aboadel

[aboadel @shabeb20]

كذبت مره على نفسي وقلت أحتريك
وأنا أدري ان التلاقي شي ماهو سهل

سميتني بالهجر وأنا أسمّي عليك
صديت مدري بقلبك علم مدري جهل

متغير العمر كله من فعايل يديك
حتى طواريك ما قامت تمر بمهل

حتى عيونك ماهي عيونك هذيك
فاقد لي أحباب بعيونك ولمّة أهل🌹🇸🇦

[aboadel @shabeb20]

مزيونه و فيها من حنان الأمومه
دلوعه وفيها من طبوع الأطفال
.
في عينها اليمنى بلسم .. نعومه
وبعينها..اليسرى حكاية جمال🌹🇸🇦

[aboadel @shabeb20]

اثر تأثير المفارق على العاشق دمار
يستلم صدق المشاعر ويلعن جدها

مايحفض العشره إلا مواثيق الكبار
يوم بعض الناس جابان ماهو قدها

فيه حب" مثل راعيه بسم" مستعار
مير أنا بعض الحركات عندي ضدها🌹🇸🇦

[🇸🇦زين الوصايف🇸🇦 @al_Zaiin27]

@shabeb20 صح بدنك

[aboadel @shabeb20]

@al_Zaiin27 الله الله صح بوحك

[aboadel @shabeb20]

@an_7__7_ الزواج

[aboadel @shabeb20]

رزه طويلة عنق وعيونها وساع
متسيده بالزين سيد المفاريع

ياكن ممشاها على جرهد القاع
خطوا غزالِ ذيروها البواتيع

غروٍ يتل القلب من بين الاضلاع
تل الحرار الصارمات الطواليع🌹🇸🇦

[aboadel @shabeb20]

ماهوب عشان الشعر كله عشانك
يا كمّ ليلً مدلهم قد سريته

ياذا الغزال اللي مكانك مكانك
عرضت عمري لـ الحياه وشريته

سوالف عيونك وضحكه ثمانك
اعظم وأجمل منظرً قد رأيـته

كلام واجد خان صدرك وخانك
كنت احتريه وليتني ما احتريته

صحيح ما قلته بعظمة لسانك
لكنّي من نظرة عيونك قريته🌹

[aboadel @shabeb20]

عنقا وسيعة عين والجسم مرسوم
والخصر مثل الداب يوم يتلوّى

كن الخصر ظامر عن الزاد محروم🌹🇸🇦

[aboadel @shabeb20]

عليه السلام ... العذب لا مرني طاريه
اضم الهبايب من جهاته ... واسامرها

يفز الشعور ... لكل درب مشينا فيه
تبسمت من بسمته ... يوم اتذكرها

من اللي يقول إن فاقد الشي لا يعطيه
انا اعطيه حاجاتٍ وانا فاقد اكثرها🌹🇸🇦

[aboadel @shabeb20]

دارت الأيام وأنتِ مثل ما أنتي
تجبرين كسور قلبي بابتسامة

تنكسف شمس المحبة لا حزنتي
ما على جرح الهوى غير الملامة

من دخلتي صدري الخايف أمنتي
ما بعد رجفة غلاك إلا السلامة

قمت أرتب فوضى قلبي من سكنتي
موطنك هالقلب إلى يوم القيامه🌹🇸🇦

[aboadel @shabeb20]

أستحلفك باللي خلق كل ما فيك
تصدق معي لان الغلا باح .. سدّه

كيف أستبحت شعورنا خاب واليك
يومك دريت إن مالنا عنك .. صدّه

فاحت دلال الصبر من جمر مغليك
والعلم يا مضنون لا جاك .. بده

قلبٍ كفخ بين الحنايا وناصيك
إن كان مالك حاجةٍ فيه .. رده🌹🇸🇦

[aboadel @shabeb20]

فارعً فيها من الحسن ما لذّ وطاب
يتزيّن في مظاليلها الخرس الكحل

فكّت ابواب المحبه بـ قلبي باب باب
وجيشها اجتاح المحاني وسيطر واستحل

في سواد رموشها لون من ريش الغراب
ومن يشوف خدودها قال : قارصها نحل

تابعً جرّة هواها مثل تبع السراب
هو يحل اتبع هوى الغيد والا ما يحل🌹🇸🇦

[aboadel @shabeb20]

تحكمت بي وأسرفت يا ضامر السّرجوف
وعذّلت روح  سلّمتك أمرها كلَّه

وليفي عليه من الخشوف الدّقاق اوصوف
إلى ذار خشف الريم كنّه وصيف له  🌹🇸🇦"

[aboadel @shabeb20]

مزيونه ومن حسنها يخجل الضي
في عنق زين الخلايق قلاده

لو ينتثر من ريقها في البحر شي
يصير ماء البحر سكر زياده🌹🇸🇦

[aboadel @shabeb20]

سيدة كل العذارى وباهية الجمال
تنبهر من حسنها الارض ويهيم الحشا

ما يشوق عيونها الا مرازيم الخيال
والمطر والسحب والغيم لامنه نشا🌹🇸🇦

[aboadel @shabeb20]

ورموشها حد السيوف الرهايف
مقرونة الحاجب وطلقة محيـّا

وخدودها بين الهدب والشفايف
مثل السحب بين الثرى والثريـّا🌹🇸🇦

[aboadel @shabeb20]

يارقبة الخشف ياعين النداوي
ياسراجيف الذلول المستحيله

يامناةً تنقصر عنها المناوي
ياخيار الدهم يالقبا الاصيله

نعنبوك انتي مكاسر .. عود جاوي
ملبسيك سندس وشربك سلسبيله🌹🇸🇦

[aboadel @shabeb20]

ودي ؟.. أصوّر جمال " الطلّه الجذابه "
و أنتي أجمل من جمال الصوره الشعريّه

آجتمع لون القمر .. مع لونك المتشابه
لين صرتي كنّك : المجموعه الشمسيّه

لا تلومين !.. المولّع في " برود أعصابه "
( البرود ) أسبابه من .. الكتله الثلجيّه🌹🇸🇦

[aboadel @shabeb20]

يحن قلــبي للحــبايب ، و يشتاق
والشوق يرسم طيفهم في منامي

أحبهم وأسهر مـع الحب ، تـواق
فيهم حديث النفس وأحلى كلامي🌹🇸🇦