ماصدقت فيك وشفت ماقيل كله فيك
يا مدمن تسلّق .. لا تسلّق ، على اكتافي
تراني مااداني شغل عطني وانا بعطيك
أنا لا نفعتك !.. نفعتي " نفعة " سنافي
موفقني الله من قبل لا اسمع بـ طاريك
وبيني وبينك .. فرق مطنوخ ، عن هافي
لو اجلس واتكّي وانت تركض على رجليك
علي الملازيم !.. انك ، لـ تبطي خلافي
هم هل البل قبل وقت الحضاره والامان
يوم عاد الصايح يصيح والبندق تثور
احتموها فالجهل بالقناء والجبخان
والحراب اللي مضاريبها تفرى النحور
مشاعر محبه وغلاء وابوحسن يستاهل اطيب منها
الجديد ..
'
'
'
ليش اجل نسكت على اهل المهايط والحساس ؟
وليش اجل تبع المشاهير ( صح ) وليه اجل !!
'
فيه ناس يداهنون السيور وفيه ناس ؟!
كنهم في كل الاحوال مفتاح العجل !
واهني الدااله اللي عن التفكير ساج
ما بعد جرّب عنا الوقت من يومه صبي
ولا انا ماغير ادوّر من الضيق الخراج
وكل ليل يزيد همّي و ضيقي و اتعبي
علة ٍ في خااطري ماالقيت لها علااج
من سبب ميلات الاياام ماهي بـ اسببي
من يسلفني سعة بال واخلاق ومزاج
وياخذ الضيقه وياخذ عليها اللي يبي :)
على شان قدر الطيّب و شرهة الغالين
اجامل بعض الاحياان و اصد و اعدّي
لولا حكمة الشياب والعالم الصاحين
لقينا الحكيم يعيش معه ابرة مهدّي
قليل الروابع تحت جلدة دماغه طين
ولا يعرف الا ياخذ علوم ويودّي
اعرفه مثل مااعرف حركات ابو وجهين
ومثل ماعرف اللي يضحك وقلبه مصدّي :)
يارفيقي كان عمرك على الدنيا طويل
أحتفظ في مزح سود الليال لجدها
،
العوامل تختلف بين جيل وبين جيل
والزمن يكشف لك الناس يوم يحدها
،
لا تجمل غير فاللي يحفظون الجميل
لجل تلقى لن حدتك الليالي ردها
سعد رثعان
@saaad_Alroga
ياوجه الرفاقه لا تمادى ولا تنعاج
ولا تستهين بشور من يعرضون الشور
قبل لا تعرضك المشاريه للآحراج
ترى الطيب له دستور والعرف له دستور
تكرر خطاء المخرج وتزعل من الاخراج
وتبكي على الاحياء وتضحك على المقبور
انا ما اعرف الابراج وحسابة الابراج
بس الظاهر انك من مواليد برج الثور :)
تقطعت كبدي من الحزن والخوف
حزني على روحي وخوفي عليها
بكيت حتى خفت لا يطلع الشوف
مع الدموع الي غدا الشوف فيها
انا ضحية حب واذنوب واضروف
يكفي لتدمير اي طيب حديها
اشعر بنارا تلتهب داخل الجوف
مايقدر الماء لو شربته يجيها
نادمت صمت الحزن لو ان طووله عذاب
حتى اني احدثْت من صمتي حديث ألسنه
شلون من عقب أبوي اعيش حلم الشباب
وانا اشعر اني معه ف القبر من كم سنه
من كثر ما احنّه من الطين و الاغتراب
ابطيت اساوي اللّحد خوفٍ يحسْ بدنه
والظاهر انهم نسوا عني وهالوا التراب
اخر بياض لمحته ( لحيته و كفنه )