𝔖𝔢𝔩𝔪𝔞

˚˖𓍢ִִ໋ ݁₊ ☽⊹. ݁˖ ࿐࿔
just a disfigured figure.

[hmilne 🇨🇦 @HMilne57]

@suchnerve I will carry those hurtful memories to my grave. I still hear the voice filled with disgust and contempt. One never really heals. I think that's one reason we take heartbreak so hard. We're so fragile in matters of the heart.

[𝔖𝔢𝔩𝔪𝔞 @saImabIue]

دخلتا أوضة ماما عايزا أعبي برطمانتي من الشاي العندهم، ولما قربتا منها قلتا ليها وانا باخد:
عايزا اخد زوادتي من الشاي. ردت لي:
بئست الزوادة!
هههههههههههههههههههههههههههههههههههههههههههههههههههههههههههههه بتكرهه من قلب، مستحيل تجي سيرة الشاي وما تسفل فيه

[𝔖𝔢𝔩𝔪𝔞 @saImabIue]

ليه مافي تسجيلات من قرايته في روسيا؟ وقال قرا في أمريكا في أكتر من تلتين ولاية في زياراته في تلات سنوات. التسجيلات دي كلها وين؟؟؟
يعني ممكن أفهم كل أنواع الاحتكار إلا احتكار التسجيلات القرآنية!

[𝔖𝔢𝔩𝔪𝔞 @saImabIue]

الشيخ الحصري بيقول من اللي شافه وأثر فيهو: المسلمين في روسيا، بيقول وددت لو أقضي بقية حياتي بينهم لأعلمهم القرآن

[hoopla! @hooplaaaaaaah]

shame is only as real as you allow it to be

[𝔖𝔢𝔩𝔪𝔞 @saImabIue]

@Teh_Snowflake Absolute legend. 😂 He could’ve kept going backward and his poin will still stand.

[fanî @_biraciz]

Free Palestine

[𝔖𝔢𝔩𝔪𝔞 @saImabIue]

يا مَوْلايا بشكي لَك شقايا وغُلبي
حَظِّي اِلدِّيمَة مِن غيبةَ اَلأنيس جافِل بي
طالْتَ السَّفْرَة وانحفَّتْ مَناسِم تِلْبي
هبَّ اَلرَّيْم وعاوَدَك الحنين يا قلبي

مالِك نفسي مطعونة وتَمَلِّي تنِيني؟
مالِك عيني لِلْغِمّيد أبيتي تلِيني؟
عطشان دِيمَة كفْحَ اَلمويَة ما بِرويني
كاتلاني الطريفيَّة البَريدا قريني

النَّاس عيَّدَتْ مَرَقَت علي أصحابا
وَانا فرّيت على الجاهلَة السَّمِح تِرحابا
فاطْرًا يحكي بَرَّاقَ اَلبِدَودي سِحابا
دي لفَّتْ قلبي زي لفْ طرحَتَا اللافحَابا

غصبًا عنِّي فارقتا اَلضَّريح غير أمري
كُلْ ما هَبَّ نسَّام مِنُّه زاد في جمري
جَرحي اِلْقَرَّبْ يبرا وكادْ يوَدِّرْ عُمري
رَدَدُه ليَّا تغريد بُلبُلَك يا قُمري

أخَدَرْ ليهو ضُل فوقُه المَحاسِنْ شَرَّن
أفلَج فاطرُه زي برَقَ اَلسَّواري اِلكَرَّن
يِتْقسَّم مقاطِع في اِلمَشي ويتْحرَّن
زي فرخَ اَلقطا اَلْأمَّاتُه رَكَّن وفرَّن

مِنَّ اَلبيت جا طالع بي لُطُف يِتَّكَّل
الطِّيب اَلمَفَحَّل بي القُرنفُل عَكَّل
فوق صدرُه وتِحت توبُه الرَّهيف ومَشَكَّل
يَغطِس ومرَّة يَقلع بُرتُكان البركل

كَوْني حَلِيفُه مالُه عليَّا بِعلِن حَربُه
طالِع سَعدُه في شَرقُه ومُنوِّر غَربُه
سَيَانْ عندي واحد بُعدُه أو كان قُربُه
ما بارَحني في مرُورَ اَلنَّفَسْ بَشعُرْ بُه

إني لأستحيي أن أكتب تتمتا
حلاتا لكين

[𝔖𝔢𝔩𝔪𝔞 @saImabIue]

"هو يسوي الغلط وانا اسوي كتر خيره"
حلوة دي 😂 لأخلينها على طرف لساني، أتحين المناسبات عشان أقولا

[𝔖𝔢𝔩𝔪𝔞 @saImabIue]

جافاني اِلعَزيزَ اَلْكُنتا دِيمَة نَصِيرُه
هو يْسَوِّي اِلغَلَط وَانا اَسوِّي كتَّر خيرُه!

