س

يالله عساني مع هل القول فارق..

[س @sen_poet]

احلى قصيدي قايله في عيونه
من زينها تذبح جميع المخاليق

اهواه واحيا به واجي دوم دونه
وما ارضى عليه من الزعل واصغر الضيق

واجد يحبونه وواجد يبونه
وانا هواه من الرجال المطاليق

احلف برب البيت ما راح اخونه
مادام شلت من الوفا فوق ما اطيق

#س

[س @sen_poet]

على متونه اسودٍ كنه الليل
غطا على جيدٍ كما الصبح ضيه

هذا هوى روحي غرام المقابيل
هذا حبيب العمر واحلى هديه

يا حلو عقب البعد زود المواصيل
خلت جميع ايام عمري هنيه

بأسباب منهو كاملٍ بالتفاصيل
بالعين وخدوده وحمر الشفيه

وش عاد لو تشره علي العواذيل
يلقون غيري وسط نجد العذيه

#س

[س @sen_poet]

لا تنشديني يا حياتي عن الضيق
بإذن الإله تزين واوصل مرادي

ما دمت انا في خير وانام وافيق
عادي لو ان مرات يكبى جوادي

قد شلت من هم الزمن فوق ما اطيق
من عقبها كل ما جرا صار عادي

#س

[س @sen_poet]

اقدم اقدم يا صليب الراس يا زبن المجنا
ما بعد صبر الحليم الا عطيبات الضرايب

في ظلالك شعب صادق كفهم سيفٍ محنا
لا وردنا الحرب جيشٍ ما جمع خايب وهايب

#س

[س @sen_poet]

رفيقنا مايتعبه وقته ان جار
حنا سناده فعل ماهيب أقاويل

مع الرفيق ولا نقدم له اعذار
خطوا قناديله ليا تاه بالليل

بيض الوجيه متعبة شقر الامهار
مانستمع لأهل الحسد والعواذيل

نزرع لصاحبنا بختري ونوار
وللي يعادينا سيوفٍ مصاقيل

#س

[س @sen_poet]

بالله يا ناسي .. وش حل هالقاسي
خلٍ هجرني وانا مغرم وهيماني

ما خاف من ربه .. بقلب من حبه
يومٍ حبيبٍ وعشر ايام قوماني

#س

[س @sen_poet]

زولك الشمس ولا زولك الجنّه ؟
ماعاد والله يا اتلع الجيد ندري

ادري قصيدي يم وجهك مغنّه
وانك هنيا ساكن بوسط صدري

خلك حبيبي ما اختلف فيك ظنّه
والحب يبقى يا هوى الروح عذري

حاشاك ما ارجي عند غيرك محنّه
لو كثروا الاحباب حولي فلا ادري

#س

[س @sen_poet]

مالي سواك بجملة الناس خلان
وحدك وسط قلبي وفكري وعيني

في غيبتك قلبي على الكل زعلان
ويرضى على الدنيا لا صرتي تجيني

يافرحةٍ جتني عقب زود حرمان
من قبل اشوفك مظلماتٍ سنيني

ياوردةٍ محمية بوسط بستان
محدٍ قطفها غير راحة يديني

لولا وجودك كان هالعمر مازان
يافرحة القلب الشقي الحزيني

#س

[س @sen_poet]

حنا هوينا كل وصف انوصفته
من خدرة عيونك ليا بارق الجيد

يا نور عمري كل نورٍ كسفته
نورك فرق عن جملة الناس والغيد

من عقب وجهك كل مزيون عفته
بأسباب شوفة شفتها بأول العيد

ما غيرك اللي بالقصايد نصفته
لانك على كل العذارى ترا سيد

#س

[س @sen_poet]

ما فقدت اللاك من كل الوجيه
وان حضرت العين ما تلمح سواك

لو يبيني الغير نفسي ما تبيه
وين ابلقى من يشابهك بحلاك ؟

ولو يجيني الغير والله ما اجيه
ما روت عيني ظماها الا بلقاك

ما هويتك غير من قلبٍ نزيه
ساق له ربي محبتك وهواك

#س

[س @sen_poet]

