سعُود ابِن صَالح ..

بَعض المِشَاعِر يَصعُب شَرحَها ويَسهَل شَرح المِشاعر بَالقصيد

[سعُود ابِن صَالح .. @sdr_r1]

يون قلبي داخل الجوف وينوح
وما يسمع الونّه سوا رازق انفاسي
اشكي على الجدران والباب مفتوح
وابعد عن العالم وألملم احساسي
ربتني بنت شيخ على العز بـ طموح
اعاند اقشر الايام ما ينحني راسي
واضحك فالمعارك واباري ومجروح
وأحدّ سيف الغد ما ينهزم باسي

[سعُود ابِن صَالح .. @sdr_r1]

عاتبت لين العتب جرّح احساسي
واخطيت على نفسي كثر م اتحمّل
ي مدور العذر مني انا للخطا ناسي
العذر من قلبٍ اعطى ولك تجمّل

[سعُود ابِن صَالح .. @sdr_r1]

توعد وتخلف وتزعلني ولا تدري
وانا من اتفه اسبابك لك اتعذّر
دام مزعجك اللقى قول من بدري
ي تارك القلب طاير ومنك حَدّر

[سعُود ابِن صَالح .. @sdr_r1]

ابدّيك عن كل الخلايق واخليّك
مغرور م مثلك بين ناسي احد
وتبدّي كل الخلايق لو اناديك
وتصد عَن قَلبٍ هواك ولا جَحد

[سعُود ابِن صَالح .. @sdr_r1]

شاعرك بان القشر في وصوفه
من صمله الايام يصمل على الغير
ومعاك غصب قليبه لك يروفه
كأن ام عباس معك داخل البير

[سعُود ابِن صَالح .. @sdr_r1]

احتار شاعرك وضاعت حروفه
ما ينوصف مثل زينك لو بالكثير
ما ينوصف شي"ن" كل مَ اشوفه
اشعر اني وسط المعاتيه سكّير
خمر الحسن ماهو كل"ن" يحوفه
اقوى من الويسكي مع إيفركلير
ما يوصفك شعرٍ .. ولا ابيات محفوفه
تكفي عن الاوصاف " احبّك يَ عَسير "

[سعُود ابِن صَالح .. @sdr_r1]

شديت جفن العين اخفي الدمع
واثر الحزن من بين الاهداب يتناثر
سبايب قلبٍ تمادى بالمحبه جمع
وانت تطرح وتقسم بالمحبه وتّكَاثر

[سعُود ابِن صَالح .. @sdr_r1]

قلّي وش نوايا غيابك عن العين
تدري من بعد غيبتك ماني بطيّب
اسمع صدى النجوى بين ضلعين
"هذا علاج الروح وهذا القريّب؟"

[سعُود ابِن صَالح .. @sdr_r1]

ثلاث اعذار والهدف مجزوم أمره
مَ عاد لي شور ولا كلمه سوا اقدم
في ليلة كساها الغيم وهي قَمره
اراقب بنيان الامل له الايام تَهدم

[سعُود ابِن صَالح .. @sdr_r1]

كنت اتأمل عيونك غصب
واسمع كل حرف قبل قوله
كأن المفارق علينا نصب
ولك راح اشتاق وراح أوله

[سعُود ابِن صَالح .. @sdr_r1]

انشهد ان عيدي بطيوفك حوا
يكفي دريت انك اليوم متهنّي
انت سبايب جرح ملعون الثوا
وانت علاج جرحي الي امتحنّي

[سعُود ابِن صَالح .. @sdr_r1]

اتفقنا ان المحبه بيننا تبقى سوا
وعاهدت اني عشانك دوم متعنّي
وان طلبت الروح تروح لك هوا
يا كيف ارد القلب والقلب منّي
وان قلت "لا" نفسي ترد .. بـ لوا
يا خيبه آمالي يوم اعطيك وتمنّي
كأنك لهم غيمه والكل منك ارتوا
وانا لك الضامي ولا دريت عنّي

[سعُود ابِن صَالح .. @sdr_r1]

واعزي لراس عاند جميع الناس
وأطاع امرك يا سارق القلب منّي
سبحانه كما ابدع وجاعلك لي سَاس
ابدع في وصوفك وفيك امتحنّي
واذا هي المحبه قيد وتعقّد الراس
احكم علي بـ جنايه حب واسجنّي
وخلني بين ضلوعك وفيك احتاس
ولا ينوجد حسّي ولا ينسمع عنّي

[سعُود ابِن صَالح .. @sdr_r1]

اخفي عليك كبر الحزن واتناساه
واضحك ليا اقبلت يا ملين اوجاعي
لا تزيد المعاتب .. حملي ما بتقواه
خلني اشفى بك وخليه ب اضلاعي

[سعُود ابِن صَالح .. @sdr_r1]

شوفتك تنسي القلب عنا همه
وتخلي شعور الفرح داخلي حي
يا اريش العينين يا احساسٍ اضمّه
واخفيه بين الضلوع والعيون تعي
وان قلت احبك لا تقولين بالذمه
انا من كثر حبك ما بيوصفه شي

[سعُود ابِن صَالح .. @sdr_r1]

اشكي عَليك اليَوم هَمّي لعلّك
تروِي المَهموم وتَشفِي جراحَه
يا كيف تَطعن قَلب امتلى منّـك
وتَسقِيه مرّ الهَرج وتصِير ذبّاحه

[سعُود ابِن صَالح .. @sdr_r1]

بمشي بكيفي وكيفي يمشيك
ملعون ابو عيبٍ للناس حجّه
بيموت ليّن الراس ولا بيغنيك
ويبقى لــ معانِد القوم .. لَجَّـه

[سعُود ابِن صَالح .. @sdr_r1]

ولعي بضلوع صدري وانا حيّ
ولا تنطفي نارك ولو تقضي عليّا
لأجلك احلام ماهيــب لـيّ
واجاكر نجوم السما فالعليّا
ياما بغيت وظروف الحياه تعيّ
واقول ان باب الحزن قفّل عليّه
وألقاك مثل السحابه تروي الحَيّ
ومن بعد الشقى تهديني الفيّه

[سعُود ابِن صَالح .. @sdr_r1]

يا هبوب الهوى بنشدك عن خِّلي
صاحب عذاب القلب شاغلٍ بَالي
إن مشى وسط الاحباب ينتظر ظِّلي؟
ولا انا هاوي شقى المحبه لحالي

[سعُود ابِن صَالح .. @sdr_r1]

احلفلك بـ رب الكون غيره وش بَغيت
يَ مكذِّبــ"ن" قلبي فَالمحبَّه والهوى
يا لَعنة عيوني من شوفك مَ اكتفيت
يا سيّد الحسن .. مِن ذاقك مَ ضَمى