شجّاع

-

[شجّاع @sba8__]

مابقى في ساحة البال من ذكرى لقاه
غير تلويحة وداعه و خذلان وعده

[شجّاع @sba8__]

حببتني في حياتي واسلبت مني حياتي
وكل ما تطري عليّ ادعي لها وادعي عليها

قادر اتركها ولكن كيف بترك ذكرياتي !
وهيّ اجمل شي في دنياي واسوء شي فيها

[شجّاع @sba8__]

شدت معك راحة ضميري يوم شديت الرحال
ياغايباً مر وبنى له بيت ما مر وعبر

سألت الاطلال القديمة لين مليت السؤال
وماجاوب الا صمتها كنه يوصي بالصبر

مدري من اسأل تهت بين الواقع وبين الخيال
الليل ماعنده خبر والصبح ماعنده خبر

[شجّاع @sba8__]

تمره ذكريات ماخذتها نعمة النسيان
ويزعجه الحنين اللي امتلى به صدره وكنه

يضيق من النسيم البارد الى نسنس مسيان
ويصد بوجهه ويبعد عن وجيه العرب لانه

مضيع له ذهيب ضيعته ماهي بالحسبان
ولا يقدر عقب ما ضيعه ينشد حدٍ منه .

[شجّاع @sba8__]

والله انه ، ما يعذب مهجتي وإحساسي
غير . . فرقا اللي مصافيني وانا ودي به

دوروا . . لي عين ما تدمع وقلبٍ قاسي
والله ان اشتري الاثنين باللي هي به

[شجّاع @sba8__]

جنبوني سالفة وين رحت و وين جيت
وينك ؟..من لسان غيره تراها جارحه

يا كثر ما أدور أشباه له ! ولا لقيت
بين كل العالم الساريه .. و السارحه

أقدر أوزع على الناس حزني بيت : بيت
بس ما أقدر بـ إشتياقي .. عليه اصارحه

ما هقيت الحول بـ يدور باقي ما نسيت
كل يوم يمر ؟ كن " الفراق البارحه "

[شجّاع @sba8__]

ما عرفت احب غيرك يا الحبيبه الاولية
انتي ابداية مطافي فالهوى ، وانتي ختامة

بعد طالت غيبتك طلي بـ طلتك البهية ؛(
يوقف التاريخ عند اسمك وعز الله مقامة

[شجّاع @sba8__]

غايبة ليلة البارح , بقى كلمتين
الوعود القديمه " لا تخلينها "

ما ملكني شعور الا الوله والحنين
قاسمٍ قلبي الله يجبره , بينها

سلمي كل ماجات الفرص ، تسلمين
وغيري منهج الفرقى و روتينها

حتى لو ألمحك في وصلي تجاملين
بعتبرها جماله جات في حينها

[شجّاع @sba8__]

تحرّصتك بـ كثره خايفٍ من نظرة الحساد
واثر كثر التحرّص طيرّ القسمه من ارزاقي

[شجّاع @sba8__]

ليت الفراق وسالفة يوم الاثنين
مني على شان اتحمل خطائي

هزيتي اعماقي وبكيتي العين
ورحتي وانا عشت الحياه انطوائي

خطاك ماخلاني اقول لك وين ؟
حتى لو أفراقك يهدد بقائي

قلت الله يحفظك وهي كان تكفين
تكفين حالت دونها .. كبريائي

[شجّاع @sba8__]

صار إللي صار الله يهديني ويهديه
والله عطا ، والله خذا ، والله خلف

مهوب شرط ازعل إللي كنت ابيه
حتى لو أنه أخلف وعوده وأختلف !

من دون لا يزعل علي ، و ازعل عليه
القلب . . ما يرضى على الغالي كلف

والحب مثل الدين " لا إكراه فيه "
إن ما توافقنا ؟ عفى الله ما سلف

[شجّاع @sba8__]

والي قدم عيّنه يشوف الشمس تشرق مرتين
وشلون يرضى بعدها يشوف وحده كافيه ؟

- تساؤل

[شجّاع @sba8__]

عن كل حاجه لها معنى قِصر حبلك
ماكنت داري عن غيابي وعن وصلي

في كل موعد مواصل كنت اجي قبلك
وشلون في موعد الفرقا تجي قبلي

[شجّاع @sba8__]

من عقب كنت " الطموح " شلون صرت الخيار ؟
ومن عقب ما كنت فايز ، ب أي حق أخسر !

وعلى كثر ما تجرّعت الأذى والمرار
جسّرت قلبي ابيه يعافها ، ما جسر

[شجّاع @sba8__]

غير الصدف ماعاد باقي مواعيد
لا وقفة ولا لفتة ولا التفاته

تبدّدت واللي بقا لي على البيد
مغادرٍ ما غادرت ذكرياته !

اي والله اني فاقدك يا ابعد بعيد
فقدٍ على الله كيّته وعبراته

لا زال حولي من معه يكمل العيد
بس أنت كنت بعيني ( العيد ذاته )

[شجّاع @sba8__]

رغم معرفتي بـ شكل المرتحل والواصل
والظروف اللي تمسّك بك وتقطع سبلك

كنت اقول ان التعب مخلوف مير الحاصل
مالقيت اللي يشابهك .. بـ حلاك ونبلك

أنت في قصة حياتي كنت .. مثل الفاصل
صرت آعاني من بعدك وكنت آعاني قبلك

[شجّاع @sba8__]

يـ ارق حلمٍ بعّدته المشاوير
وش كانت ايام المحبه ؟ ووش كنت ؟

يوم اتعذّر لك واغني مقادير
ويوم اتهاون في غيابك ولا هنت

اللي تسميها معزه وتقدير
طمنتني فيها وانا ما تطمنت

كل الكلام اللي تسميه تبرير
جرّد مشاعرك الصريحه وبيّنت

ماهوب محزني عشانه معاذير
محزني انه كان جارح ومنك انت

[شجّاع @sba8__]

توادعنا وانا كاره وداعك وانت نفس الحال
ورحت امشي وفي صمتي ثلاث اصوات مسجونين

بكى واحد و واحد قال لاترحل و واحد قال
عسى ان تكرهوا حاجه وهي خيرٌ لكم بعدين .

[شجّاع @sba8__]

ياليتها ماتمادت .. بالنقاش العقيم
وهي تدري إني ببكيها وبكّيتها

مدري ورا الصدق طلعني بالشكل اللئيم
وانا أكثر إنسان صادق يوم حبيتها :)

[شجّاع @sba8__]

سرى اللّيل والذِّكرى ثلاثيّة الأبعاد
بعد ما تغيب الشمس تبدأ طواريها

على الساعة الثنتين في وقتها المعتاد
عسى الله يعين اللّي سواتي يعانيها

حنينٍ على الماضي وشوق وعنا وجهاد
وجمرة غضى لا هبّت الرّيح تحييها

يا كمّ ذكرياتٍ نزفها فالحنايا حاد
لو أتصنّع النسيان مانيب ناسيها

[شجّاع @sba8__]

خليتها بظروفها بأمرك وقفلّت النقاش
وصحيت بعد الكلمتين . . و شايفٍ معروفها