انت يا فخر الصناعة ويا زين الصفات
وجهك يثير الاحاسيس ويثير اللغط
ودي اكتب لك من الشعر.. عشر معلقات
فوق جيدك خمس فصحى وخمس من النبط
ان بغيت اعيش.. سولف واخذ مني وهات
وان بغيت اموت سلهم بنظراتك فقط
انت تفعل ما بدى لك بدون مبررات
الغلط لا صرت راعيه ما كنه غلط
مساء الخير🤍
اللي تناولني بضحكتها النجوم
تاخذني من الحزن و دروبه بعيد
تشد من عزمي .. و تجبرني اقوم
و اللي انهدم فيني من الدنيا تشيد
اطهر من الما اللي تنزله الغيوم
و اطيب من اخت الدم فالظرف الشديد
اللي معها كم تقاسمت الهموم
احبهااا .. و يحبها حرف القصيد
مساء الخير🤍