هههههههههههههههههههههههههههههههههههههههههههههههههههههههههههههه

[𝔖𝔢𝔩𝔪𝔞 @saImabIue]

ما بلقى اللي ينشد لي ويشرح لي ويحكي لي عن الأدب الشعبي، سيبكم من المواقع بشتكي من الواقع أنا :(
يا حليل خالو محمد لما آنس مني ميل ليها بقى بيحكي لي، هو الوحيد الكان فايق لي، لكين من اتزوج ما سمعتا منو تاني غير في العيد، ما بقى فاضي لينا هو برضو

[𝔖𝔢𝔩𝔪𝔞 @saImabIue]

وَدْ بيتَ اَلمَحَلْ إنْ طارْ يِرِكْ فوق مَحْلو
ودسَّاسَ اَلعِرِق نسْلَ اَلمرَاح مِن فَحلو
يسوِّي اِلزين معاك عسَلًا مدَوِّرْ نَحلو
ويجُبرُه على الفَسِل سالِفْ جُدُودُه الرَّحَلوا

[𝔖𝔢𝔩𝔪𝔞 @saImabIue]

دَرَقْةَ اَلرّغوَة كمْ دمَّرْتِ ناس ومَساكِن
كم ذلِّيتي بعدَ اَلعِزَّة شامِخ ومَاكن
كم صبَّحتي قلْبًا حَيْ مْتلِّجْ وراكِن
كم صبَّحتي عُمران زي مباني سوَاكِن

الغَني فيك يْوَسِّع وللزيادة يْكابِس
في الليِّن يِخضِّر وقلبُه طارِّي اِليابِس
بِاسْرَاع تَدِّي ظَهرِك ويِبقى وِشِّك عابِس
وحالا يِنقَلِب عريان بعد مو لابس

خيرِك ما بِيدوم يا الْبُهرج الغشَّاشة
يا مطَرَ اَلمنيَّة اَلدِّيمَة سابقة رَشَاشَا
كم قصرًا جميلَ اَنوارُه تَضْوي بَشَاشَة
دمَّرتيهو أصبح فاقدَ اَلمُقشاشة

عَمَارِك لي خَرابْ والفَرحَة فيك لي كُربَة
إسِمِك مِنَ اَلسِّتَّ اَلفانية، دارَ اَلغُربة
أوَّلِك المعيشة جَرِي وتعبْ في هُربة،
والتَّانية الأمل، والتالتة دفنَ اَلتُّربة

سُرُورِك ما بِيتِمْ عاقباهو دِيمة اَلْفَجعَة
وظَاهْرِك لينا سُكَّر إلَّا طعْمِك وَجْعَة
كم طفَّشتِي مُرتاح وَقلبُه آبِي اِلهَجعَة
روحُه تْشابِي وِانتي قطَعتي خطَّ اَلرَّجْعَة

فيكِ اِلحَيْ يأمِّلْ وَالفرَح يبدى لُه
تَرُقصي لُه يِبَشِّرْ يِفتَكِر رايدة لُه
لَلشَّبَّال يِميل تَرْمِيهو يا اللابْدَة لُه
تَتْني رَقَبْتُه يا الخاينة وتَكُوسي بَدالُه

أَوْصِيك يا نفسي أوْصيك الحياة وما فيها
شِق وَدَّ الَّاحَدْ بِيتَ اَلشِّبِرْ صافيها
لي مْتين تقنعي ونارَ اَلضَّلالْ تطْفيها
تمْسِكي سِكَّةَ اَلشَّافُوها حاجة تفِيَّة

تَبْقى لَك جِنينَة تمتِّعَك بي ثمارا
ترقُد في أمَانا وتَنهَمِك في عَمَارا
باكر تبقى ليكَ حنظَل تشوفُه دمَارا
وتَسحَب مِنَّكَ اَلنِّعمَة وتَدُق مُسمارَا

