴜʙᴀ @s6ssq]

- خيّبة محمد بن فطيس :
يعني جميع الغلا اللي جَاه ماسّده ؟.

[ᴊʙʀ sᴜʙᴀ @s6ssq]

@raseess_n تبي سياره انتِ ؟ حط لايك واعطيك .

[ᴊʙʀ sᴜʙᴀ @s6ssq]

سلوم البدو حق الضيافه ثلاث أيام
وأنا ليي سنه اكٌرم طيوفكْ واقلطها .