سنام

ُنكسب أبناء 9–15 علوم الرجال ومهارات التعامل في المجتمع السعودي 🇸🇦
بالمواقف والتجربة، من حسن التدبير إلى القيادة

[سنام @sanamcamp]

زمان كان الولد يتعلم علوم الرجال من أبوه ومجلسه والرجال اللي حوله..

طيب اليوم، من وين يتعلمها؟

#علوم_الرجال #سنام

[سنام @sanamcamp]

بدل ما نقول لكم كيف جو مخيم سنام… خلّينا الطلاب يقولونها بطريقتهم 😂

لو بتختار مخيم لولدك، وش أول شيء يهمك تعرفه عنه؟

#سنام #علوم_الرجال #مخيمات_سنام

[سنام @sanamcamp]

🐺 مخيم سنام 7 × العقيلات | مستوى الذيب

تجربة يعيش فيها ابنك علوم الرجال وإرث العقيلات على أرض الواقع؛ من المجالس والمخيم، إلى سوق التمر في القصيم وتجربة البيع والشراء والتجارة بنفسه.

📍 القصيم
👦 10–15 سنة
📅 [23-26 سبتمبر]

المقاعد محدودة
للتسجيل: https://t.co/nraT92nzbg

[سنام @sanamcamp]

دخلت مجلس كبير… تبدأ السلام من اليمين، أو تروح لكبير المجلس أول؟ 👀

هذا من أكثر الأمور اللي يختلف عليها الناس، وفي دورة علوم الرجال بسنام طبّقها الطلاب عمليًا.

أنت إذا دخلت مجلس، وين تروح تسلّم أول؟

#سنام #علوم_الرجال #آداب_المجالس

[سنام @sanamcamp]

وأنت تسولف مع شخص في المجلس… تناظر في عينه طول الوقت أو تصرف نظرك؟

في دورة علوم الرجال بسنام، أخذنا مع الطلاب وين يكون النظر وقت الحديث، ومتى يكون احترام ومتى يصير إحراج.

وش رأيك: النظر المباشر احترام، أو يعتمد على الشخص والموقف؟

#سنام #علوم_الرجال #آداب_المجالس

[سنام @sanamcamp]

قلنا لطلاب سنام: أول واحد يجيب فرووووة يفوز…

ما لحقنا نكمل كلامنا إلا وهو راجع فيها 😂

#سنام #علوم_الرجال

[سنام @sanamcamp]

🐺 مخيم سنام 7 × العقيلات | مستوى الذيب

تجربة يعيش فيها ابنك علوم الرجال وإرث العقيلات على أرض الواقع؛ من المجالس والمخيم، إلى سوق التمر في القصيم وتجربة البيع والشراء والتجارة بنفسه.

📍 القصيم
👦 10–15 سنة
📅 [23-26 سبتمبر]

المقاعد محدودة
للتسجيل: https://t.co/nraT92nzbg

[سنام @sanamcamp]

@mrwn79254312 اذا ما بادر اقدم يالذيب..

[سنام @sanamcamp]

مو كل من سلّمت عليه لازم تعانقه 😅

في سنام تعلّم الطلاب متى تكون المعانقة مناسبة، ومتى تكفي المصافحة، وكيف تتصرف في المجالس من دون إحراج.

أنت مع المعانقة في كل سلام، ولا تشوف أن لها ناسها ومواقفها؟

#سنام #علوم_الرجال #آداب_المجالس

[سنام @sanamcamp]

@rakanAli199 استراتيجية مميزة صراحة🫡

[سنام @sanamcamp]

طلعنا مع طلاب سنام للبر وقلنا لهم: العشا عليكم 😅

ومن هنا بدأت مهمة كبسة البر… جهزوها وطبخوها بأنفسهم من البداية لين مدّوا السفرة.

أهل البر، قيّموا شغلهم: وش ناقص الكبسة عشان تصير 10/10؟

#سنام #علوم_الرجال #كبسة_البر

[سنام @sanamcamp]

@mdarrab طبعاً سنام @sanamcamp
طبعا حنا نمنشن شركتنا🫡

[سنام @sanamcamp]

إذا قالوا طلاب سنام: «مباراة خفيفة»… اعرف إنها بتتحول إلى نهائي كأس العالم 😂⚽️

منشن خويك اللي يدخل أي مباراة كأن الكشافين يتابعونه.

#سنام #علوم_الرجال #مخيمات_سنام

[سنام @sanamcamp]

ثروة العائلة تكبر… لكن هل عقلية ابنك تكبر معها؟

في دورة «الغنى والثراء» بسنام العقيلات، يبدأ الابن من عمر مبكر يفهم المال، وكيف تُبنى الثروات وتُدار، عشان يوم تجيه المسؤولية ما يبدأ من الصفر.

برأيك: متى المفروض يبدأ الابن يفهم ثروة عائلته؟

#سنام #سنام_العقيلات #الغنى_والثراء

[سنام @sanamcamp]

عطينا طلاب سنام المايك، وقلنا: كل واحد يعطينا بيت الشعر اللي يحفظه 🎙️

الحين دورك… اكتب لنا بيت شعر مستحيل تنساه.

#سنام #علوم_الرجال #الشعر

[سنام @sanamcamp]

شباب مخيم سنام الثاني 🔥

لو ولدك كان معهم، وش أكثر شيء ودك يتعلمه في المخيم؟

#سنام #علوم_الرجال

[سنام @sanamcamp]

سألنا طلاب سنام: وش يعني تكون قائد؟

كل واحد جاوب بطريقته، لأن القيادة عندنا مو تعريف يحفظه الطالب… هي مواقف يعيشها ويتعلم منها.

برأيك: القائد يولد قائد، أو القيادة مهارة يقدر أي شخص يتعلمها؟

#سنام #القيادة #علوم_الرجال

[سنام @sanamcamp]

علوم الرجال تبدأ من أبسط التفاصيل… حتى من طريقة سلامك.

في سنام أخذنا مع الطلاب أنواع مسكات اليد: مسكة السمكة🐟، وغيرها، والمسكة الصح في المجلس.

وش أسوأ مسكة قد سلّم عليك فيها أحد؟ 😂

#سنام #علوم_الرجال

[سنام @sanamcamp]

قلنا لهم بعد نهاية البرنامج: عطونا رأيكم بصراحة 🎙️

هذه كانت آراء الطلاب بعد ثاني برنامج أقمناه في سنام، واليوم وصلنا إلى ستة برامج، وكل نسخة نتعلم منها ونرجع باللي بعدها أفضل.

لو كنت مكانهم، وش الشيء اللي يخليك تقول: أبي أرجع لسنام مرة ثانية؟

#سنام #علوم_الرجال #مخيمات_سنام

[سنام @sanamcamp]

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

في يوم الجمعة.. لا تنسوا الصلاة على النبي ﷺ 🤍

#يوم_الجمعة #الصلاة_على_النبي #سنام

[سنام @sanamcamp]

رمل، ركض، منافسة، وملابس غالبًا ما بترجع مثل ما كانت 😂

بس يمكن هذا بالضبط اللي يحتاجه عيالنا أكثر..

يطلعون، يجربون، ويتعاملون مع الطبيعة بعيد عن الشاشات شوي.

#سنام #علوم_الرجال #البر