أبو حاتم

[عبدالرحمن الحربي.. @3b_al3mri]

مساءات طيبة سكر وجو مثل اللوز ..
بركات من رب السما حسنها الباهر ..

أغني لها وتغني السيدة فيروز ..
ويشدو طلال ويطربك كاظم الساهر ..

مساءات ورد وجو ثاني ونفحة روز ..
بذاك الجبين الناصع المترف الزاهر ..

[أبوحسام @EngFaris1]

@Calcio_223 حقين الحناكية كويسين

[#صويلح_بن_مرجي @Abo_ahmad1713]

#جايز_جزاء_العرم

حنّا انتفاخر فيك يالطيب القرم
بعض الجمايل يصعب الشرح عنها

لاقلت : ( تكفى ) لمثل : جايز جزاء العرم
مع اول الفنجال تأخذ ثمنها!!

ابواحمد✍️..
#صويلح_بن_مرجي

[عبدالرحمن الحربي.. @3b_al3mri]

وصف شالح بن هدلان لشجاعة ذيب في بيته الخالد :

يضحك ليا صكّت عليه الطوابير ..
طير السعد قلبه من الخوف خالي ..

وصف مُهيب لقلب نادر و رجّال نادر أمام هيبة الموت !

لاإله إلا الله كيف يضحك ويلاعب المنايا !

[عبدالرحمن الحربي.. @3b_al3mri]

هادي جنوب المملكة في ضواحيه ..
الليل فيه أطول ورايق وهادي ..

يازين فيه التيه واللي ورا التيه ..
ويازين فيه الحق لاصرت غادي ..

ماكانت الفكرة تحلّي مساريه ..
كانت تقول ابعيد وبجوف وادي ..

ولا على قمة جبل ماتعدّيه ..
ومجاهدة لاصرت منت بجهادي ..

ومافيه أمل
لوفيه أمل
قلت :لك فيه ..

"أما قدا ولا على غير قادي "*

[عبدالرحمن الحربي.. @3b_al3mri]

يهددون الجزيرة بالوعد والوعيد ..
وْ لايِضحك أهل الجزيرة غير تهديدهم ..

قالوا نبي المملكة ونقول ماهي بعيد ..
واحفاد عرقوب ماتصدق مواعيدهم ..

يهددون وبعضهم فوق بعض وعبيد ..
ولا تفرْق حشود فارس عن قواويدهم ..

هاذي الحدود السعودية وهذا الحديد ..
بإيدين الأبطال تمحي به مقاريدهم ..

البيرق الفيصلي فيه العذاب الشديد ..
ياما تصدّى لهم وأسرف بتحييدهم ..

من عهد الإمام ابوتركي ولا هو جديد ..
والجيش بأذنابهم يِقحم بواريدهم ..

ويهددون الجزيرة بالوعد والوعيد ..
والجيش يِحصي عددهم والله يبيدهم ..

[عبدالرحمن الحربي.. @3b_al3mri]

ياذوي مرزوق دوكو ثلاثٍ محكمات ..
المنايا مالها حل لاحان الأجل ..

اولاً ترى الرجل لو تميّلهْ المهات ..
ماتميّله الرياجيل كان إنه رِجل ..

ثانياً شخصية الحر معتزة بذات ..
فرّقوْ بين الحيا وبين سلبي الخجل ..

ثالثاً يمناك يمناك يامال الغنات ..
خلها يمنى على الطيب لاترجع رجل ..

هن ثلاث ومالهن عندي براسي خوات ..
غير وحدة ماني بقايل وفيها دجل ..

[عبدالرحمن الحربي.. @3b_al3mri]

تصدق إنك سكنت الراس لافُضّ فاك ..
على الحديث المنمق والقصيد الجزل ..

واخذت فكرة واخذت إدراك على هواك ..
تفكيري الحنبلي عِدّه معك يعتزل ..

تزين معك السوالف مغنجك مع حلاك ..
وأطب بالفلسفة ما أداني المُختزل ..

