SF

[SF @sf_034]

أبكيك يالحمامه اللي تنوحين
من قال لك من فوق الأغصان نوحي ؟

أوحيك دايم لاصبح الصبح تبكين
وياليتني كل ما أصبح الصبح ما أوحي

أكره ما فـ إيامك يالأسبوع الأثنين
يوم أختلط حزني وخوفي و بوووحي

أبي الوصال ولا آدري أجيه من وين
وأبي الفراق ومستحي من جروحي :)

- عبدالرحمن جزا

[SF @sf_034]

الهوا و معاتب الاحباب . . قافل بابه
والغلا لـ عيال عمي والرفيق الغالي :)

- سلطان الهاجري

[SF @sf_034]

حطني في وجه حضنك من صدوف الليال
تايهٍ لا اخطيت من ضمتك وين أغدي؟

مستعد أبيع عمري لاجل كلمة تعال
في رجا ليلي وصبحي و( ريحة معْبدي )

والعيون اللي هدبها ينادي للقتال
صوّبتني بـ اللواحظ و بيّحت جهدي

وإن شعرت بيوم في حبنا بـ الابتذال
ردني لأول جروحك ترى صبري مدّي

[SF @sf_034]

كيف اهدك للمقادير وانتي راس مال
راس مال ومال والمال ما يعطى السفيه

حافظك حفظي لعيني ورمشي لك جلال
وانتي تشحين بالماء وانا شفي مويه

شايف ظلمك وساكت وطال الليل طال
لاتركتي طعن قلبي وانا ما قلت ليه

[SF @sf_034]

ليا غبت عن عيني لحقني تعب و خلاف
و إذا جيت ؟ خليت التعب كله إخلافي

مافي صيدليات الدواء للجروح إسعاف
عوض صيدليات الدواء " حضنك الدافي "

_ فالح ابو عضيده

[SF @sf_034]

ترى لذيذات المراجل مباكير
الطيب و ان فات أوله فاتك أتلاه

- مرشد البذال

[SF @sf_034]

"فرصتي ويقة حرارٍ على ماكر حرار
ما يعوّد فالمحل الربيب الا البعير"

- بن جدلان

[SF @sf_034]

لو الشجاعه تجي من زين لبس اللبوس
يمدي العذارى تهوش وتفتل اشنابها

محمد بن شلاح

[SF @sf_034]

رغم ما مرني منك تراك معذور
مير خل العروق الضاميه ترتوي

ياحبيبي ترا الدنيا محطة عبور
كم خذت من ضعيف وكم خذت من قوي

[SF @sf_034]

من حاسب الناس عن سابق خطاياها
يقعـد بـدارٍ خـلى ما داج .. دايجـها

- ابن زويبن

[SF @sf_034]

الطواري كل مطلع صبح ..تسرج قبّا
والغلا مثل الشجاع اللي ما يِثلم سيفه

وانت ياللي من خلقْك الله عسِر ومخبّا
البرود اللي بدون أسباب وش تعريفه؟

كان قلبك من ضغوطات الحياه معبّا
وش يقول مكافح الدنيا شتاه وصيفه

الشعور..إلى كبر سِنَّه مَ عاد يصبّا
لاتطوفه نشوة الحب القوي..وآعيفه .

[SF @sf_034]

الشدايد لعبة كبار الاشدّه
والزمن فتّاك والغافل يعاني

لو تهادى بين لين وبين شدّه
ما لراعي الوجه الابيض وجه ثاني

البشر يظهر مداها بعد مده
لاتغرك في الرخا روح التفاني

ماتخفيّه الصدور سنين عدّه
تكشفه بعض المواقف في ثواني

[SF @sf_034]

احسب انه تنحى بك زمان الغرور
واثر منت بعلى طول المفارق قوي

اثرك الجوهر اللي معدنه ما يبور
ياخويٍ ما غيره في حياتي خوي

لاجل حبي وحبك ما تضيق الصدور
كل شيٍ على عشان الغلا يستوي

انثر الليل الاسود وانس باقي الامور
لهفة الشوق تكويني بكبدي كوي

- سلطان الهاجري

[SF @sf_034]

عطّ الليل فرصة من جديلك ياروح الروح
معك ودّي إن الشمس تشرق بعد بكره

أنا اشفق على "لبّيه" من صوتك المبحوح
لا حلّ الظلام وعوّد الطير في وكره

تحت عنقك الفارع ورى زرارك المفتوح
ما باقي عليّ إلّا ألحق السكره السكره

يغني على شباك دارك : حمام الدوح
وأغني عليك : البيت والقاف والفكره .

[SF @sf_034]

لو كان أستغيب اسمك معي حاضرٍ ما غاب
واللي يدلك إنه وصل ذروة الاهميه

ما ذعذع علي من النوايد نسيمٍ هاب
ألا مامعه من ذكرك العّطر برقيه

-مطحس بن حمد

[SF @sf_034]

الطواري كريمه وانت وصلك بخيل
والزمن دار بي و الحال بعدك نحل

لا تسيّر علي . . مسيار " عابر سبيل
وانت بين الضلوع العوج راعي محل

[SF @sf_034]

حكم الغلا خلّاك تطعنّي وأنا اللّي مستفيد
فديتك انت وكل طعنه من يدك فديتها
• سلطان بن وسّام

[SF @sf_034]

غيرك ما ننشد عن صدوده ليا صد
اللي تحبه " صدتك منه " هجران

تبغاني أعلمك قيمتك من جد ؟
كنك علي محسوب من خمس الأركان

_ سعد بن جدلان

[SF @sf_034]

مادامني لك مليك و ترفض إعتاقي
من يكسب الكنز عاش ومات ما باعه

لا يااا بعد عمري اللي راح و الباقي
يا جعل يومي قبل يومك لو بساعه

ضيدان بن قضعان

[SF @sf_034]

يا سِعد عينٍ تلمحك في ضحى العيد
ترفل بنفنوفٍ توشّى عفافك

يا موقّف الدنيا و اهلها على حيد
ما فيه احد قدْ مرّ جنبك و طافك

محسود من شافك من بعيد لـ بعيد
و شلون عاد اللي من قريب شافك