سلامه العايد

أما إني أنساك يا مضنون عيني هـذي أنساها.

[وليد @ysalm2023]

أضيق لاشفتك من الوقت طفشان
وأظغط على نفسي وأنا فيك هالك

تدري من أول ما عرفتك إلى إلان
وأنا أحس ان الغلا لك لحالك

[𝙽 @mmu_aa2]

بعض الناس تستمع معه بالسوالف
لدرجة ما ودك أنه يسكت بالمرة
سوالفه حلوة ومملوح وكل شيء فيه زين

- وقيل على سياق هذا:
"واحدٍ من كثر ما الله مالح منطوقه
ودك تسولف معه ولا تذوق العيشة"

- وأيضًا
"عطاك الله المعطي سوالف وحلو قبال
وزين وجنابٍ سمح ومروفه"

[@7i_x @7i_x0a]

قد عطيتك وانت ماضنك لئيم
والنصيحه لليالي تذكره

لاتحرك جرحي الماضي الاليم
ولاتحسب ان طول بعدك طهره

كل جرح يهون يالجرح القديم
وكل شي قد مضا معك اذكره

جرحي وذكراك والليل البهيم
حزت فوادي بمثل المنشره

العذول غراب وانا اكبر غشيم
والجروح الماء وطاريك حجره

- محمد بن فطيس

[سعد بن لويبه @sd280]

تعالي نسامر بعض , يا جملة الافكار
لي ليال جوي ماش , والليله مروق !

وصلت اول الاحلام وان شائت الاقدار
بـ اوصل لـ حلمٍ كنت له حيل متشوق

الاحرار ما تقبل تنافس , سوى الاحرار
على غيرهم لو تنتصر ما انت متفوق !

انا كيف ما افخر واتباهى واشب النار ؟
وقصيدي يحفظه كل , شاعر ومتذوق !!

[ريمّيه 𐙚 . @nijlxi]

« كتبت الكلمه اللي حيرتني فيك
وأنا كنت انطر اسمعها من لسانك

على كل حال ماقصرت في مغليّك
لقى جرحك وهو مترجي احسانك

بخلي كل حبي . . لك وبـخليك
عسى يكفونك اخوانك وخلانك »

- سعد علوش .

[أوراد @wrd6nn]

عليك أغار لو اني قنوعه وعارفه قدري
ولكن النسا تبني على مثلك أمانيها

أنا أدري محدٍ واصل مكاني بالحشا وأدري
على غيري طواريق القصايد ما تغنيها

ترا كل " ما أحبك " يا حبيبي من ورا صدري
أنا أعني لك آخرها ولكن " ما " ما أعنيها ♥️

[قصيده @1iiv___]

معك أيقنت ب ان عمري نزيه و دنيتي أجمل
وحظوظ العمر من فرط السعه ؛تستقبل آبوابي

ياوجهٍ في تفاصيله ؛ليال العمر ما تنمل
يا قلبٍ يجلي عماس الحزن ويبدد أتعابي

أنا اللي يا حبيبي كل ما وجهك علي يطل
يعيد الصدفه الأولى وفزة دهشة اعجابي❣️

[َ @24cij]

قد سمعت عيون صايبها جنون
أو لمحت الروح في حالة سكر ؟

هذه عيوني يا أبو كل الفتون
وروحي اللي في غرامك تحتضر

يا حبيب العمر يا العند الحنون
شاعرك ، يعشق تباريح ، وفجر

لا تصدق كان قالوا لك يخون
غير إني خنت ليلك .. بالسهر

لأن عصفك هز بالصدر .. السكون
وطيّر الأوراق .. وطيور العمر

أيه أحبك ، لو تربصني المنون
ولو تحدتني صواديف الدهر

كيف لا وكل صعبه بي .. تهون
دايم بقربك عليها أنتصر

وأنت حبك .. كان قبل إني أكون
كاتبه ربي على « لوح القدر »

