كل يوم اغني يا رجاجيل تكفون
لا يحسب اني يوم اغني تودد
الشافي الله والمخاليق يدرون
وهو سبب يا جعل عمره ممدد
رجلٍ يشوش اليا تكفّى بتلفون
طيبه لكل الناس ماهو محدد
دايم كلامه وجهك ابيض ولا تهون
وفي كل موقف طيب جاك يتهدد
عتق رقبه ، مسجون من وقت ، مديون
بشروه وأبشر به وعده مسدد.
يزيد الشوق من مدّه وانا عيني على الابواب
ذبحني الفقد وانت اللي تْفقّدني وتغليني
خذاك الوقت واقفى بك ثلاث اياام دون أسباب
لو انّك تدري بـ وضعي تعوف الناس وتْجيني
حبيبة عمري الباقي وانا احبّك بدون ألقاب
لكنّ قلّ الكلام .. يقلّل اللّي بينك وبيني
انا المخطي وانا الضايع وانا البايع وانا الكذاب
وانا كل شيّ .. بس ارجع طلبتك يابعد عيني .
اخواني الغالين
ابشركم عوض نفاع طيّب وبخير
من فضل الله تعالى
هو يرقد حاليا في مستشفى جابر
واموره بإذن الله في تحسن
نشكركم على حرصكم بالسوال
ونعتذر عن عدم الرد على الاتصالات
كلها محل التقدير ولكن حال دونها الانشغال
ونرجوا ان تكرمونه بالدعاء