انا لما بلاقي امي واخده أصغر حتة لحمة او فراخ ف الصينية رغم ان الصينية بتبقى مليانه برمي اللي ف ايدي كله و احلف مانا دايقة لقمة من الاكل دا الا لما هي تاكل و تخلص اكل عدل
جو الام المضحية دا ملوش اي تلاتين لازمه طول م الخير موجود كفاية دراما فارغة بقى
في ام منزله على تيك توك بتقول ان انها مش بتحب تبقى مضحيه اوفر يعني مثلا لو ولادي كلهم اكلوا نصيبهم ف انا باكل زيهم ومش باكل بواقي الاكل عشان هما ياكلوا زياده ولو اشتريت ليهم لبس عيد مثلا برضو بشتري لنفسي
المهم شويه المرضى النفسيين بيهاجموها في الكومنتات!!
انا بقالي اسبوع سهرانه بعمل البلوزة اللي هنزل بيها الحفلة
كل يوم بعد ما ارجع م الشغل بعمل فيها حتة لغاية ما بنعس على نفسي
عارفين لو الخروجة اتلغت هعمل ف نفسي اي؟
فكر غلط ف وقت كنت غير ناضجة فيه مكانش حواليا حد أوثق فيه لدرجة اني افضفض و يقولي ان تفكيري غلط و المفروض أسعى و ربنا اللي بيرزق بس كبرت و اتعلمت الموضوع دا لواحدي و الحمد لله مفاتش الاوان
دي شهودة صاحبتي
شهودة اكتر حد بيدعمني ف اي خطوة باخدها
مبعملش اي قطعة كروشية الا و تاخدها تلف بيها الكلية
جزء مش قليل من المبيعات اللي بعملها بتكون بسببها و التسويق الكوميدي اللي بتعمله🥰💗
شهد و كام واحده تانيين من صحابي ليهم كل الحب عرفوني اني بجد عمري ما كان ليا صحاب قبل كدا
كمان ساعتين هقوم البس و انزل امتحن اخر مادة ف سنة تالته
قاعدة بعيط و قلبي واجعني كلها سنه و هبقى خلصت حياة جامعية
خلصتها و انا مش مع الشخص اللي من اول ما اتولدت كنت بحلم يحضر معايا التخرج
بكاء بدري جدا ممكن اموت قبل ما يوم التخرج ييجي بس انا ببكي بجد بحرقة
بتكون الكراسي فاضية كتير ف القطر و يطلع واحد يبص ع الكراسي كدا ب زعل اللي هو يااااه كل دي زحمه و ييجي يقعد جمبي او جمب اي بنت
بيكون ليلته سودا عموما و بيقطع رجله اللي ساقته ييجي جمبي بس لي يسطا مقفوش اوي انك خول شوف حركة جديدة بقى
الولد اللي بيقعد جمبي ف اللجنه رغم انه كل امتحان يجيبلنا الكلام بس والله هو من الذ الحاجات اللي عدت عليا ف الكلية
يكون الامتحان شبه مستحيل و دا يرمي نكتة ينسينا الهم الله يباركله💗