دي الغدَّارة دي الحقَّارة دي اِلعقَّارة
كم قلَبتْ زغاريد عِرسُه بي نقَّارة
أعلِنا بَالحَرِبْ قُبَّال تشُبَّ اَلغارَة
وقبلَ اَلرُّوح تَغرغِر وتَبقى في الغرغارة

إتغشينا بي حُبِّك لِبِسْنا عباية
يا موية الرهاب الما ملَتْ كُبَّاية
عجيب يا دُنيا أمرِكْ إلَّا نحنا غَبَاية
عاشقينَ اَلجمال في لمْعَةَ اَلحِرباية

يا سَامِع دَبيبَ النَّملة جوفَ اَلعاتْمَة
يا كاشْفَ اَلخفايا الْفِي اِلضَّمايِرْ كاتْمَة
بي جاه سَيِّدَ اَلرُّسُلَ اَلكِرامَ اَبُو فاطمة—ﷺ
لُطفَك بي عُكير يومَ اَلدَّفِن وَالخاتْمَة.

[𝔖𝔢𝔩𝔪𝔞 @saImabIue]

طيب قفا نبك

[𝔖𝔢𝔩𝔪𝔞 @saImabIue]

تأمَّل خليلِيَ هل ترى ضوءَ بارِقٍ
يمَانٍ مرَتْهُ ريحُ نَجْدٍ ففَتَّرَا
مرَتْهُ الصَّبا بالغَوْرِ غوْرَ تِهامَةٍ
فلمَّا وَنَتْ عنْهُ بِشَعْفَيْنِ أَمطرا
يمانِيَةٌ تَمْري الرَّبابَ كأنَّهُ
رِئالُ نَعَامٍ بيْضُهُ قد تكسَّرَا
وطَبَّقَ لَوْذانَ اَلقبائلِ بعدَمَا
سقى الجِزْعَ مِن لوْذانَ صفْوًا وَأكدرَا
فأمسى يَحُطُّ المُعصِمَاتِ حَبِيُّهُ
وَأصبَحَ زَيَّافَ اَلغَمَامَةِ أقْمَرَا
كأنَّ بِه بيْنَ اَلطَّرَاةِ وَرَهْوَةٍ
وَناصِفَةِ اِلضَّبْعيْنِ غابًا مُسَعَّرَا
فغادَرَ مَلْحُوبًا تُمَشِّي ضِبَابُهُ
عبَاهِيلَ لمْ يترُك لها اَلماءُ مَحْجَرا
أقامَ بِشُطَّانِ اِلرِّكاءِ وَراكِسٍ
إذا غرِقَ ابْنُ المَاءِ في اِلوَبْلِ برْبَرَا
أصاخَتْ لَهُ فدْرُ اليَمامَةِ بَعدَما
تدَثَّرَهَا مِنْ وَبْلِهِ ما تدَثَّرَا
أناخَ بِرَمْلِ اِلْكَوْمَحَيْنِ إناخَةَ اَلـ
ـيمانِي قِلاصًا حَطَّ عنْهُنَّ أكْوُرَا
أجِدِّي أَرى هذا الزَّمانَ تغيَّرَا
وَبَطنَ اَلرِّكاءِ مِن مَوالِيَّ أقفَرَا
وَكائن تَرى مِن مَنهَلٍ بادَ أهلُهُ
وعِيدَ عَلى مَعروفِهِ فتنكَّرَا
أتاهُ قَطَا الأجبابِ مِن كُلِّ جانِبٍ
فنقَّرَ في أعطانِهِ ثُمَّ طيَّرَا

[𝔖𝔢𝔩𝔪𝔞 @saImabIue]

شاعرا محمود محمد شريف المعروف بي ود الخاوية، من الجعليين من الجموعية. توفي سنة 2018 في حادث سير

[𝔖𝔢𝔩𝔪𝔞 @saImabIue]

ليلى غراما لي أعضايا شكَّك
ملافِظ ليلى كالنّيد اَلمعكَّك
متى يعاودني هالعقل اَلمفكَّك
وإمتى يحِلُّه جنزيري اِلمتَكَّك

لم يجفوني طيفًا منها ركَّك
ولم تنطق حديثا كان مركَّك
مدافِعَ اَجفانا لي أحصاني دكَّك
غُرِمتَ فُنيتَ مضمون قاطعُه شكَّك

