د.شـعـور 🗣🇰🇼

"الدايم الله وكل شمس تاليها غروب "

[د.شـعـور 🗣🇰🇼 @sh3or4]

العمر لحظه والليالي توافيق.

[د.شـعـور 🗣🇰🇼 @sh3or4]

حقق احلامك لو الحظ و الواقع كئيب
ولا تراخى لين توصل على باب الهدف

ماحدٍ جاته حياته بـ عفويه وطيب
جات بالجهد المضاعف و ملعنة جدف

[د.شـعـور 🗣🇰🇼 @sh3or4]

انت حبك مرتبط في حب ذاتي
اعمق من اعجاب و اصدق من موده

انت تسع اعشار مجموع امنياتي
امنياتي الماضيه و المستجده

انت صوتي وابتسامي و التفاتي
للحنين الي ماوقف عند حده

انت مستقبل جديد لذكرياتي
والوحيد الي عجزت اكون ضده

[د.شـعـور 🗣🇰🇼 @sh3or4]

@a_r3rs عليك حبيبي

[د.شـعـور 🗣🇰🇼 @sh3or4]

على وجهك من إسهاب الكلام ولوعة الكتمان
مايجبر شاعرك، يغوي بشر و يهيم في وادي

عرفتك و الهوى طيشه عنيف وضحكتك طوفان
بغيت أقاومك و اللي يقاوم ضحكتك غادي!

على غفلة من عيون الحرس يادرة النعمان
عطيتك مايفرح صاحبي ويغلّ حسادي

أحبك و العمر صبره سجين وسطوته سجّان
مع غيرك؟ حدودي ثابتات ومعك متمادي!

تشوف الليل و الصبح الندي، وأشوفهم سيَّان
معك مانيب أشوف إلا الجروح ووجهك الهادي

تناسى ضحكتي، شعري، ظروفي، بيتي الريان
و لكن لا تناسى وجهي، و تاريخ ميلادي!

يهون اللي يصير إن عاد لي وسط الوطن عنوان
يجدد سيرتي صبح الحنين إن غطرف الشادي

[د.شـعـور 🗣🇰🇼 @sh3or4]

تنقيتك ؟ ابد والله ، عَبرت و شفت قلبي طاح
بغيت أشيله و طاحت تنادي بأسمك عظامي

أنا صحراي جفت من زمان الين برقك لاح
و صارت جنةً خضرا بوادي صدري الضامي

أكذب صوت عقلي كل ما قال الحظوظ شحاح
و أصدق صوت قلبي " رُبَّ رميه مالها رامي "

مشيت لباب قلبك ما بيديني للوصل مفتاح
ما شالت هالكفوف الا أربعه خامسهم بهامي

و لكن جيت اجازم في سبيلك بأخر الافراح
لعل الله يبيض في وجودك وجه الايامي

و إذا حبّك غدا همي ياجعلك هم ما ينزاح
انا قلبي عصاني لك ؟ شلون اطيع لوّامي

أضيع ربكتي حولك بـ دور الضاحك المزّاح
أخاف تلاحظ عيوني شغلتك في تبسامي

تفاصيلك الاحظها شلون بفطنة اللمّاح
و أنا اللي فاهي وعيه يعيش بقلب متعامي

من المشية تصدق صرت أعرفك ضايق أو مرتاح
من النظرة من الكلمة من الخطوات قدامي!

غريب الحُب و الأغرب إذا عشته مثل الاشباح
غريب الحُب كيف إنه يميت و يحيي أنسامي

يعز اللي عروقه من خسارة ما يعرف ارباح
ويضيم اللي مواخيذة مافيهم شخص منضامي

ياحلو الصمت لو أنه تحت صمت الشعور نواح
أخاف تجف صُحفي لا حكيت وترفع اقلامي

يروحون و يجيب الله على دربي كثر ما راح !
و لكن ما خذا غيرك بـ عمري نزعة هيامي

كأنك منخلق من ضلع قلبي اندماج أرواح
ما بيني و بينك أحساس غريب أغرب من أوهامي

أنا جيت أسكنك "موطن لحد " ماجيت لك سواح
لقيتك منشأ الحب الأخير و ريحة أحلامي

[د.شـعـور 🗣🇰🇼 @sh3or4]

معك من وين ماودك بلا مرسى ولا ميقاف
معك لو مالت أوراق الشعور المنهك الذاوي

معك حتى لو سنين بحنين الماضيات عجاف
معك حتى وأنا مدري علينا الوقت وش ناوي

معك لو غاب درب اللقى وبعدنا ميلاف
معك لو خاننا التوقيت وأحتار الزمن ناوي

[د.شـعـور 🗣🇰🇼 @sh3or4]

