سلامي سلام اللي سمح والأمل مفقود
على اللي ماصان الود من كثرة أعذاره
رفعت العتب وأقفيت عن غايبٍ موجود
يوم إن الغلا شفته بدا يرخيّ ستاره
سعيت لرضا عينه ولا شاف لي مجهود
وأنا أجفى العرب لأجله وأناديه واختاره
ياليل الفراق الي عليه الحروف شهود
قرار الجفا عقب الغلا وشهي اخطاره
فزّيت من نومي وطعنات الأحلام
حلمٍ عرض لي وأحسب أنه حقيقه
شفت من غاب زوله عنّي له أعوام
وانتثر دمعٍ من المحاجر نريقه
وفِقت وفوّقت وأنا ما بين الأوهام
ولا صفالي زولك إلا - دقيقه.
- رحم الله ذاك الوجه
فمان الله ياول من سكن بين الضلوع العوج
عسى دربك سفير ويا عسى الله مايخليني
توكل لاتوادع رح عسى درب الجفا المسهوج
يصادف درب فرق عقبها .. ماتلمحك عيني
سمحت من الهوي ومن القصيد ومن رزاق الموج
رميت أغلى مجاديف الغرام ، وجيت بايديني
لا انتهى وقت العزاء من يعزيني؟
الله يكفي شر ذا الوقت واحزانه
امتلا صدري كلام وفضت عيني
ما بقى في شي ما اختل ميزانه
طاح من جنبي حزاماً مجريني
انتهت نسبة رجوعه وعقلانه
كان لا احتجته — لقيته مياميني
لين اخذه اللي خذا روس جدانه