[َ @i7arv]

لا تفكر فيه غيرك قد ينال إعجابي
كم وكم من رمش يغمزلي ولا ناظرته

ما بذا عشق بدوي هذا غرام اعرابي
كل يوم يزود لين أموت ما عيّرته

القصايد والشعور وقلبي العزابي
والجوارح ممتلكها والعقل حيّرته

انت بنكٍ للغرام وصرت فيك مرابي
كل ما أربح ربح لحساب الغلا جيّرته

[مقرن بن حربي @3oi88]

شاءت الأقدار والدنيا .. منافي
أبحرت بقلوب اهلها واغرقتها

المعافا لو فقد طعم العوافي
عـاف لذات الحياه ومعرفتها

والعويق تضيقبه جرد الفيافي
لو يمد الشوف رجله مامشتها

حكمة الي يعلم بكل الخوافي
عالمٍ مافوق الارض وماتحتها

ربي ارحم حالتي قبل انصرافي
قبل لا دنياي تعلن .. خاتمتها

ليت نفسي تكتفي لاقلت كافي
عن مشاويرٍ ماتحمد عاقبتها

الاوادم ماصفت والجو صافي
كيف لابان الردى في معاملتها

حتى نديمة ليلي وسر اختلافي
انكرت كل الوعود الي عطتها

عرضتني لـ القصيد ولـ القوافي
والقوافي لو نستني .. ما نستها

العيوف الي تذرت .. بـ السنافي
تدري ان اربع جهاته من جهتها

قبلها دنياي ماخلت .. ( مرافي )
واشرقت من غير شمس ونورتها

اقبلت مثل النهر واروت ضفافي
وادبرت بعد الحياه الي .. بنتها

ماحسبت حسابنا صد وتجافي
لين صرت اول قتيل بمملكتها

ماوفت لي مير انا مبداي وافي
قالو اقفت قلت الايام جبرتها

[ن @nalazmilll]

يكفيني أغيب وخاطري ماجاك منه قصور
و يكفيك اتذكر كل ليلة لهفة عناقي

تذكر يوم أعذرك وانت لا صادق ولا معذور
ادور لك عذر وأصدقه واكذب أحداقي

تذكر يوم جيت من الحزن متضايق ومكسور
فرشتلك الضلوع وقلت لك ياسيد عشاقي

[محسن بن مترك @aprvip]

جديل الغروب الى رسم لوحة الابعاد
خطب ود صفحات اللغه من مراجعها

من تضاف له سيره مثل سيرة العقاد
تشرع له ابواب الجزاله مصارعها

قلايع حروفه بيت فكره وبيت امجاد
وطلايع خياله تنعرف من مطالعها

الالهام طيفه لمحه وصوته استنجاد
وطيوره وحوش ماتخرّز براقعها

دعاني وانا بين التشبع وبين الماد
معي حجة عيا عنادي يوقعها

اشوف التهايا حيرة التايه النشاد
واشوف الدلايل جدّيها قبل سبّعها

رسوم الغلا والليل والعارض المنقاد
ثلاث وشبيهك فوق الافاق رابعها

حدتني على المسرى وشوفك ولا الله راد
بعد جيت دارك وانكرتني شوارعها

وجيه العرب متغيره والعيون حداد
ما كن المضارب كنّت سيد مرابعها

معي حيرة موادع ولهفة غريب بلاد
وتعليقة الي كبده الشوق قاطعها

ركاب الوله ضمّر وجمر اللقى وقاد
والاحلام فض الهجر نقطة تجمعها

عسى الفرصه الي سايفو بابها الحساد
عوضها تجي في ساعة ما اتوقعها ):

[ميّم . @m8iilll]

لك سيرةٍ بالمحبه ما اقدر اخلفها
لو هي سبايب سهر عيني وغربالي ❣️

- عبدالله بن عون .

