سعد بن رثعان

[سعد بن رثعان @saaad_Alroga]

صلوا على من وُلِدَ يتيمًا وعاش كريمًا ومات عظيمًا .. اللهم صلِّ وسلم على نبينا محمد💛

[المصمم نادر الروقي @n_z5ll]

الشاعر المبدع :

الشاعر سعد ابن رثعان العتيبي
@saaad_Alroga

[معكاز شعر @M3kkaz]

يجينا من الدنيا ظروفٍ ماهيب شوي
عسى الله يجمّلنا ليا "شانت الدنيا" .

[فهد قطنان @Fahad_Qatnan]

ماصدقت فيك وشفت ماقيل كله فيك
يا مدمن تسلّق .. لا تسلّق ، على اكتافي

تراني مااداني شغل عطني وانا بعطيك
أنا لا نفعتك !.. نفعتي " نفعة " سنافي

موفقني الله من قبل لا اسمع بـ طاريك
وبيني وبينك .. فرق مطنوخ ، عن هافي

لو اجلس واتكّي وانت تركض على رجليك
علي الملازيم !.. انك ، لـ تبطي خلافي

[جرّاح العتيبي @AL___9999]

كل ماهب من يمه نسيم الهبايب
صار لـ الشوق صوت ولـ الشعور ارتباكه :)

[هايف بن ناجم @haif5]

مشعآن من يقدر يردّه من جديد
لو بـ الذكى على النقى يستدرجه

والله يافي راسه من افكار القصيد
منجم ذهب يحتاج من يستخرجه

[ظافر بن فرحان @zafr_frhan]

هم هل البل قبل وقت الحضاره والامان
يوم عاد الصايح يصيح والبندق تثور

احتموها فالجهل بالقناء والجبخان
والحراب اللي مضاريبها تفرى النحور

مشاعر محبه وغلاء وابوحسن يستاهل اطيب منها

[مطرب بن دحيم @ben_dhim]

الجديد ..
'
'
'
ليش اجل نسكت على اهل المهايط والحساس ؟
وليش اجل تبع المشاهير ( صح ) وليه اجل !!
'
فيه ناس يداهنون السيور وفيه ناس ؟!
كنهم في كل الاحوال مفتاح العجل !

[جرّاح العتيبي @AL___9999]

واهني الدااله اللي عن التفكير ساج
ما بعد جرّب عنا الوقت من يومه صبي

ولا انا ماغير ادوّر من الضيق الخراج
وكل ليل يزيد همّي و ضيقي و اتعبي

علة ٍ في خااطري ماالقيت لها علااج
من سبب ميلات الاياام ماهي بـ اسببي

من يسلفني سعة بال واخلاق ومزاج
وياخذ الضيقه وياخذ عليها اللي يبي :)

[جرّاح العتيبي @AL___9999]

مساء الخير اما بعد

غلاك مايعترف في وقت ولا مكان
طرى وخلاني اغرد مع القايله :)

[هايف بن ناجم @haif5]

الفرق بين الردى والطيب فرقٍ عظيم
مثل ما نجد بـ شتاها فرق عن صيفها

[سعد بن رثعان @saaad_Alroga]

@FalhNasr الف مبروك يابو ناصر والله يتمم لكم على خير وجعله عقد قران السعادة يارب

[جرّاح العتيبي @AL___9999]

على شان قدر الطيّب و شرهة الغالين
اجامل بعض الاحياان و اصد و اعدّي

لولا حكمة الشياب والعالم الصاحين
لقينا الحكيم يعيش معه ابرة مهدّي

قليل الروابع تحت جلدة دماغه طين
ولا يعرف الا ياخذ علوم ويودّي

اعرفه مثل مااعرف حركات ابو وجهين
ومثل ماعرف اللي يضحك وقلبه مصدّي :)

[العوازم من عتيبه @awazm]

يارفيقي كان عمرك على الدنيا طويل
أحتفظ في مزح سود الليال لجدها
،
العوامل تختلف بين جيل وبين جيل
والزمن يكشف لك الناس يوم يحدها
،
لا تجمل غير فاللي يحفظون الجميل
لجل تلقى لن حدتك الليالي ردها

سعد رثعان
@saaad_Alroga

[َ @llwi6__]

دنياً مافيها الا الوناسه يا بن عون
غير الوناسه ما بها .. ما يدّور

- لافي الغيداني

[جرّاح العتيبي @AL___9999]

ياوجه الرفاقه لا تمادى ولا تنعاج
ولا تستهين بشور من يعرضون الشور

قبل لا تعرضك المشاريه للآحراج
ترى الطيب له دستور والعرف له دستور

تكرر خطاء المخرج وتزعل من الاخراج
وتبكي على الاحياء وتضحك على المقبور

انا ما اعرف الابراج وحسابة الابراج
بس الظاهر انك من مواليد برج الثور :)

[خالد مبارك @khladmbark505]

تقطعت كبدي من الحزن والخوف
حزني على روحي وخوفي عليها

بكيت حتى خفت لا يطلع الشوف
مع الدموع الي غدا الشوف فيها

انا ضحية حب واذنوب واضروف
يكفي لتدمير اي طيب حديها

اشعر بنارا تلتهب داخل الجوف
مايقدر الماء لو شربته يجيها

[سعد بن رثعان @saaad_Alroga]

@Cef10XHTodE6TaY @khladmbark505 الحب مثل الخيمة ام العمودين
ليا انسحب حدئ العمودين طاحت

[حشان بن مصلح @HSHAN85]

نادمت صمت الحزن لو ان طووله عذاب
حتى اني احدثْت من صمتي حديث ألسنه

شلون من عقب أبوي اعيش حلم الشباب
وانا اشعر اني معه ف القبر من كم سنه

من كثر ما احنّه من الطين و الاغتراب
ابطيت اساوي اللّحد خوفٍ يحسْ بدنه

والظاهر انهم نسوا عني وهالوا التراب
اخر بياض لمحته ( لحيته و كفنه )

[جرّاح العتيبي @AL___9999]

دام البشر ماهم على باب الارزاق
ابا اطلب اللي ما بعد صك باابه

ياربي ارزقني سعة بال و اخلاق
وحظ و قبول و دعوة ٍ مستجابه :)

[محسن بن مترك @aprvip]

على غالي دونه حدتني شيم وظروف
ولا زال ذكره ،، فالصدر ،، كنه منبه )؛