YAMĪ

اللهُّم احسن خاتمتنا واصلح لنا انفسنا وذُريتنا وصلّي اللهُّم على محمّد وعلى آل محمّد وبارك وسلّم 🤍

[YAMĪ @sLw2n]

اللهم الجنّة ..
اللهم الجنّة ..
اللهم الجنّة ..

[YAMĪ @sLw2n]

اللي تبي توصل له ماراح توصل له
ماني بـ مخطي عليك وريح ظنونك

تبي غيري؟ .. طريق مفارقي تدله
وماني موافق عليه ولاني فـ عونك !

وكلامي اللي يدور فخاطري خله
صاين حروفي قبل لا افكر أصونك ..

[YAMĪ @sLw2n]

عط الوجع فرصه يطيب ، وعط الذات
فرصه تعدّيك العتب و الملامه

يمكن يجي و يعيفك كل الاصوات
صوتٍ يخاف انه يكمل .. كلامه

رقيق ، لا رتل عليك العبارات
لبّس تجاعيد السنين ، ابتسامه

حتى جروحه يوم يجرح سهالات
من الجروح اللي ما تترك علامه

[YAMĪ @sLw2n]

وأنت لون الذنب فيك وفيك من لون الفضيلة
"نورك الباهي يأجل توبتي ،، ويشدّ بالي"

بيني وبينك دروب وناس وأعراف وقبيلة
والمسافة ما تباعد غاليٍ عن روح غالي

إن سلت بعض الوجيه مْن التعاليل الطويلة
ما سلا قلبٍ طموحه ضحكة الوجه المثالي

— أحمد الفكر

[YAMĪ @sLw2n]

يا ذروة الاحتياج .. و ذروة المشتهى
كنت المزايا، وكل الناس كانوا عيوب

وكانت يدينك سراب .. ولا تناوشتها
مرّيت مثل الحياه و رحت مثل الهبوب

حلوووك و حلو الليال اللي معك عشتها
مع انها كانت اقصر من حبال الكذوب (:

- فهد الحماد

[YAMĪ @sLw2n]

ليه تقسى يابو قلبٍ كريم ورحوب
والمحبّه الي هالحد وصلتها

يوم ضمّت مشاويرك يدين الدروب
خطوتك للمفارق ليه عجلتها

ليه اعاتب مدامك رحت منت مغصوب
وانت حتى فمان الله ما قلتها

اول الحُب نظرة وابتسامة قلوب
واخر الحُب حاجة ماتخيلتها

[YAMĪ @sLw2n]

وألمحك طيفٍ يوقظ البال ، ويطول
للشوق مسترسل .. و للوجد سارد

لا زلت امنّي خاطري فيك ، وأقول :
ظني يجي .. ليت أغلب الظن وارد

محتاج لك .. بابٍ عن الهم مقفول
وصبحٍ ضياه من ايد الأيام شارد

وليلة وصالٍ تكسي الحلم مجدول
"وفجرٍ مثل فجر أول العمر بارد"

[YAMĪ @sLw2n]

الفرق واضح فالرجال من الرجال
مثل وضوح الصايبه والمخطيه

والارض لو تعطيكم الشرب الزلال
اليا خذت رجال ما هي معطيه

الله يطول عمر شيال الثقال
رجلنٍ معه حاجتك ماهي مبطيه

يفداه رجالٍ على طول الليال
مراجله خارج نطاق التغطيه

- محمد بن دعيرم.

[YAMĪ @sLw2n]

ليه لا .. و عيونك السود قبله للمديح
وانتي اكرم من سؤالك وقولة وش تبي

انا عاشق في رحابك تحاليت المطيح
ما معي تقوى صحابي ولا عفَّة نبي (:

[YAMĪ @sLw2n]

اللي ينطّق كل عضوٍ ساكن؛
أتعب على جنتْه وأخشى ناره

ولا توصّي غايب، وْلا تآكن!
الخير في اللي كاتبه، وأختاره

أمّا انت ياللي فْـ كل خيبة ساكن
أنا أعطي الواحد على مقداره

شكلك مرتّب بس وجهك داكن
والنفس بـ أسفَاف الأمور؛ أمّارة

ومسباحك أحجاره كريمة، لكن
إيديك ماهيب أكرم مْن أحجاره

[YAMĪ @sLw2n]

