Sama

None

[Sama @s__287]

@ElafandyReem بجد اه أنا و اهلي قعدنا نستوعب يجي نص ساعة

[Sama @s__287]

أنا اول ما حسيت ان فيه زلزال طلعت البلكونة 😍😍😍

[موكشا @yrfvm7md]

نصايح سريعه في حاله حدوث زلزال نسأل الله السلامه :

- انزل تحت ترابيزة أو مكتب متين واستخبى فيه لحد ما الهزة تقف.
- ابعد عن الشبابيك، المرايات، والدواليب أو أي حاجة ممكن تقع عليك.
ـ ابعد عن البلكونات والواجهات الخارجية.
- بلاش تستخدم الأسانسير خالص، استخدم السلالم لو مضطر تنزل.
- لو في الشارع، ابعد عن المباني العالية، أعمدة النور ، والشجر.
- لو بتسوق، وقف العربية في مكان آمن بعيد عن الكباري وأعمدة الكهربا.
- اتوضي عشان نروح كلنا علي طهاره.

[Sama @s__287]

@hazem_almeldine مفيش حاجة اسمها اعراض مش مهمة

يعني لو كتفك اليمين بيوجعك و في وجع في بطنك و بتحس انك عايز ترجع و الوجع بيجي مثلا لما تاكل أكلة دسمة ؟

الوجع بيجي بعد مجهود؟ فيه حتة تانية بتوجعك غير كتفك؟

[Sama @s__287]

@giovanni_fouad @youseffarrag3 القدوة بنفسه 🫵🏻

[Sama @s__287]

@youseffarrag3 دول سنة اولى يا يوسف باقي الدفعات مفيش فيها الارقام بالشكل دا
كل مدى المجاميع دي بتقل

[Sama @s__287]

@youseffarrag3 بتكلم ان عموما اللي بيدخلوا عندنا مجاميعهم قريبة موت من الحكومة
يعني الفرق مش اكتر من 1-3% و دا مش الفرق اللي نقول عليه انه فرق مستويات او قدرات انما كان توفيق مش اكتر
و بعدين انت ليه معتقد ان لو فيه واحد جاب اكتر من التاني في ثانوية عامة هيفضل طول عمره يجيب درجات اعلى من التاني

[Sama @s__287]

@helloitsdoodo لا الشكوى مش مشروعة ولا حاجة
دخلت الجامعة و ملهاش مستشفى عشان ضحكوا عليا و قالوا المستشفى هتتبني في خلال ٣ او ٤ سنين و دا محصلش ف بردو مش مشكلتي أنا فعلا نفسي يبقى لينا مستشفى
و اه روحوا صوطوا بعيد

[Sama @s__287]

لا بجد أنا اتعصبت خلاص

اولاً نظامهم مختلف عنك هما لسة مبدأوش موديولات سنة اولى عندنا كلها basic
ثانياً أنا بحل كتير جدا في اسئلة المنصورة اللي بتنزل و الامتحانات بتاعتنا بتيجي في نفس المستوى بتاعها بالظبط
ف سربرايز دا مستواهم و مجهودهم فعلا

[عبدالله @Abdallah8O]

دول أوائل كلية طب أهلية
شوف درجاتهم عاملة إزاي
المشكلة إن نفس ستاف التدريس عندهم هو اللي عندنا بس متعرفش المشكلة فين
يعني معقول بجد حد في سنة أولى ميغلطش غلطتين على بعض في ٨مديولات ؟
وفي الآخر هتدخل معاهم في التنسيق وتنافس على تخصص
دا الأول عندنا التراكمي بتاعه ٩٥ تقريباً

[Sama @s__287]

@helloitsdoodo حلو اوي قدموا الشكاوي دي في الوزارة مش عندي هنا
من امبارح و الناس محملاني ذنب انهيار الطب في مصر

[Sama @s__287]

@helloitsdoodo و أنا مالي يا ستي هو أنا اللي موقفة تجهيز المستشفى و لا أنا اللي ماسكة التنسيق
بجد و الله بتتشطروا على البردعة و خلاص

[Sama @s__287]

@helloitsdoodo اعتقد 2017 دا يعني كان نظام قديم سمعت انه درجاتكم عموما اقل من الموديولات

[Sama @s__287]

@ElafandyReem @Abdallah8O بجد استفزاززززز يلا ربنا يهديهم

[Sama @s__287]

@helloitsdoodo يبقى توجهوا غضبكم في الناحية الصح يا جماعة أنا معاكم و الله كلنا في الهوا سوا

[Sama @s__287]

@helloitsdoodo اه ليا حق أتعصب لو حد قلل من مجهودي عادي جدا
أنا مش فاهمة كونسيبت بتاع يا نعيش عيشة فل يا نموت احنا الكل اللي انتم ماشيين توزعوه دا
كل طلاب الطب في كل الكليات بيتعبوا و محدش له الحق انه يقلل من التاني

[Sama @s__287]

@helloitsdoodo أنا معنديش اي فكرة عن حوارات التنسيق دي لأني لسة في الكلية و الله
ف مش فاهمة ليه الهجوم أنا برد على نقطة معينة بس تخصني مش اكتر

[Sama @s__287]

@MoazElsayed2023 يبوظوا الطب؟ أنا عايزاك تجرب تدخل طب المنصورة و تشوف الطلبة هناك نص الطلبة سودانيين و خلايجة معنديش مانع ربنا يوفقهم لكن الحكومة بتقلل المقاعد للطلبة المصريين بالقصد عشان يضطروا يروحوا الجامعات الاهلية ف الفساد الحقيقي بيبدأ من الاول خالص اسأل اي حد في ستيم او طلاب المعادلة او IG

[Sama @s__287]

@helloitsdoodo أنا جبت مثال المنصورة عشان دي اقرب جامعة حكومية لينا و بيدرسولنا نفس الدكاترة
أنا مالي بجامعة إسكندرية

[Sama @s__287]

@fatmaelkhodairy طب ما طبيعي يا بنتي ان فيه اسئلة تتكرر هو ايه الذكاء دا
ما فيه اسئلة بتتكرر عندكم من السنين السابقة خصوصا الريتين
بصي انتي عايزة تشوفي وجهة نظر معينة أنا لو حلفت على الماية تجمد مش هتصدقي ف خلاص يا دكتورة

[Sama @s__287]

@fatmaelkhodairy طب ما يا بنتي بقولك ان امتحاناتكم بتوصلنا و بشوفها و بيجلنا نفس الاسئلة او اسئلة مشابهة
بس ماشي اللي انتي شايفاه غلط اعمليه

[Sama @s__287]

@fatmaelkhodairy هو انتي عايزة مستوى امتحان لطالب في اولى طب يكون نفس مستوى ال USMLE
مقارنة تضحك بصراحة