ليلى هواها جلمود عزمي هَكَّك
ولِيما علَيْ حرم قافلاهو كَكْ..كَكْ
شنو الودَّاكَ عاد للصدرو دكَّك
تلُوك المُر وما يْدلِّيهو فكَّك

بقيت بارِك بِتَهدِر وزِدتَّا تكَّك
ما قلبك براك خاض بيكَ لُكَّك
تراكَ لُصِقتَ كيف يا الخاوية حكَّك
تَرِيمُه ولي خروجك رسمي أكَّك

حمايْمَ اَلأيكِ أرجوك بلِّغيها
وسَبعًا بي دِيارها تْحلِّقيها
أنا الظَّمآن وفوقي قِرَبْ سَقِيها
إمتى الحظ يحالف بي لقيها

بَرِيق الغوْرِ من تالاها لاحا
وجابْ لِي اِخبارا من نَّفحَة صَلاحا
أنا اَلهالكاني مقتول شوك سِلاحا
وسالقة اَحشايا سلقًا بي فلاحا

أنيني بْيزيد دوَام وبَزِيد كلاحة
وكُل ما تْهِب نَسايِم جسمي لاحى
رِفقا بالعشوق يا ليلى، ها!
وكمان في اِلصَّد دي فالحة جِنِس فلاحة!

قليبًا هام منَ اَلنَّظَرات تنسَّر
مبلي غرام وقد الزَّم تَوَسَّر
الفارْسَ اَلتَّقي اِلقارْحَ المجسَّر
لبَبُه الغَيْ وبالإحراق تَدَثَّر

وبَيْ مِن ليلى ريد ما عُدتُّ أدري
فاض بَيْ جِنِّي فُتَّ اَبْ شَلْعَة بدري
ليلى حيَايْ وروحي وقُوتي قَدَري
لكين كيف معَ اَلشَّحْتافْ وكدَري

يا اَلْمَريودْ كفاكْ ياخ بَيْ تَرَفَّق
سِهِرْتا معَ اَلبَليبْ فيض جَفنِي دفَّق
فَجَّاخ قُوتي ماتت وصبْري نفَّق
ظالِط في اِلبِعاد ما شفتُه أفَّق

حاضْنَ اَلليل نَويح وَارجاهو شفَّق
حظ لُقياهو لي خدَّادي صفَّق
موْرود غَيُّه جِسمي اِلماضي طفَّق
أريت يوعدني طيفُه ويقولوا خفَّق

نار ليلى بْتَزيد في اِلرّيدة صَقلي
حِسارا تِحِت لهاتا بَحِس لَصْق لي
أنا اَلخلاني حايِم برَّا حَقلي
هو لا استعبدني طيفا ولا عتق لي

بلِّغ يا نسيم ليلايْ سلامي
وسَلْها سماحًا أدَبًا قُل كلامي
إمتى تْحني في حال اِستِلامي
وإمتى تْحِلِّي نورًا لي ظلامي

حديثِك في اِللسان يِحلى لي دَوْمَا
وتأبى حُروفي كُلْ ما عقلي أوْمَا
كُتْ بَدِّيكِ إيه يا سلمى لوْ مَا
سايِمْ نفسي ليك يا روحي سلمى

خطير خطير خطير الولد دا! ليهو الرحمة والمغفرة

[𝔖𝔢𝔩𝔪𝔞 @saImabIue]

الليلة ام هبج فاقدة لا رجلًا صيِّن
في ظاهريَّة حاكم وسِيد وَلايا وديِّن
ليك الرَّحمة يا جبل الحجاز البيِّن
كم قشيت غبار مِنَّ اَلبِيجيك مِتطيِّن

كم وعيت صغير علَّمتُه يِقرا جوابُه
وكم راشيت ضعيف وأجبتا ليهو كتابُه
تمساح لِجَّةَ اَلموجة البِيسُوك أنيابُه
خانات اَلعرف برَّم عليها شنابُه

نقايب الجدُّه فارش البيت جويد يِختاهِن
ما بْيتعبَّرَن واتمنى من يقراهِن
نفايل الشيخ حَمَد كفُّه اليمين سدَّاهِن
هسَّع أبِشْرُوا لا تْهِمُّوا الدِّيار بي تراهِن