حتى لو الوقت يمضي بالعجل ما عليه
لا يمضي العز .. لو شيّب ولونه بهت

كرامة العاقل إنه ما يجادل سفيه
وعلامة الواثق فعوله لا منها دهت

كفيت نفسي عن اللي فاتني كل ابيه
وقمت اتليها بروحي والنتيجه : لهت

الحاجه اللي تحد انسان يرخص يديه
طلقتها بالثلات الحارمه .. وانتهت

[YAMĪ @sLw2n]

تسامحت مع نفسي وهوّن علي دعاي
خصوصًا دعاي اللي دعيته وأنا ساجد
َ
غمرني شعور من الرضا للزمان الجاي
ولا صار عندي خوف من عضة الناجد
َ
اثر من عطاه الله نزاهة ضمير ورأي
يغيب الغياب اللي يخلّيه متواجد
َ
لاتشره علي يوم أبتسم في وجيه عداي
محبّيني أكثر من معاديني بـ واجد

[YAMĪ @sLw2n]

شرهة خفوقي ما تعدا المعاليق
لو كان يهجدني من الهمّ هاجد

لا راحت رقاب الهقاوي مدانيق
دنقت للمولى على الارض ساجد

اما اني اشكي كلّ ما عسعس الضيق ؟
ماهيب لي وانا سليل الاماجد

انا خطاي آثق فبعض المخاليق
اثري على بعض المخاليق واااجد !

[YAMĪ @sLw2n]

أنت ياللي تاقف الدنيا على بيضه وسوده
وأغلب الشعار غنوا بالعيون و بالنواجد

لو حبيبي كل مايقبل ويقفي رق عوده
غصن تينٍ نوب راكع للهبوب ونوب ساجد

لا جلس كنه يبوس الأرض والقومه تكوده
لو كلامه فيه من وعظ الأئمه بالمساجد

قال طمني عليك قلت جرحي لاتعوده
ابتسمت وقلت متغير عليك وقال واجد

[YAMĪ @sLw2n]

من دورة الدنيا تعلمت وأيقنت
مايثمر المعروف في ناس واجد

ياراسي الي بالمواقيف بينت
ما انته بخاضع غير لاصرت ساجد

يوم الوجيه ملونه ماتلونت
لو يهجدني من قسى الوقت هاجد

أنا مع أهل الطيب موجود والا انت
مالك مع أهل الطيب جود وتواجد

حاولت أغير فيك لكني آمنت
اني على بعض الرياجيل واجد

[YAMĪ @sLw2n]

إنتظاري طلتك في دجى الليل العتيم
إنتظار الجمر للريح من تحت الرماد

قبل أعرفك كان قلبي من إحساسه عديم
من حور عينك عرفت البياض من السواد

ما تجاريك الغواني ولا حولك غريم
من يجاري سحر الأضداد في خطبة زياد

مثل ما يرسم مفاتنك نسناس النسيم
يرسم ظلالك على القاع مايغوي العباد

[YAMĪ @sLw2n]

"عقبك عرفت الصَّمت آخر مرحلة قبل الوداع
وأنه ما عمره كان .. واحد من علامات الرضا"

[YAMĪ @sLw2n]

نديم البال جازاى بـ الصدود إللي لقاه صدود
وهو ماهيب له عاده .. و أنا ماهيب لي عاده

يشوف إني .. تركته يوم فارقت الليال السود
و أنا والله بدونه .. كني المنفي عن " بلاده "

-عويّد النجود

[YAMĪ @sLw2n]

أجي مثل السحاب ولون قلبي أبيض وشفّاف
واكون اكرم من حضوره واروح اعذب من مزونه

عيوني للحسن قبلة وجفني للحبيب لحاف
وروحي لجل من يستاهل الأشواق مرهونه

وقلبي مستحيل إنّه يرِد يحب لامن عاف
ووجهي مستحيل اللي لقاه يعيش من دونه"

[YAMĪ @sLw2n]

" تشاورنا على الفيّ البعيد و قلت ويش الراي ؟
و تهادت من عيونك ضحكةٍ ماني بـ ناسيها

أنا أشهد لأقطفك ورد وقصايد وأنثرك بغناي
على فال الهبوب و كل ذعذاعٍ يغنّيها "