Sheena Bee @sheena_baloch - Twitter Profile

24 days ago

فوڈ پینڈا کی سروسز سے تنگ آ کر ایک صارف نے انوکھا احتجاج کرتے ہوئے بے قصور رائڈر کو پھنسا لیا۔قصہ کچھ یوں ہے کہ ایک خاتون نے صبح چار بجے چھ ہزار روپے کا کھانا آن لائن پیمنٹ کر کے آرڈر کیا۔ رائڈر صاحب نے کمال ہوشیاری دکھائی؛ نہ گھر پر آ کر بیل بجائی، نہ فون کیا، اور ایپ پر آرڈر کو "ڈیلیورڈ" شو کر کے رفو چکر ہو گئے۔ خاتون نے جب کسٹمر سپورٹ کے دروازے کھٹکھٹائے تو وہاں سے ہمیشہ کی طرح ٹس سے مس نہ ہونے والا روایتی جواب ملا اور کوئی مدد نہیں کی گئی۔ بس پھر کیا تھا، جب سسٹم آپ کا پرسانِ حال نہ ہو تو بندہ خود ہی انصاف کرنے پر اتر آتا ہے۔ اگلی صبح خاتون نے اپنا غصہ نکالنے کے لیے دوبارہ فوڈ پینڈا سے کیش آن ڈیلیوری پر آرڈر کیا۔ جونہی نیا بیچارہ رائڈر کھانا لے کر پہنچا، خاتون نے کھانا تو پکڑ لیا لیکن پیسے دینے سے صاف انگوٹھا دکھا دیا۔ ان کا صاف کہنا تھا کہ جب تک کمپنی پچھلے چھ ہزار روپے کا حساب نہیں چکاتی اور اس چور رائڈر کو سامنے نہیں لاتی، وہ ایک دھیلا بھی ادا نہیں کریں گی۔ ویڈیو میں دیکھا جا سکتا ہے کہ نیا رائڈر اور سیکورٹی گارڈ ہاتھ باندھے کھڑے ہیں اور بے بسی سے صفائیاں دے رہے ہیں کہ بھائی! اس نئے بندے کا پچھلے واقعے سے دور دور تک کوئی واسطے نہیں ہے، لیکن خاتون کا غصہ اپنی جگہ پر آسمان کو چھو رہا ہے۔ اب یہاں اصل سوال یہ اٹھتا ہے کہ کیا کمپنی سے اپنے پیسے نکلوانے اور اس کے گھٹیا نظام کو سبق سکھانے کا یہی طریقہ ہے؟ ایک طرف کمپنی کی نااہلی ہے جو صارفین کو اس نہج پر لے آتی ہے، تو دوسری طرف ایک غریب اور محنت کش رائڈر ہے جس کا اس سارے فساد میں دور دور تک کوئی قصور نہیں تھا، مگر وہ بے چارہ بیچ میں پس گیا۔ سوال یہ پیدا ہوتا ہے کہ کیا کمپنی سے ناانصافی کا بدلہ لینے کے لیے کسی بے قصور اور محنت کش رائڈر کی رقم روکنا اور اسے پریشان کرنا کہاں کا انصاف ہے؟ آپ کے نزدیک کیا اس خاتون کا یہ قدم درست تھا، یا پھر غصے میں آ کر ایک بے قصور کی روٹی اور محنت کو نشانہ بنانا سراسر ناانصافی ہے؟ #CustomerService #DeliveryRider

262

1K

272

350

271K

Sheena Bee

@sheena_baloch

Who to follow

Last Seen Users on Sotwe

Trends for you

Most Popular Users