أن رضيت بشي .. ما أرضى مخافه
ما أقبل أنصاف الرضا في كل أموري
و أن رفض قلبي وعاف الدرب عافه
ما أجيه بنص خطوةٍ من عبوري
الوداعه .. والسماحه .. واللطافه
هذي أصدق ما زرعته خلف سوري
والسكوت إن حمّل ضلوعي كلافه
بيض الله وجهه بغيبة حــــضوري
أحدٍ ندري بغيضه وندري عن رضاه
له علي حق يعرفه ولي حق عليه
واحدٍ اقدر اللي يعزه من غلاه
واعنا له لو دياره بعيدٍ لين اجيه
وإن حضر نورٍ بوجهه ودرعٍ في قفاه
لاحضر بيّنت قدره ولاغاب احتميه
واحدٍ لا أفرح بطيبه ولا ازعل من رداه
لو من الجمر الموقد يفرشلي يديه
« ياحزينة جعل الأحزان عن قلبك تزاح
ودي أسرق لك من البهجه بـ خاطر طفل
كل بسمه منك تنفث على الصدر إنشراح
و كل ضحكة منك تستاهل نسوي حفل
و لا بكيتي صدت الشمس عن وجه الصباح
و أنبهت لون المجرّة و كل كـوكب أفل
دمَع كل الناس مالح لكن دمَعك قراح
كل مَـا تبكين ينبت على . . خدك نفل ».
يمر الحزن في صدري ولا يلقى حضن وأعذار
وأفتّش عن عذر واحد ولا ألقى .. سوى الخيبة
تعلمّت الوقوف ـــ اللي يبعثر كومة الأسرار
وقفت بـ صف أحلامي وأماني ماهي قريبه
على درب الوفاء أمشي .. و أسكّت قلبي الثرثار
وأشيل من الغلا واجد ـــ وأشيل الضيق والطيبه