سعد بن هزاع .

شاعر بسيط .

[خالد مبارك @khladmbark505]

وشلون تتركني لحالي سلامات
تراني استاهل غلاك. وتراني

ان بعتني بسكات بموت بسكات
موت البيوت الي بليا معاني

مشكلتك انت انسان ثاني ف الابيات
وانا بعد مشكلتي انسان ثاني

[حمود بن فارس @bn_mq7s]

للطريق الي كفلني , مبتعد
من ضغوطات الحياه الفانيه

ماني لـ كثّر المعاتب مستعد
مستعد اصد مره " ثانيه "

[مبارك بن رادعه @MBnradah]

سولف علي من طيبين النوايا
ومن صبره مهادي وكفه مهيدي

عندي يقين ان الشدايد ، هدايا
ومصايد الغرات ، ماهوب صيدي

مانيب احب اللي يحب الزرايا
ويكبر المشروه ويقول ميدي

آداري ، الطيب حميد السجايا
مثل مـ اداري ، محتواي وقصيدي

واللي مافيهم طيب روس وحمايا
مـا اعدهم ، ولا اعتبرهم رصيدي

كشفتهم كشف التحالف ، قضايا
هاني بريك و عيدروس الزبيدي

حاولت فيهم من جميع الزوايا
وطاحو من عيوني وطاحو من إيدي

[ابراهيم بن ماضي | Hajri 📿 @algrfi]

البارحه خاطري ضايق وقلبي حزين
والليل مافيه طاري ماجمعني معه

اصبر ياقلب الحزين تزين والله تزين
من يطلب الله بيلقى مخرجه وسنعه

امنت بالله وانا مومن وعندي يقييين
مافيه ضيقً يمرر الا وعقبه سععه

✍🏼:)

[حمود بن فارس @bn_mq7s]

طلّ صبحٍ كنْه مسروق من عاتق هنوف
عفريٍ , ما توسع الأرض وسع " عيونها "

طمنت روحي سكينه و بلتّني قنوف
و قلطت لذّة شبابي بظل غصونها

ما اعرف كيف اتعامل مع بعض الظروف
بس اعرف ان ما لـ عمري طراة بدونها

الزمن لو رافني مثل ما العفري تروف
كان ما جنّت جنوني و جنّ جنونها

تبتدي بي رحلة الحب واجيها شغوف
وتنتهي بي مرحلة حبّها , مسجونها

ارتبط حبل المحبه على حبل الشفوف
يوم شفت لـ صورتي رسمةٍ في نونها

ليلةٍ جادت بها , مالكتني بـ معروف
ونسمة مرت عليها , أنا ممنونها

ما تجمّل حظّي الا بـ مياسة وقوف
فاتنٍ كن كوكب الأرض بين متونها

خفت اشوف الخوف معها مع ان مافيه خوف
شفت اماني و أمنياتي خلاف جفونها

ماني ملّحق هوى سيّدة قلبي حسوف
تستحق اعيش كل العمر مفتونها

راهنٍ روحي وهي غاليه لـ اربع حروف
لأجل " أحبك " روحي الغاليه , يا هونها

من درى ان الحب عفّه وانا ماني عيوف
يدري ان الحب جنّه و ( أنا مجنونها )

مستحيل أجنب اللهفه وقلبي لهوف
شاف للعذّال وقفه و وقف دونها

كيف ما أدلْه في تهاتيه يمّتها واحوف ؟
وكيف ما ارخص عمري الي بقى و اصونها ؟

و كيف أخليها لـ الأيام و عيوني تشوف ؟
و قلبي الي حبّها ما يعرف يخونها

[سعود بن مبارك @Saud_almshly_]

يا صفوة الحب كيف اسلمك للضياع؟
والحب ضيعني وضيعت مستقبلي

الحكي لامات صدقّه في لسان الشجاع
صَدق كلام المشاعر ياصديق زْعلي

بْودعك وأنت ودعني بـْ ضحكة وداع
لا تهزمك دمعة عيونك وتبكي علي

خايف دموع العيون الناعسات الوساع
تكتب نهاية / سعود مبارك المشعلي

[سعد بن هزاع . @s_hzza3]

