سَـطـر.

لا تعاملنا بفوقيه ترانا عالمٍ مافوقها إلا اللي خلقها.

[سَـطـر. @satar_9]

قلبي اللي ماتكسّر ولا احتاج لجبر
من فراق اللي بغاهم ويحسبهم صفو
قال مالك غير تصبر وتبشر بالصبر
ياحفيد اللي فعوله تدرّس فالعفو
ياولد من فك قومً تذرو بالقبر
فكهم لجل الصييفي على قبره لفو

[سَـطـر. @satar_9]

يالله بنصر يشيّد فوق ويبنّا 💚

[سَـطـر. @satar_9]

ماكنها إلا بيرق ابن سعود واعلامه
لارفرفرت بين الاعلام الخليجييه

[سَـطـر. @satar_9]

احيانًا لا مانع من بعض النرجسيه
خصوصًا بالمواقف اللي تمس الكرامه

وخلك مثل ما قال مساعد الرشيدي رحمه الله :

محد يخليني على مفرق الطريق
انا الطريق من اوله لين اخره

وبعد يوم قال :

ماني بناقص لا حبيب ولا خوي
انا الذرى من دون ظلي .. ناقصين

[سَـطـر. @satar_9]

ولو حاول الشايب يكافح ظهور الشيب
تدور الليال وتفضحه عشر ذي الحجه

[سَـطـر. @satar_9]

غريب والليل قمرا والهوى ساكر
ومغنيٍ لي بقوم وجايبٍ بلوه

ماكنت احسب انهم للطيبه ماكر
اثر ولدهم شجيع وبنتهم حلوه

[سَـطـر. @satar_9]

ماهيب لحية لارقيب ولا نقيب
الوضع يطلب له لواء يصدم لواء

[سَـطـر. @satar_9]

مذهبٍ حالي بطاريك يا مال الذهاب
ما بقى في القلب من سبتك عرقٍ ندي

إن نسيتك ف أعرف اني موارى في التراب
وإن تذكرتك عسى الله يسامح ويهدي

[سَـطـر. @satar_9]

كل الغنادير في كفه
وانتي على مرقبٍ عالي

لو دونك القوم مصطفه
ماحركوا ميلة عقالي

[سَـطـر. @satar_9]

اليّا سرىّ الليل سرتني مقاديري
على شمال الرياض وغرّبه وشرقه
..
اسري مع همومي وذنبي وتقصّيري
النفس باللوّم والشهوات محترقه
..
ولو بعض الاحيان مايصّفي معي غيري
جوي مثل جوّ حاكم نجّد في عرقه

[سَـطـر. @satar_9]

خصرها عودٍ خضر هزّه من الردفين سافي
شي مُرعب كلّ ردفٍ لا مشت يلعن خويّه

[سَـطـر. @satar_9]

كم لي اكابر وانا الحال يادوبه
من يبشرني واعده من اخواني

[سَـطـر. @satar_9]

من خاوى المصلين صلى
ومن خاوى المولين ولى

[سَـطـر. @satar_9]

زين خد و طيب جد

[سَـطـر. @satar_9]

ياقرب صوتك ومبعد ديرتك مني
ياجعل من ورد الجوال فالجنه

[سَـطـر. @satar_9]

النهار اسمع لإبن باز واخشع فالصلاه
واخر الليل المواويل ديدن وحشتي

[سَـطـر. @satar_9]

اغلب حفيدين الشيوخ المشاهير
يستخدمون .. الاسم ما يخدمونه

[سَـطـر. @satar_9]

لا تخليها بواحد وهي تطلب ثنين
ياخي عش يومك مع العالم المتعايشه

لاتكبّر وانت مخلوق من ماءً مهين
جيت للدنيا على اثر طلقه طايشه

[سَـطـر. @satar_9]

لاتغثّ الناس فالتايم وفـ الاستوري
وانت تاكل من لحم ربعك كلتّك الارضه
'
ماضربت بكفّك الاّ يوم تضرب بوري
ولا عرضت بسيفك الا يوم تلعب عرضه

[سَـطـر. @satar_9]

يا سيّد الغيد لا تشْره ولا نشْره
حاولت اجي عند ضنّك بس ما امداني

اخرم مثل خرمة التايب على الدشره
واشتاق وعيونك الثنتين تشعاني

( رموشك اطول بواجد من شهر عشره
والمشكلة كل رمش احلا من الثاني )

[سَـطـر. @satar_9]

وراسي اللي فيه علج يهودي
لايدفع الجزيه وعيا يسلم