ماتسولت السعادة من أحد ..
وما لأحد منّة على بسمة شفاي
وإن تعبت السبت بطيب الأحد
وإن بكيت اليوم ، يوم السعد جاي
ماكرهت إنسان لو جار وجحد
هقوتي ماتبعد اكثر من غَطاي
ولا رجيت إلا رضا الفرد الأحد
في رضاه إليا رضى عني رضاي
لاتتصل بي طابت النفس يازين
الله يسهل لك طريق السعاده
النفس ماتغصب المشرب الشين
أيضا ولا لي فيك شفٍ وراده
من أولٍ أمرك على الراس والعين
أهديت لك حبي وقلبي وزيادة
وأرخصت انا من شانك الربع الأدنين
وحبي لكم يشبه لحب العبادة
ويا ما مشيت بالطيب و اللين
وزرعت زرعٍ ما اهتنيت بحصاده
و أنت لو إنك تبي تسجّ عني أو تتوب
ماعاد فالثنتين حيله ما يمدي تهتدي
لا أستمالت يمّ قلبك ذعاذيع الهبوب
بتتذكر حسن وجهي على وردٍ ندي
ثم عاد الله يعينك على قطع الدروب
لا أشتحن صدرك من الشوق يا وين تغدي"