تغانمني.. ترى ما عاد باقي لي كثر ما راح
ذبل غصنٍ رطيب وجف ماه وحتّت اورقته

على كيفك؟ تبي تشقى معي والا تبي ترتاح
انا حلمٍ لغيرك ما تحقق في ملاحقته (:

راعي الاوله الهاجري
@ra3i_alawlh

[راعي الاوله الهاجري @ra3i_alawlh]

ما هب النسيم ، وما لمع بارقٍ نوّاض
ولا ناح الحمـام إلا وذكراك لوّاحه

ادوّر لـ طاري عن طواريك فيه اعتاض
ولا شفت من ذكراك سجه ، ولا راحه

بدا قلبي من الشوق تظهر عليه اعراض
تلاحق بيدك إصلاح ما يمكن إصلاحه !

[عبدالله بن دايس @QAbdullhsaad]

تخيّر أيّات درب لـ خطوته تستريح
أنا ما احب اجبر الغالي ولا احايله

الوصل وجهه قبِل والهجر وجهه قبيح
وهذا مانيب قايله وهذا مانيب قايله

جرحتني بـ الصدود وبـ الكلام الشحيح
في ساعةً كان صوتك فرحةً هايله

وانا على كل حال ان كان تبغى الصحيح
مانيب زعلان من جرحك لكن شايله .

[سعود بن مبارك @Saud_almshly_]

ياغرة العيد شفتك من ورى الخصلتين
يمين سيفٍ حدب ويسار سيفٍ حدب

من نفحة العود الأزرق هبّ ريح الحنين
وأنا على الماضي أدور على أدنى سبب

والغالية عذرها مهما تغلت سمين
الحب وهبة من الله والله اللي وهب

ان عايدتني وقالت لي من العايدين
بطيح في حضنها قبل يطيح الحطب

عناق الأفواه يبدأ من عناق اليدين
وعناق الأرواح يبدأ من عناق التعب

فيها من الأنس مايقتل شعور الحزين
وفيها من الثقل مايخلق شعور الغضب

تملك من العلم و الحكمة مئات السنين
لكن طوالع نواهدها قليلة أدب

رقيقةٍ جيدها مايقبل إلا الثمين
معها حساسية إلا من عقود الذهب

[عبدالله بن دايس @QAbdullhsaad]

”اللهُّم إنك عفوٌ تُحِب العفو فاعفُ عنّا.“

[سعود بن مبارك @Saud_almshly_]

هو مرك الشوق وألا هز وجدانك؟
هونّي على البال وألا سامحً مني؟

نسيت يوم أسرق الكلمة من لسانك
عادك "رضيع الهوى" ماصرت متجني

لكن كبرت وكبر حبك وطغيانك
وانا على الحال لا وني ولا وني

حتى بيوت القصيد اللي على شانك
( جْروحك الناطقة ) نيابةً عني

والرغبة اللي تراودني لنسيانك
وثقت فيها .. ولكن خيبة ضني

[راعي الاوله الهاجري @ra3i_alawlh]

انا عمري اللي زل .. زلّت عجاريفه
مثل طيرٍ أستنكر لـ "ملواح طرّاحه"

يا ليت العمر طيرٍ مثل طير"ابن ريفه"
بـ اردّه .. وانا ادري ليش أرده لـ ملواحه

[حمود بن فارس @bn_mq7s]

سالبة عقلي , كثر ما ضعت ما أدور دليله
الدروب الي تودينيّ لك , اسعى لين اجيها

باقي من الليل ، ساعاتٍ دقايقها ثقيله
كل لحظه تفرح العشّاق فالليل أخطفيها

لو تقيّدنا الظروف الممكنه و المستحيله
مستعدين نتحمل ضيمها و نعيش فيها

أذبحيني بـ أي شكل يجوز لك و أيّة وسيله
و أعتقيني من دموعٍ لا أبتدت كيف أنتهيها ؟

قبل تِحزن وجهك المملوح يا مملوح شيله
أنتي دموعك قبل تنزل على الأرض , افتديها

القصيد الي يلامس خاطرك , ما فيه حيله
و الحروف الي تمادت فيك , يا بخت أبجديها

ضايعٍ من ضحكة المبسم ليا نفح الجديله
ضيعة الي كل ما أنجز له مهمه , يبتديها

لدّي عيونك و ارحّب بالمراهيف الصقيله
ليه تهجرني وانا الي مت منها , مت فيها

قولي أحبك , ترا أحبك مثل وجهك جميله
حتى لو ما قد نطقتيها بساعدْك , انطقيها

من كثر ما أنتي حديثٍ لـ الليالي , كل ليله
الليال الي تسولف فيك , ما شاء الله عليها

