#قانون_اليسر#تجلّي_الأهداف#سؤال 🤗
قد مرّة فكّرت إن الشيء اللي واقف بينك وبين تحقيق هدفك مو بالضرورة نقص في السعي، ولا تأخّر في التجلّي… ممكن ببساطة إنك ما حطّيت نية للأشخاص والعلاقات اللي تساعدك توصل له؟
قد فكّرت يوم تحطّ نية لتجلّي علاقات في حياتك تكون سبب في فتح أبواب جديدة لك، وتقرّبك من أهدافك، وتكون داعمة ومساندة لك بدل ما تكون عائق في طريقك؟
دايم نحط نوايا وأهداف ونسعى لتحقيقها، ونركّز على النتيجة اللي نبي نوصل لها، لكن هل فكّرنا يوم نحط نوايا للدعم والمساعدات اللي نحتاجها في طريقنا لتحقيق هالأهداف؟
‼️ وهنا تكمن نقطة مهمّة جداً!
مو شرط نحقق كل شيء لحالنا، ولا شرط يكون طريقنا مليان تحديات ومقاومة عشان نستحق نوصل.
✅ خلّونا نغيّر هالمعتقد ونيسّر على أنفسنا 😊
أحياناً تجلّي هدفك يكون عن طريق شخص يفتح لك باب، أو علاقة تعرّفك على فرصة، أو إنسان يؤمن فيك ويشجّعك، أو شخص يشاركك معرفته وخبرته، أو حتى أشخاص يمنحونك الأمان والمساحة اللي تساعدك تتوسّع وتنطلق.
وهذي من أهم أركان #قانون_اليسر في تجلّي الأهداف.
عشان كذا، لا تحطّ نواياك للنتائج بس، حطّ نوايا للطريق بعد.
انوِ إن تتجلّى في حياتك العلاقات المناسبة، والأشخاص الداعمين، والمساعدات والتسهيلات والفرص اللي تخدم نواياك.
وانوِ إن تكون علاقاتك إضافة لحياتك، مو استنزاف لها، وإن تكون محاط بأشخاص يفرحون لتوسّعك، ويساندون نجاحك، وما يحسّون بالتهديد من تطوّرك.
وانوِ بعد إنك تكون علاقة داعمة وميسّرة في حياة الآخرين.
لا تركّز بس على وش تبي يتحقق، انتبه بعد لمين تبي يكون معك في رحلة تحقيقه.
فأحياناً #اليسر ما يجي بتغيير #الهدف، بل بتغيير #الطريق و#الأشخاص اللي تمشي معهم باتجاهه.
ومن اليوم، خلّ نواياك مفتوحة لاستقبال كل علاقة جميلة، وكل شخص داعم، وكل فرصة ومساعدة وتسهيل يخدم طريقك وأهدافك.
انوِ بقلب مطمئن، واستقبل بثقة، واسمح لليسر إنه يوصل لك بأجمل الطرق، ومن خلال الأشخاص المناسبين، وفي الوقت الأنسب لك.
💫 أنوي وأستقبل علاقات داعمة، وأشخاصاً يضيفون لحياتي، وفرصاً وتسهيلات تفوق توقّعاتي، وأسمح لليسر إنه يتجلّى في طريقي بكل حب وسلاسة.
#القوانين_الكونية
#العلاقات_الواعية
#خلود_بنت_عبدالعزيز