[جـَـوى @jwapoem]

يا لولا ميامين العشم ما يعيش الياس
تراها تجي من حيث ما تامن الخيبه ..

[نّــور @Tu91_]

•

" انت يامشغل التفكير حاضر وغايب
جابك الشوق ولاّ جابك الحزن ولّا ؟

فز قلبي لك .. ورحبّت ترحيب شايب
شايبٍ لا لفاه الضيف رحّب وهلّا

ناسي اني من دروب المحبين تايب
توبة المومن اللي بالصلاح يتحلّا

بين سود الظروف وبين سود الذوايب
الوصل مات والحرمان كبّر وصلّا

انا قد قلتها لك يوم كنّا حبايب
من تغلّا تخلّا من تغلّا تخلّا "

[ًً @il56x__]

كل لحظة كانت بقربك عظيمة
عيّا يكررها الزمن بعد ممشاك

ماعاد لـ التاريخ معنى وقيمة
عدّا على قلبٍ عجز ماتعداك

مشاعري بين إنتصار وهزيمة
من ليلةٍ فيها عرفتك لـ فرقاك

ممنون .. لكل الليالي القديمة
اللي بها صوتك ووجهك وملقاك

[𝙽 @mmu_aa2]

بين قلبً مايتوب .. وبين عقلً ما يطيعه !
حارت الخطوه مابين وبين واصبحت فمكاني

تبتدي حرب الثنين اللي كما حرب الوديعه
كل ما وقف حداهم ؟ ( عود الاخر رماني )

حجة العقل الرزين اكبر من اللي نستطيعه
كل ما جيته بلهفة شوق بالمضمون جاني

يحتدي طيش الشباب اللي على زمة ربيعه
واقتدي في كل راي يقول والهى في زماني

وان ذكرت اللي يا دوب امْن الدلال يذب ريعه
صار ما للعقل راي ( وصار راي القلب جّاني )

" كل ماعرض يروح العقل والمنطق وديعه "
( يملك زمام الامور ووين ما وده خذاني )

زهرة القلب المحب اللي لو يشوف الفجيعه
مانساه ولا نسى وصله لو اشوفه نساني

انت ياللي تستبد الوصل وتحب القطيعه
وانت يامرخص مقام اللي مقامه ما يداني

والله انك سرً فقلبي ليا من جيت اذيعه
كن مافيني شعور ! وكن ماعندي معاني

" سلطةً لا من مشيت تنزل اللي فالطليعه "
فتنةً تملك احساس الشخص في عدة ثواني

من طبيعة وجهك اللي يحقر رسوم الطبيعه
كل دوله ترغب السياح من دونك تعاني !

كل ضيعه في نظر غيري ترا ماهيب ضيعه
دامها عندك عسى محدً من العالم لقاني

" فدوتك مافات واللي جاي واليوم وتّبيعه "
وفدوتك ما يذخره قلبي ( وما ينطق لساني )

مستعد ارخص صبا عمري على شانك وابيعه
وش لزوم العمر دام العمر عندك عمر ثاني

[بسطام @______H55]

" من دلعها تقول انها بليّا عظام
كل ما جت تقوم تقوم بالعافيه

وجهها نور .. لو تشيل عنه اللثام
تحلف ان النجوم المنوره طافيه (:

• جمال بندر | 2016

[خلوها @VB__q8]

سرحت بخيالي فيك وأسهبّت فالتفكير
وطلّعت كل اللي مخبى ورى صدري

ماتمنعني حدود المسافه عن التعبير
أنا توي مسولف معك و انت ماتدري

[𝙱𝙰𝚁𝚄𝙳✖️ @9897_x]

انا كنت متمسك على طاعة الرحمن
لكن الهنوف تساعد ابليس في خطفي

ياقشري ومشين خاطري في بعض الاحيان
لكن معك .. يامزين كلامي ويالطفي

(والاسود ) ترى ماصار سيد على الالوان
سوى عقب ما صورتي (الاسود المطفي)