﮼سفر﮼العتيبي

[﮼سفر﮼العتيبي @safara511]

اللهم اغفر لأبي وأرحمه وأكرم نزله ووسع مدخله واجعل قبره روضة من رياض الجنة..!!

لاتنسون والدي من صالح دعائكم..!!

[شي ثانيّ . @G__2m]

- مشهد بعنوان :
" أنت ملّجى للسّكينه عقب ربٍ رحوم
من يلوذ براحة أيديك يبطي مسفْهل ".

[محسن بن مترك @aprvip]

حي ذالصوت ياصوت المطر يوم همّل
وحي ذالشوف يابرق ٍ لـ نوضه سفيره

يا عمار الديار ويارجى كل ممّل
فرحتي فيك مدتها الجميله قصيره

عشت ربكة شعور وعشت لحظة تأمل
وطاري وضحكه وعبره وذكرى وحيره

كيف مر الحزن وانهى سروري وكمّل
وليه حتى المطر لا مر جاب لك سيره

بين ماضيً جميل وحاضر ما يجمل
وعصف الافكار بين الاوله والاخيره

كن شعوري شعور اللي تغرب وصمل
ما يعود قبل ما ياصل اهله خيره

ولاذكر ماوراه الى يتاما ورمّل
وشايب مقعد ومرضان وام ٍ كبيره

طاح طيحة كسير فالمعوثه مهمل
مال صوته مجيب ولا لـ كسره جبيره ):

[عبدالرحمن بن جزا @almoqati111]

الله على اللي مقطّعةٍ كبود الحريم
و ميقات كل القلوب الخضر في نِجلها

مْترفه في كنف عودٍ نظامه قديم
من حِبها كل ما خِطبت تحجج لها

ولاهي من اللي تميل مْع الغني و الوسيم
اللي ما خارج لـ أبوها ما يخارج لها

عودٍ رفع رجلها عن أوبر و عن كريم
من يوم ساقت و موترها تحت رجلها

[ذكر الله @DhkrrAllah]

مجموعة أدعية قَد تحتاجها في هذا الوقت الفضيل🤍

⁧#يوم_الجمعة⁩

⁧#ساعة_استجابة⁩

[﮼سفر﮼العتيبي @safara511]

@ALbiqami2017 @Tmalosaimi1 @AbdullahSmran صح الله لساااااااانك يابو ريان ابدعت وامتعت وابو سمران يستاهل

[مطرب بن دحيم @ben_dhim]

#بيت_واحد_من_قصيدة_لك

ماعلمتك الحياه ان الفرح مايدوم !
وان المقادير تجري والنعم زايله ؟؟

[محسن بن مترك @aprvip]

شموس ولواهيب وحراره وجو شين
من الـ ٤٠ وفوق فالصبح والممسى

عسى الله يرزقني بمليون مليونين
يخليني اقضي باقي القيض فـ النمسى )؛

[جرّاح العتيبي @AL___9999]

حنا نقول الناس غير الناس غير
ياللي تقول الوقت شان الوقت شان

دنيا ً تقلّب بين شر و بين خير
مدري متى ترسي على بر الاماان

تغيّرت كل السلوم من الاخير
يالله دخيلك من صواديف الزمان

اللي من اول فـ السّرى على الشعير
الحين عانه فـ السّرى على كيان :)

[محسن بن مترك @aprvip]

من لهفة الشوق مدري من هجير الغرام
الضحكه مسافره والفرحه مطلقه

لي مده وخاطري ماهو على مايرام
ونفسي من الفقد والحرمان متغلقه

على هنوف غلاها مثل فرض الصيام
في سد ضلع يشوف الموت متسلقه

من دونها شايبٍ طاغي وولدة حرام
دربيله معلقة. والبندق معلّقة )؛

[سمان الهرج @fahad33931]

راع المعاريف لا يلحقهن حسوفه
محـدٍ بجاحـد معاريفـه ولا طيبـه
'
الغيث ينشي وعينك تسبر قنوفه
واليا نثر ماه نـدريبه .. وتـدريبه
'
كلـن يجـازا بماسـوا .. وبيشوفـه
وعود العشر لو يهب الريح يوميبه
'
تدري من الي يخزمك خزم معروفه
الي تجمل مـعـك وانت .. متـرديبه

#فارس_الحشار

[متعب بن مرزوق @BadawiFahim]

مستريح البال ماله على المسرى لزوم
والسهر [ متعب ]وانا خابره بعد وقبل

انشدوني عن علومه واجيكم بـ العلوم
من كثر ماضاق صدري وضاقة به سبل

لا استوى للنوم داله وخبل وكيس نوم
والله لا بالي -[ بـ داله ] ولا قلبي خبل

من غرق في غبة الحب ولا / فالهموم
مايعرف الا -[ اسبرسو ] و ميكاتو دبل

[محمد المقحم @mohamed6290]

وا عذابي عذاب اللي فجعه المفارق
ضارب كبده من الفقد حزنٍ خفسها

عنده أمٍ يسارقها المناظر مسارق
كل ما غمضت قام يتتبع نفسها

#محمد_المقحم

[مطرب بن دحيم @ben_dhim]

التغريده لهل الابل
-
في ولد غرنوق يقول :
'
طويل جنب وعمد ورقاق رنق وشنان
والقيمه اضعاف قيمة فندق الزايدي

واللون : مخلوط بين البن والزعفران ..
والجرم : تقدر تشوفه من ورا العايدي

[مطرب بن دحيم @ben_dhim]

نزلت المقطع عفوي وانتشر في السوشل ميديا على ان فالمقطع جن !

[محسن بن مترك @aprvip]

تبعت ،بارق غرامٍ ناض في عينك
ماعذرب الحر الاشقر طردت المقفي

واحد محترم

،
انا خاطري في بعض الاحيان خاطر عود
معه ضغط والي تلقط الحب في حقوه

عايض العاطفي

،
حنا قلطنا في صدور التواريخ
قبل لا نقلط في صدور المجالس

جراح العتيبي

[محمد الحمادي 🇸🇦 @al7ammadi9]

.
خيّل البل والعيال تجندل التفاقة
ما تشيل من السلاح الا اقصره وادقّه
.
بعد تيّهنا بنات الهرش ناقة ناقة
كيف نبلش في خدوش القوم نقّه نقّه
.

[محمد المقحم @mohamed6290]

عَزم الرَجل ما يَظهر إلا عند زَرقات السهوم
وإلا الرخا حتى الهَنوف تهوش دون إخوانها

وصل العطياني

[عبدالعزيز الذيابي @eazawzaldhiyabi]

#فايز_الوذيناني
@fayez_www
فقدتك ياوصل وانا احسب انك منته بموجود
لاكن الله هو الي غير الاحوال سبحانه

#وصل_العطياني
@alotayyani
تدورني وتلقاني لاثار الملح والبارود
ولد عمك تقوم وتقعد الدنيا على شانه
https://t.co/sxsFzXEPHF