❇️ وصلت خاصية Username في WhatsApp 😍
الآن تقدر تتواصل مع اي احد بدون مشاركة رقمك 👌
لحجز اسم المستخدم:
◀️ حدث الواتساب
⚙️ ومن الإعدادات > الحساب > اسم المستخدم
✍️ اختر الاسم المناسب واحجزه
⏳ إذا ما ظهرت لك الميزة، انتظر راح توصل لكل المستخدمين تدريجيًا
. #واتساب
يقضي العالم جُلّ عمره يجمع مكتبة يعتمد عليها في طلب العلم وإنتاج المعرفة حتى إذا أخذت مكتبته زخرفها وازينت وآتت أكلها وعمرت بالطرائف والنوادر وانثالت عليها الجياد من كل حدب وصوب انتهى عمر صاحبها فأخرجها أبناؤه بسبل شتى أمثلها إيداعها إحدى المكتبات العامة،وكثير منا يعرف كيف
النرجسي الخفي: وجه "ملاك" ونيّة "هلاك".. كيف تكشف اللي يمثل الطيبة؟
مر عليك شخص الكل يمدح طيبته، والكل يحلف بحياته، ويقولون عنه "يا أرض احفظي ما عليك".. بس أنت الوحيد اللي تحس بـ "كتمة" وضيق إذا قعدت معه؟
أنت ماهو موسوس، ولا أنت ظالم.. أنت غالباً طحت في فخ "النرجسي الخفي".
وش سالفته؟
هذا النوع أخطر بمراحل من النرجسي الواضح (المتكبر).
النرجسي الواضح يجيك رافع خشمه فتعرف كيف تصده، أما الخفي يجيك بعباية "المسكين" أو "المضحي" أو "الناصح الأمين".
يدخل حياتك بنعومة، ويسحب طاقتك بابتسامة.
كيف يلعب عليك؟ (التكتيك الخبيث):
١. فخ "أنا ضحيت عشانك"
يعطيك ويفزع لك بدون ما تطلب، ماهو لوجه الله، لا.. عشان يملكك.
بعدين يبدأ يبتزك عاطفياً: "أنا سويت وسويت، وبالأخير كذا تعاملني؟".
يخليك تعيش بـ "عقدة ذنب" دايمة، وتحس إنك جاحد وناكر للجميل مهما سويت له.
٢. يمدحك "بذم" (السم في العسل)
كلامه ظاهره مدح وباطنه إهانة.
يقول لك: "ما شاء الله عليك قدرت تنجح مع إن إمكانياتك جداً محدودة!" أو "لبسك حلو بس لو نحفت شوي بيطلع أجمل".
يعطيك كلمة حلوة ويدس وسطها سكين، ويخليك تشك بنفسك.
٣. دور "الضحية الأبدية"
مستحيل يعترف بغلطه. إذا واجهته بحقيقته، يقلب الطاولة ويصير هو المسكين المجروح، وأنت القاسي الظالم. يبكي ويشتكي للناس عشان يطلعك بصورة "الوحش" وهو بصورة "الملاك المظلوم".
٤. العزل الناعم
شوي شوي يكرهك في اللي حولك بأسلوب "النصح".
"فلان ما يحبك"، "فلانة تغار منك".. لين يخليك وحيد ما لك إلا هو، وهنا يضمن سيطرته الكاملة عليك.
الزبدة:
النرجسي الخفي مثل "النمل الأبيض"، ياكل أساسات بيتك (نفسيتك) من جوا وأنت ما تشوف إلا الجدار نظيف، وفجأة يطيح البيت كله.
خلك حذر:
"السم يبقى سم.. حتى لو انحط في كاسة ذهب."
لا يغرك الكلام المعسول، العبرة دايماً بالأفعال والأثر اللي يتركونه بقلبك. إذا وجودهم يمرضك، اهرب بجلدك حتى لو قالوا عنك مجنون
كتاب علاقة العقل بالأمعاء – Mind-Gut Connection:
من أهم الكتب اللي تفتح لك زاوية جديدة لفهم جسمك وكيف يشتغل من الداخل. الفكرة الأساسية إن العقل والجهاز الهضمي بينهم شبكة اتصال ما توقف، وكل شيء يصير في جهازك الهضمي ينعكس على مزاجك، طاقتك، تركيزك، وحتى مظهرك الخارجي مثل البشرة والشعر والأظافر.
الكتاب يشرح كيف إن البكتيريا النافعة اللي تعيش في الأمعاء لها دور كبير في تنظيم الالتهابات، امتصاص الغذاء، وحماية الجسم. والأهم إنها تأثر على المواد العصبية المسؤولة عن المزاج والسلوك.
يعني لما تهتم بأكلك وصحة أمعائك، أنت فعليًا تعالج نفسك داخليًا وخارجيًا.
الكتاب يعطيك نظرة قوية عن كيف تبدأ بالعلاج من الداخل، وكيف تربط بين صحتك النفسية والجسدية بطريقة سهلة وممتعة.