[عويد النجود @owaid_123]

وش اللي سرق من صوتك الحب يا مملوح ؟
لمحت الغلا مفقود من قسوة النبره

اسولف معك ما كن لي فـ السبب مصلوح
وانا والله انها خانقه حلقي العبره

دخيلك لا ترجع لهفتي رجعة المكسوح
ابي صوتك يعوّد علي مثل ما اخبره

ما دورت غيرك يوم غيرك تجي وتروح
على القلب ما تلقى لها دربٍ تعبره

مع الناس قلبي شايبٍ لا جلس مسموح
لكنك لا جيته فزّ لك جاحدٍ كبره

معك من تهاليل الغلا ما يرد الروح
مثل ما معك هجرٍ يحده على قبره

[جرّاح العتيبي @AL___9999]

ياحبيبي بعد ما كنت الحبيب الغالي
وابرك الغالين و اعز العرب و أقربها

أبعدتك ظروف وقتك لين صرت لحالي
لا متى وانا أتحرى جيّتك و ارقبها

بعد طاوعت الظنون ورحت مع عذالي
سيرة الحب القديمه بـلّها و اشربها

لا تحاسبني على قسوة ردود أفعالي
نفسك اللي زيّنت لك غلطتك حاسبها :)

[سعود بن مبارك @Saud_almshly_]

تايهٍ فوق صدره ضمّ كلتَا يديه
بارْ فيه الكرى لين احتواه السهاد

يصبح الكون عنده كبر حجم الجنيه
كل ما هب من ماضيه ريحة قناد

ما لقى من رغيف الحكي ما يشتهيه
فَضّل الصّمتْ واختار الحياد الحياد

مستحيل يتقمص طبع ما هوب فيه
ألا ضحكه وضحكه ما عليه اعتماد

غربة الروح روحٍ عافت اللي تبيه
تشعر بحزنها بين الأهل والبلاد

دام الأيام سر ودام الأحلام تيه
القناعة عتَـاد اللي يبـي له عتَـاد

ضاع عمري وأنا مابين مدري وليه
أتحرّى السعادة لين بانت سُعاد

قالت الجرح عاده نيّ، قلت أنجحيه
أصلًا الجرح فوق الجرح مثل الضماد

قالت الشعر ثوب حداد، قلت ألبسيه
لا أنعكس نور وجهك في حروفي سواد

أنتِ آخر خطأ وأول صواب أهتديه
والخطأ والصواب أول دروب الرشاد

أشعر إني معَك عودٍ مقامه نزيـه
وأشعر إني معك طفلٍ حبيس المهاد

احفظي وجهي اللي ما يعبد الوجيه
واستري قلبي اللي كان قبلك جماد

كان مالي عذر يقنع خطاك الوجيه
يسقط الظّن في وجه الكلام الوكاد

وش عليّ لو يموت الحُب وأبكي عليه؟
الغصـون الوريـقـة تاليتهـا رمــاد

والغـلا محدٍ يبيـعه ولا يشتريـه
لمـحـةٍ فالعيـون وبذرةٍ فالفـؤاد

أحسبن المشاعر ما تـخـون النّبِيـه
إثر حتى المشاعر صار فيها فساد

[عبدالله بن دايس @QAbdullhsaad]

"
سبل التواصل !

[راعي الاوله الهاجري @ra3i_alawlh]

﴿إِنَّ الله ومَلائكته يُصَلُّونَ على النَّبِيِّ يا أَيها الذين آَمنُوا صَلوا عَليهِ وسَلِّموا تَسلِيمًا﴾

ﷺ

[سعود بن مبارك @Saud_almshly_]

( ريف قلبي )
.
.