واخذ وافكر معك والصدق ماني معاك ..
أخطي وأصحح : طلع هذا /وهذا نزل ..

من يطلع لجانبك من يطلع لمستواك ..
ماهو مصحح مساره عن طريق الغزل ..!

لافُض فاك وعفى الله عنك يا حلو فاك ..
عند الحديث المُنمّق والقصيد الجزل ..

[عبدالرحمن الحربي.. @3b_al3mri]

الليل موحش كان مافيه أحبّه ..
ولا بدون أحباب وش خانة الليل ..

أحدٍ جريح وواحدٍ معهْ طبه ..
هذي مسافات الهوى والتعاليل ..

إن طق كعبه ياكلك حبه حبه ..*
بحماك ياربي عسى الخصر مايميل ..

[عبدالرحمن الحربي.. @3b_al3mri]

مانمت الليل أساهركم لحالي..
من الأقدار وصروف الليالي..

أناديكم ولاتوحون صوتي..
ََيحجز الصوت حاجز"عند بالي" ..

تمكّن مني التفكير وادري..
وش الواقع/ وأجمّلهْ بخيالي..

و جَتْ فالراس يا راس الطناخة..
وراس اللي يعاديه ويوالي..

عسى الله يدفع المكروه بأمره..
ولي العرش يعطي مايبالي..

لطيفٍ رحمته تسبق عذابه..
ورجوانا بها يا ذا الجلالي..

[عبدالرحمن الحربي.. @3b_al3mri]

ياعاقد احْجاجك زَعل كنّه السيف ..
لوكان ماهـوب أملح ولا محنـّا ..

مرسوم ربّاني ومصقول وارهيف ..
ولايقلّط شذرته غير حنّا ..

تبي تزيده موت وتزيدنا حيف ..
لكنْ عن عفوك عفى الله عنّا ..

حِطْ بـبطن هـالصيف بطّيخة الصيف ..
أكلتنا والله والقيظ أكلنا ..

[عبدالرحمن الحربي.. @3b_al3mri]

مهابتك وتزيد الله لنا يزيدك ..
من ايام العمر يالنادر الغالي ..

لك الله لاتمعنت بتجاعيدك ..
تذكرت القديم ووقتي الحالي ..

تناقضت وتمردت بتقاليدك ..
وانا ما اخاف لكن منّك ابالي ..

تقول الجارحة ماقصدك وصيدك ..
سوى انك ودّك ترقّيني العالي ..

عمار البيت كانه رسم تشييدك ..
وبيت ٍ منت فيه بذمتي خالي ..

عسى يمناك تسلم لي على ايدك ..
يمينٍ تمنح الجزلات والغالي ..

[مباريات اليوم @IbrahimSubaihen]

16 #رمضان

حالة إنسانية من منصة فُرجت لها 8 سنوات لرجل عمره 39 عاماً متزوج لديه 6 أطفال عليه مبلغ 69790 ريال
👇
https://t.co/xyRbDrFRVu

[هلال الديحانيٰ @hhlle111]

(الصداقه)
ليا انسابت نسانيس الشمال ومال غصن الراك
تمايل هاجس ٍ من حيرته وده ولا وده