ود اَلْفي اِلمَلاقي (الكيس) بيعَصْرُوا رْكابُه
وريث علي ووب علَيْ المَكَكْ العزيزة انسابُه
بيرفِق بي الضُّعاف ابن السَّبيلَ اَصْحابُه
في اِلْـ لِلَّهِ ما قفَّل (متَرتَشْ) بَابُه

الْـ لّي رَشْوة ما غزَّر قرُوشُه وكزَّمْ
عزيزًا أصلُه لي طرد العشير ما اتجزَّمْ
صبُورًا ديمة لي صالح الَّاهَل بيتحزَّمْ
صوتُه هزيمة القدرة السَّمَاها اترزَّمْ

من زمَن الخيول هُم سبعة في التأريخ
وريث قدوة ومُكوكًا شيخ يسلِّمْ شيخ
كرمَك مو مجاهة وطرطشة ولُفيخ
سيلَ اَلْوابل الهمد الحدود والفيخ

يا فَقْد (الشَّتِيل) الليلة وطَنَك باكي
في (سُودان نشيد) قدوة ووريث اتراكي
شدر المقرن الما طاوَلَك شَرَّاكي
بَدُور تِلبًا بِيَقْدِل بي مَشِيك وبْيحاكي

يْعِزُّوك البوادرة أولاد شكير وبَشيرْ
أصْحاب وَجْعَة فاقدينَّك كتير وكتير
ليك الرَّحمة يا العزَّك مواصل السير
ليك الرحمة يا بَطَلَ الغريب وعشير

يبكنَّك خلاوِيًّا عليهِن نافِقْ
بيبكيك الكرم يا الْـ بي الضَّعيف مِترافِق
كفَّك وَابِلَ اَلعِين ام سمايًا دافق
ليك الرَّحمة يا كِيلْةَ الْمِجَلِّي وصافِق

تبكيك الفَضايل اللي انتا سِيدتا وهِيلَك
يبكيك الضعيف لي مِدُّه وافِر كيلَك
يبكيك العَشِير ما ضمتو قت لُه مثِيلَك
تبكيك اُم هَبَجْ يا ليْتُه تلقى مثيلَك

يبكيك الكرم بي إيدَك الدَّفَّاحة
يبكيك الصبُر يا الْـ لّي عَدُوك سِم ساحة
تبكيك أدْبَرَة وجُملة شَكِير لا رْفَاعَة
يبكوا ولاد سقور زملاك جنين شلَّاعة

يبكوا المارسوا المنفى القريب لي بْلادتُّن
فاقدين الْفَتَح خانتَ اَلدِّرُوس لي ولادتُّن
يبكوا ولاد شكير (حاد الجروح) صفحاتن
يبكوا ولاد جَعَلْ فاقدين زميل ابواتن

تبكيك البُطانة الْفيها لامَّة العايِلْ
تبكيك النضارة الفوق فروع وقَبَايِلْ
مع الْقُلنَاهُو يَبْكَنَّك تلاتة نفايل
الجُود والصبر وفي العون ضُراعَكْ طايل

يبكوا ولاد مهيد وولاد عتيم فاقدينك
النُّورابْ على جُملَة شَكِير وابو سِنَّك
يعزُّوك النوايمة الْـ لّي الزَّمَنْ داخرينَّك
يبكوا ولاد قدور لي كُلّ رايْ دايْرينَّك

يبكوا ولاد شَكِير عيشاب علي حْكيكاب
يبكوا ولاد دَريش شمَّاشة والهدَواب
يبكوا ولاد كسيب على الحُصان بي رْكاب
ديل فاقدين قمر فاتح بُدُور انقاب

جيران حَدْ بلادك كُلَّهُم حازنين
أب روف والْوليليابْ والبُشارِيِّين
بي الرُّكُن الشِّمالي نظارة الجَعلِيين
فاقدين نُور سَواك يا اَلْفِي العَشِيرْ مَاكْ شين.

هذا رثاء! بل هكذا الرثاء

الشاعر آدم البشير ود سَنَد في رثاء ناظر قبيلة الشُّكْرِية—وما لميت في إسمه للأسف. رحمة الله عليهما

[𝔖𝔢𝔩𝔪𝔞 @saImabIue]

النية كانت انو يديني مجال أرغي كتير ما أكتر
بحس التوثيق كنه بيقول شوفوني أنا هنا أنا موثق

[𝔖𝔢𝔩𝔪𝔞 @saImabIue]

هاه
ليه خلا حساب موثق
شيل التوثيق لو سمحتا