علّم عيونك لاتطوّل في الكلام ولاتقول
من قبل أعرفك مابعد شفت النجوم القايله

خلك ترد العلم عنّي قبل سالفتك تطول
رد الرواه اللي يردون الكلام لقايله

ضيّعتني ضيّعك ربّي في مضيّعة العقول
من يوم أخايلها .. وأنا ماكل برق أخايله

وأن ضيّعتني ضحكةٍ بشفاك .. يادين الرسول
غديت ملحٍ ذاب فصّه في الشعاب السايله

وحلمت بأنّك عرش في قلبي على كف محمول
وفسرتها !! أن العرش هو حبّك وأنا اللي شايله

وليا نشدت الناس قالوا : يامغفّل يامهبول
حلمك بعيد ولو تمد إيديك منتب طايله

يارجل وجهك بالرضا والمسك والنور مغسول
من حيث لاتعلم عمل فيك الزمن عمايله

مامات من ظلم الغرام إلاّ الحياوي والخجول
تحدّهم سو الطوالع في الحظوظ المايله

غاياتهم تحبس وتبقى في خواطرهم تجول
مثل الذي يمشي على ستايل مهوب ستايله

مدري ملكتك ماملكتك والتباهي والفضول
يقول مالا تنتظر ياجاي لك !! ياجاي له

خل الحسود يموت في ثوبه يقول أو مايقول
لا واهني اللي يحط أسمك بكرت العايله

[د.شـعـور 🗣🇰🇼 @sh3or4]

بقى لي ثلث ليل وزلّ من عمر المسا ثلثين
تحت غدراه عقرب ساعتي مايمشي، يحوبي

دعيت، من إبتهالات الدعاء الى آخر الـ آمين
وذكرت الله وأنا خطوبي كبار وهانت خطوبي

ياربّي وان ذكرتك حنّ لك خافق ورفّت عين
وطاحت دمعتينٍ ما سترها الَّا طرف ثوبي

يحرّضني هوى نفسي الين اغوي مع الغاوين
وأعوّد لك ! وتغفر لي خطاي ، وتستر عيوبي

أحبك وان عصيتك من هوى دنيا وقلّة دين
تمثناني شعور الخوف من راسي لعرقوبي

دخيلك لا تخليني لحالي ، لـ الزمان الشين
أنا مالي صبر عن رحمتك، لو صبري ايوبي

تولّاني بـ عفوٍ ، ( يعتق رقبتي ) بـ يوم الدين
وهب لي من لدُنك اللي يبدّد وحشة دروبي

دعيتك والكفوف المستغيثة خاليات يدين
يا ربّي لا تعوّد خاليات الَّا من ذنوبي

[د.شـعـور 🗣🇰🇼 @sh3or4]

-

على دفا صوتك يمّر الليل ، مرور الكرام
والليل تطويه السوالف ، والسوالف لي قبل

أزف لك ، كل المحبة والمودة والسلام
أمّا بعد : أحبّك ، وأمّا قبل أنسي قبل

صدّي عن الفايت ووليّ الجاي كل الأهتمام
ولآ لك ألا زلةً تدمح ، وعذرٍ ينّقبل

بـ أيام وصلك عوضي عيني عن أيام الخصام
وعلى جفاف الروح ، صبّي صبّ همّال الوبل

أنتي غمامة حُب ، واللي خالقك منشي الغمام
عليك شرهات الشجر لآ مات ، والورد أن ذبل

أعلنت لك كل الغلا ، حملت لك كل الغرام
خاويتك بـ كل الطرق ، راضيتك بـ شتى السُبل

وإذا أمتلى صدري غزل ، ولآ أمتلى صدري ملام
أنا النبيل اللي بـ حزنه نُبل ، و بـ فرحه نُبل

خليني أخبّي شعوري عنك في بعدك مدام :
في قربك يصير أوضح مْن النار في راس الجبل

وكلمة أحبّك ، تاج في بالي ، وفي صدري وسام
متكوّنه من أربع أحرف ، مدري من أربع قُبل

متعلّقه فـ حبالي الصوتيّه ، فـ كل الكلام
تهدّ يدها من حبل ، وتشدّ في يدها حبل

وعيونك اللي كنّ صف رموشها صفة إسهام
لا سلهمت لي ، سلهمتها كنّها مسة نُبل

بتنام ، وبتصحى ، وبإذن اللي عيونه ما تنام
مثل ما حبّيتك قبل ، بحبّك أكثر من قبل

[د.شـعـور 🗣🇰🇼 @sh3or4]

انتي الهوى وكل الغلا
وانتي الحياه و الممات

يا ماخذه الزين و الحلا
يا جامعه كل الصفات

لبيه و يا لبيه ويا هلا
بزينك الي تخطى السماوات

[د.شـعـور 🗣🇰🇼 @sh3or4]

