ابوي و لـ ربعه مثل كسرة الطيب
بفعولٍ تبيض . . وجيه الجمـاعه
من طيب وقفاته ،، يفك المناشيب
ريف الضعيف الي قسى الوقت لاعه
سماه في روس العلا ،، والشخانيب
وجدايـر العـلو المعـاسيـر ،، قـاعه
أبوي جعل عمره مديد 🌹🤍
مابعد شمس الصداقه معك غابت
لا تعذر لي .. بشيٍ ماطرالي
المعزه ثابته ، والقدر ثابت
والوفا .. تبطي تبدّله الليالي
حاجةٍ فيها سعيت ولا إستجابت
ابشر انك ابيض وجه فـ اول وتالي
لا تحسب ان الهقاوي فيك خابت
انت عندي جات وان ماجات غالي
على اللي برى حالي غيابه و سدي باح
أكابر و أزيّف ضحكتي و البلا فيني
بقى له معي صوره على البال ماتنزاح
حفظها غلاه اللي جرى مع شراييني
مادامه يعيش بخير وان خاطره منساح
فانا راحتي من راحته يامحاكيني
ادور على السجه واسولف مع المزاح
وانا فيني اللي من فراقه مكفيني ..