Her

وحده من لم يخترِ الغياب على مشقّة الطريق (سابقًا)

[Her @shecaos]

اللهم آنس أبي في وحدته وأكرم نزله ونوّر قبره، اللهم ثبّته عند السؤال واغفر له وارحمه واجعل قبره روضة من رياض الجنة

[Her @shecaos]

كل تأملت صوره قلبي يتفطر. ماني مصدقة أن أقوى إنسان قد شفته بحياتي قلبه ماتحمّل و وقف كذا. وخلاص ماعاد صار موجود. الإنسان الوحيد اللي وجوده يحسسني أني طفلة وباقي أحتاج يقول أنه فخور فيني، مو موجود. أحس أني كبرت عشرين سنة

[Her @shecaos]

كل ماطلعت من البيت أجلس أتأمل الناس والسيارات والشوارع وأغص في فكرة أن الدنيا زحمة والناس واجد بس أبوي ماعاد هو أحد منهم

[Her @shecaos]

كل ماشافني أحد يقول لي لا تكتمين، لا تقاومين، ابكي زي ماتبين عشان ترتاحين. بس أنا في عالم ثاني. كل ماقمت من النوم أحس أن أبوي طالع لأن البيت كله ضيوف وبيرجع لا مشوا. بس للحين مابعد رجع

[Her @shecaos]

أحب وجه أبوي وهو مبسوط. الفترة الأخيرة من حياته ماكان مبسوط كثير. قلبي يتفطر لا شفت فديوهاته خصوصًا في البر، مرة يحب ياخذنا للبر مع أننا مانطيقه بس عشان بالليل يلمّنا بفروته ويقعد يقول نفس القصة المرعبة اللي يقولها لنا من يوم كنا صغار

[Her @shecaos]

ماكنت أتخيل في يوم اسمع كلمة "المرحوم" وأبوي يكون المقصود

[Her @shecaos]

اللهم كما سيّرت الجبال سيّر لأبي من رحماتك وغفرانك، وأكرمه بكرمك، يارب اجعله في دار السلام وفي ظلٍ ظليل واجعل عن يمينه وعن شماله نورًا وابعثه ضاحكًا مستبشرًا آمنًا مطمئنًا سعيدًا بقربك واجمعنا به في جنات النعيم يارب العالمين

[Her @shecaos]

اللهم إنها أول جمعة له في قبره اللهم إنه ضيفك وأنت خير مُضيف، اللهم ارحم أبي برحمتك وآنس وحشته و وسّع مدخله وأكرم نزله، واجعل أول جمعة له في القبر خير لياليه

[Her @shecaos]

يكسرون خاطري الناس اللي كذا.

[جود. @5__j1]

على طاري الذنوب الجارية، أنا صارلي فوق ال٥ سنين متخرجة من الجامعة ، وامس كلمت وحدة من بنات الجامعة الي من زمان مره عنهم، وبوسط السوالف قالت جود تذكرين الاغنية الفلانية؟ الي سمعتيني اياها يوم كنا ندرس! تدرين اني حبيتها ومن وقتها وانا كل فترة لازم اسمعها!! وقتها أنا صُعقت!

[Her @shecaos]

يضحك أن ماعمره قالنا نغسل ملابسه وغسلناها على طول دايم نتكاسل. بس ذاك اليوم خفنا يزعل وقشينا كل شيء غسلناه حتى شمغه. حرفيًا كل شيء

[Her @shecaos]

زعلانه أننا غسلنا كل ملابسه ماعاد بقى شيء من ريحته. ما أشم غير الصابون

[Her @shecaos]

أحمد ربي أنه راح وهو مثل ما شفناه وحنا صغار. مهو محتاجنا، باقي له هيبته، نحسب له ألف حساب لا جاء وراح. وفاته في هالعمر أكثر شيء يشبهه. راح وهو مب محتاجنا نداريه ولا نقوم فيه. هو اللي قايم فينا وشايل حملنا. الله يرحمك ياحبيبي ويجمعنا فيك بالجنة

[Her @shecaos]

أحب شخصية أبوي. من قبل لا يروح والله أني أحب شخصيته. أستانس لا قال أني أشبهه. أبوي من الناس اللي لا دخل مكان كلن يدري أنه دخل. مع أنه مزوح ويضحك مع الصغير والكبير بس له هيبته.

[Her @shecaos]

يارب بشّرنا فيه أنه مرتاح ومبسوط وآمن مطمئن

[Her @shecaos]

اللهم آنس وحدته وهوّن عليه واصلح حاله واجعل قبره روضة من رياض الجنة واجمعنا به في جنات النعيم ياجبار ياكريم

[Her @shecaos]

ليه كذا

[#عاشق_الماضي @ashiq_almadi]

كفتريا في #رفحاء عام ١٩٩١م

[Her @shecaos]

حصل أول خلاف على الورث بيني وبين أخواني اليوم
متهاوشين من ينام مع جاكيت أبوي

[Her @shecaos]

اللهم أجرنا في مصيبتنا واخلفنا خيرًا منها

[Her @shecaos]

حين تطغى على الحرّان جمرتها
فالصمت أفضل مايطوى عليه فم*

[Her @shecaos]

دايم يقول أني ماخذه كل صفاته اللي مايحبها في نفسه. بس أنا أحبها. أحس أنها الشيء اللي يربطني فيه ويحسسني أن بيننا رابطة مميزة ماتشبه اللي بينه وبين أخواني. من كثر ما أنه يشوف نفسه فيني، مهما حصل بيننا ما يناديني إلا الغالية

[Her @shecaos]

رغم نشأة وقسوة طفولة أبوي وتحفّظه، مهما غلطت وطلّعت عيونه مايقدر يقعد زعلان يقول أنتي طالعه على أبوك. متهورة