العيد شوفك يا بعد كل غالي
يا اغلى واعز اللي يمرون بالبال

دامك معي يا طيب عمري وفالي
يا معطي العاشق جميلات الآمال

وش لي بغيرك دام تبغى وصالي
غيرك نشوفه يا هوى البال تمثال

ما دامك بقلبي ف ابد لا تبالي
امر علي ويرخص الحال والمال

#س

[س @sen_poet]

عيدكم مبارك
كل عام وانتم بخير 🙏🏼

[س @sen_poet]

عبدك دعاه الذنب والدمع والخوف
ويرجيك غفرانك وجزل العطايا

كل شي لا اقفى صاحبي راح مخلوف
الا غضب رب السما والبرايا

يالله يالمطلوب ياللي لك نطوف
نبغى رضاك ودمح كل الخطايا

#س

[س @sen_poet]

يمكن تلاقي عقب صدي محبين
لكن ما فيهم يسوي سواتي

عطيت لك قلبي وسكنتك العين
وعطيت لك عمري وفرحة حياتي

وآخر ماجاني منك يا مودع البين
انك تعاديني وتنصر عداتي

عشرتك والله مالها اليوم تثمين
من عقب ما اعطيتك هواي وغلاتي

رفعني الله عن دروب الرديين
واللي ما يحشم طيب قلبي وذاتي

#س

[س @sen_poet]

الشعر له في داخل القلب منزال
ما يبعد الا جا بعذب الفرايد

اما طرب ولا يجيني بغربال
مافيه شيٍ منه جاني محايد

بالوصل به يا ناعس الطرف ابحتال
واجيك بالجزلات والقاف جايد

ان ما غديت بحبك اليوم مختال
وبين العرب بالحب فارق وسايد

ولا بلاش من المحبة والآمال
ابعتزل قافي وبدع الجدايد

#س

[س @sen_poet]

مرتني ايامٍ عسى ما تمرك
فيها حزن وهموم ودموع وآلام

لو شفت ضحكاتي ابد لا تغرك
ضحكات ثغري كلها صارت اوهام

اللي نشدني قلت حالي يسرك
مانيب ابين له صواديف الايام

والحزن متمركي هنا ما تحرك
والقلب من كثر الغرابيل منضام

#س

[س @sen_poet]

اللي يقول انا بحبك تمكنت
اسهل علي اتركه وانسى وجوده

والله ما باقي على القلب غير انت
ينسى كبيره ويتجاوز حدوده

لا تحسبني بعشقك لا تبينت
القلب للنسيان عقلي يقوده

روّح مراح الطير يا عنك هوّنت
وقتٍ معك يا جعل ما الله يعوده

#س

[س @sen_poet]

صاحبي وسط الظلام
كم تنقّض من جروح

مابقى عندي كلام
كل جرحٍ بي يبوح

يوم فقدك ما يلام
صوتي اللي لك ينوح

ليتها ساعة خصام
تنتهي بضحك ومزوح

كان قلبي في سلام
ما شكى الوقت الشحوح

#س

[س @sen_poet]

عطيتك الروح والخفاق وعيوني
وعطيتك اشيا لغيرك مقدر اعطيها

خليت حبك وحكيك محور لكوني
والساعة اللي تجيبك جداً اغليها

وفآخر العمر ياجهري ومكنوني
تشوف لك فرصةٍ وتهدني فيها

لا عاد تذكر هواي وشدة جنوني
ومحبتك ليت محدٍ يوم يطريها

الله يعوضني بناسٍ يحبوني
ومحبتك داخلي عساني امحيها

#س

[س @sen_poet]

اهواك يا هلال السعد وافتخر فيك
واصرخ جهر واقول عشقي هلالي

فارق على كل النوادي ونغليك
واسمك على كل الجماهير غالي

#س
💙🤍🏆

[نادي الهلال السعودي @Alhilal_FC]

🏆 #الهلال بطلاً لكأس خادم الحرمين الشريفين للمرة العاشرة 🤩

مبروك يا زعماء #أغلى_الكؤوس 💙👏

#الهلال_91_بطولة 🥇