#طالبك_لا_تبطي_علي
مرحبا يا هلا والله يرضى عليك
مع انك ابطيت لكن مرحبا يا هلا
تصدّق اني نويّت اسوق عمري واجيك
لكن دفعك الغلا ،، حتى دفعت البلا
لاني لو اجيك بتصير المواضيع ذيك
وعلوم فيها من الازعاج قلّة حلا
ما دامك تحبني جدا وانا اموت فيك
ما فيه داعي توّكل للغرام وكلا
من راسي لراسك وعندك ومنك واليك
اما يدوم الغلا والا يدوم الغلا !!
لكني انساك ؟؟ لا بالله واحبك و ابيك
ماني بناسيك لو قلبك يصد وسلا
ما غير اهوجس وافكر واذكرك واحتريك
واطرد ورى طيفك اليا مرني وانجلا
الله يرضى علي والله يرضى عليك
لا عاد تبطي ترى قلبي كلاه الخلا
جوارحي كلها رهن لإشارة يديك
تبادرك بالغلا و تبايعك بالولا
#غرامي_أجمل 🩵❤️