جمايل الناس بين الناس
و امزارق الطيب غير الدّس
و لي صاحبٍ كنّه ابو ادباس
و ادباس عنده و انا مقدّس
اغليه طيب و نعارة راس
و له الوفا بقلبي مردّس
جيته اعايد و معي اكياس
عيديّه و هدوٍ مكدّس
و طلعت من عنده ابلا باس
معي عطر عود و مسدّس.!
للابدع وجه آخر
#عبدالله_شاكر_الرويلي
@shaker016
بـ ✍️ الشاعر المبدع
#عبدالله_شاكر_الرويلي 🌟
@shaker016
يا شاكر الدنيا عليها الله يعين
و الا البشر . . امور اهلهم هيّنه
اما كسبنا غانم من الغانمين
و الا عسى . . ما للاوادم عيّنه
يابوك و الدنيا تزين او ما تزين
نفوسنا منها مهي متشيّنه
و ايامنا ماهي على ما لك تبين
بكره تشوف اللي محد متحيّنه
حنّا قبل شفنا و عفنا و السنين
ما هي على ما نشتهي متزيّنه
لا تطرق ضلوع المناوي يالخدين
و ضلوع ابوك مطوّقات كنيّنه
و لا تطرّى ثمّ نسرف بالحنين
و امهاجنا بليّا طواري ليّنه
ان طعتني خل الدعاوي بين بين
لو الفساقى شفتها متديّنه
و انا لو إنّي كل وقت و كل حين
اضحك و اقول ان الامور هويّنه
لو شفت بالي مثل خطّ التابلين
بعض القصايد بالضمير محيّنه
من باب شيمه نوبٍ و من باب دين
و الله يغفر الخافيه و البيّنه
و اللي تلاعبني على طرفٍ و عين
و قلبي مديّن و صلها و متديّنه
لو إنّها ( تبقي خمور الاندرين )
ما قلت (هبّي بـ اصحنك) يا حنيّنه
لنّي اخبر اللي تمحواه الكنين
و اعرف عفراها و اعرف القيّنه
و العالم المعتوه و الرتم الحزين
عنهم قريت الفاتحه و البيّنه
و اللي يدوّر وحده من الحسنيين
كلٍّ على الحدّ الجنوبي عيّنه
ما اروعك وما اروع ما خطتة اناملك ايه المبدع
قسم بالله ابداع
@shaker016#عبدالله_شاكر_الرويلي
البعض منهم
شره على المنظومة المهضومه
اللي تهوس براسه و بـ اغواره
منظومةٍ تحتاج الى منظومه
مختاره و تمدح لها مختاره
يا ايها النفس التي لا تأبه
بما يدور بداخل الغماره
انا ترى ما ابالغ ان قلت انّي
من وضعنا الراهن و من شعّاره
متخم الى ابعد حد ممكن يخطر
في بال من يستوعب الاشاره
و يا جارة الوادي الذي لم تألو
جهداً .. فداك الوادي و يا جاره
يفداك كل اللي بعرض الساحه
و اللي بطول البقعه الدوّاره