ما تستاهلين القصف يا درة الاوطان
عسى اللّٰه يلعن من عثى بك ومن خانك

تهوى عليك الشر من مجتبى و ايران
وظلّم سماك النيّر و ثار دخانك

وثارت شيمنا دونك و برّزت الاكفان
ما يرضى عليك الهون جارك وسكانك

تعالي وحنا دونك نجابه العدوان
علي الحرام ان ترخص الروح من شانك

[د.شـعـور 🗣🇰🇼 @sh3or4]

يابنت لو غيرك عطاني ذهب وجود
ماهزني لو يملك الأرض و آتي

انتي لحالك بالهوى لك عهدٍ معقود
غيرك سرابٍ ماتعدى نظراتي

ما بيننا حبٍ يجي و يروح بحدود
الي بينا عمرٍ كتب كل الحكاياتي

ولو بينا بحر من الخوف ممدود
اخوضه ولا اخشى عناي و شتاتي

ولو حال دونك الف سيف و جنود
اقبل عليهم لين تنحني راياتي

ولو يطلبون مهرك الروح و الجود
اعطي ولا اندم على كل ما آتي

[د.شـعـور 🗣🇰🇼 @sh3or4]

ودي اعطيك من ايام عمري زود
واخذ عنك كل ما يحزنك واشيله

وابعدك عن جور الايام السود
وما يلمسك الزعل بأي وسيلة

[د.شـعـور 🗣🇰🇼 @sh3or4]

لا شاف فالسجل إتصالك
ينطق بـ قولة حي ذا العين

قلبـي لك لحـالك حـلالك
يا مهجتـي يا قـرة العيـن

[د.شـعـور 🗣🇰🇼 @sh3or4]

يامدور عن عيوبي منت لاقي في عيوبي
غير وقفة ماتوقفها أنت واللي خلفوك

ياكثر من حط دوبه يصلع القله ودوبي
يوم جاب الوقت راسه قال انا بوجهك يخوك

ولان قلبي واحمد الله غير عن كل القلوبي
قمت في سده لزومه قومه اولاد الملوك

يذكر الشيخ الشمالي فزعتي قبل الجنوبي
ولو نشدت اقصى ربوعك عن علومي علموك

[د.شـعـور 🗣🇰🇼 @sh3or4]

أدمح لي الذنب تكفى يا أجمل ذنوبي
ياذنب لو لي عمر ثاني ابي أرتكبه

أنا وقعت بغلاك و تاهت دروبي
ايّات دربٍ تبي تسلكه بـ أسلك به

ما تشوفني مختلف ومغيّر أسلوبي
و أجيك مغيّر الديزاين و السكبه

عشان لاجيت صوبك تلتفت صوبي
و تخصني فالغرام اللي نخصك به

أقلط بقلبي شفّ نفسك يا رعبوبي
تلقى مميز عن العالم محلك به

لا تشك في حبي ولا تقلّ ماجوبي
و أنا عليّ نذر يا حبك ما أشكك به

لو أعذلوني و حطوا بك و حطوبي
غلاك فالقلب ماشيءٍ تحرك به

و لو حطوا الناس دونك دوبهم دوبي
ما أتركك حتى يصير الدم للركبه

مادمت محبوبك ومادمت محبوبي
مصيرنا غيرنا محدٍ يشارك به

وش تنفع الناس لو ضيعت مطلوبي
شيءٍ ماهو يجمع الشملين وش لك به

لو قالوا الناس عيب أنت أجمل عيوبي
يا حلو عيبي ليامن صار وصلك به

لو قالوا تتوب .. لا والله ما أتوبي
مؤمن بحبك و هرج الناس مشرك به

صرت أقرب لخافقي من جسمي وثوبي
في كل يومٍ أجدد فيه حبك به

من صوتك العذب مأكولي و مشروبي
ولو غاب قلبي هجير الشوق يفتك به

خطرٍ عليّ من هواك مشقق جيوبي
دموع عيني على طاريك منسكبه

حتى مقاريد خلق الله تهزؤ بي
الكل ينظر على حالي و يضحك به

عاشق ولاحاصلٍ لي شوف محبوبي
انشهد أني أنكبت والنكبه النكبه

[د.شـعـور 🗣🇰🇼 @sh3or4]

@2ttttl تميس

[د.شـعـور 🗣🇰🇼 @sh3or4]

يا جعلك من نصيبي وتكمل لي الأفراح
وتصير عمري لا ضاقت علي الدروب

أشوف بك دنياي وأطوي معك كل جراح
وألقى معك راحتي لوزانت أو شحّت قلوب

يا زينها لا مر طيفك على الروح وارتاح
معك الفرح غير ومع غيرك ذنوب

أحبك كثر ما الليل يعانق مع الصباح
وأغليك حب ما يعرف حدود ولا غروب

[د.شـعـور 🗣🇰🇼 @sh3or4]

@abalsubai @Sary_q8 😂😂😂😂😂 كفو