و تفاعل مع عصافير الصباح اللي على الشباك
على ذكرى صديق ٍ صار لي عن شوفته مده

صديقٍ لا دعيته بالمواقف قال لي لباك
ظروف الوقت عني بالوفا ما بيحت سده

صداقتنا على وضح النقى من غير هات و هاك
على مفهومنا من يومنا ما نعرف الصده

ومفهوم الصداقه وردةً بيضا بدون اشواك
يساقيها الغلا وجذورها بالطيب ممتده

لمن وده يميّز بالصداقه بين ذاك و ذاك
صديقك من يصون الود في مزحه و في جده

و صديقك من صدق بالفعل. لا مَن صدقك واغواك
اذا اقسم في يمينه من يمينه يجزل المده

وصديقك لو نسى نفسه مع الايام ما ينساك
و لو ينسوك خلان الرخا في ساعة الشده

صديقك بالظروف القاسيه حطه على يمناك
ترا الايام لو زانت لها هجمات مرتده

و تحاشى صحبة النماك و الكلاك و الشكاك
و لا تفشي لهم بالسر لو كانوا من البده

مصير الوقت يكشف صدق صدقانك و زيف اعداك
وذا يشكر على بذله و ذا يوقف على حده

يبين الفرق والورد الندي ما يشبه التنباك
على مر السنين يبين حسن الضد من ضده

صديق العمر مطلبك امر واللي بالوجود فداك
يهون المستحيل و حاسدك دمعه على خده

ولا يلحق بفعل الطيب راع الاوله شرواك
لان الطيب طير وذا قضب طيره و ذا هده

ويبقى عامل التوفيق واللي خانه الادراك
يبيها للهدف و يحطها من جانب القده

#هلال__الديحاني

[عبدالرحمن الحربي.. @3b_al3mri]

الآدمي مسكين وأموره أمور..
ولا يردّه غير حوض المنايا..

اليا انتبهت أبصرت بإحساس وشْعور..
واليا غفلت أقول وين الوصايا..

الله يزينها على مطلع النور..
والله كفيلٍ بي وكل البرايا..

وشكراً

[عبدالرحمن الحربي.. @3b_al3mri]

#يوم_التاسيس

من جماليات هذا اليوم هذه القصيدة
لشاعرها @fwa35

[عبدالرحمن الحربي.. @3b_al3mri]

صرت اصبغ الشيب ياماجدكثير ارتياب..
مدري كبر سن مدري كبرت المعمعة..

صرت اصبغ الشيب ماكني صغيّرشباب
اي والله اني ولد! لاتقول هرج السعة

ما اطلع من البيت واجد مستلذ الغياب
اللي من اول يطب بوادي المسبعة..

مثل السحاب أتحرّك والحقيقة سراب..
اللي من اول حقيقة مفرحة /موجعة..

ما أداني الصوت واجنح للسلامة واهاب
وأنا من أول طبيب العيْ والإمّعه..

[عبدالرحمن الحربي.. @3b_al3mri]

صياف ماله ند ماعنده انداد..
متسيّد الشعّار حاضر وتالي..

يكفيك من صيّاف صيّاف الأمجاد..
حضورٍ يغطّي كثير المعالي..

من لا إعترف في شعر صياف عواد..
ماله ومال الشعر ماله ومالي..

صيّاف لا غنّى جزل قصد ومْراد..
ماهوب خبلٍ في المحافل يلالي..

يجمع من الماضي تواريخ وأضداد..
صوتٍ ليا عد القصيدة مثالي..

[عبدالرحمن الحربي.. @3b_al3mri]

تشبهين النوم ثقل بلا وزن...
لوتخف يخف نومي ي ثقيل...

البياض وثلج ! من سود المزن...
والنعومه شيء من هذا القبيل...

تشبهين العيد لكنك حزن...
تلبسين البرد ف الليل الطويل...

انت زي النوم ثقل بلا وزن ...
ماتشوف انك ثقيل وماتميييل.....

[عبدالرحمن الحربي.. @3b_al3mri]

#مجلس_الصياهد
#صباحات

تقل حلم لا والله حقيقة عليها شهود..
ولاهي برجوى الناس ولا أمنية حالم..

اي واللهْ تجاوزت الرياجيل يبن سعود..
الأول على الدنيا والأول على العالم..

تجاوزتهم في مقبض مذهّب و محدود..
ليا ابرقت به تهاوت عروشه الظالم..

محيت الجهل واخضعت متكبر ونمرود.
ماهو طيب، طرق، وغصب ماهو حكم والم..

وأخذت الزمام وسقتها في نحر بارود..
ولا اخذت رأي فلان عالم/ ومتعالم..

من الراس وانت الراس بالجهد والمجهود..
مع الشعب وأنت الشعب غانم بهم سالم..

محمد محمد يا شبيه الإمام العود..
يابوتركي الثاني/ والأول على العالم..